Markuse 7:6 - Labrador Inuttitut Heritage Bible

⁶ Kiovaille oᴋautivlugit: Ilipse takkormôrtose, Jesaiasib oᴋautigitsiaralloarpâse, sorlo aglaksimangmat: Inuit ukkua ᴋangasinâmingnut nertorpânga, ômatingitale ungasikpânga.

Markuse 7:6 Iomraidhean Croise

Jesaiase 29:13

Nâlegarlo oᴋarpoᴋ: Imâk pivlugo: nunaᴋatigêt tâpkoa ᴋanermikkut najormanga, ᴋangasinâmikkullo opigingmanga, õmatingille ungasiktillugit uvamnit, erᴋsigingmangalo inutuinait perᴋojangit illiniartatik malligaksarivlugit,

Hesekiel 33:31

Ilingnôrpullô inugiartoᴋsuit iluserijangat maliklugo, ingipullo sângne sorlo inuᴋotikka, tusarpullo oᴋauserijarnik, piniarnagille; ᴋanermingnut saᴋᴋêgamik unganersoarmik, ômatingille pijomatudlarnermut torârput.

Johannese 15:24

Piniarnerit piniarnerilaungikupkit, asimma piniarnerilaungitangit, ajorneᴋarajangilat; mânale takolauralloaramigit, tamamnuk ômigivâtiguk, uvangalo Atâtagalo.

Johannese 5:42

Illitarivapsele, Gûdib naglingninganik ilumiuteᴋanginapse.

Apostelit Piniarningit 28:25

Ingmingnulle ilannârênginamik apterput, Pauluse imâk oᴋarmat: Anernek ajunginek oᴋalauralloarpok nalautaijokut Jesaiasekut atâtagijaptingnut,

II Timôteusemut 3:5

Gûdemik nâlekteojârtunik, pitsartuninganigle sakᴋertitsijomangitunik. Taipkoatauk allakit.

Titusemut 1:16

Gûde illitarivlugo oᴋarput, piniarnermingnulle missiarutigivât; Gûdemut makᴋojungnaramik, tapatojoᴋsôlarmiglo, sappertoksôvut ajungitulinernut tamainut.