Markuse 7:2 - Labrador Inuttitut Heritage Bible

² Illiniartingitalo illangit takogamigit ᴋaᴋᴋôjaᴋtortut, ubvaᴋârnagit aggatik, idluaringilait.

Markuse 7:2 Iomraidhean Croise

Mattêuse 15:2

Sôk ilinniartivît angajoᴋâpta ilusingit malilungilagît? Aggatik ubvangilait, ᴋakᴋôjaᴋtorniarangamik.

Markuse 7:5

Farisêerillo aglangniglo illisimajut apersorpât: Sôᴋ illiniartivît malingilagît angajoᴋâpta ilusingit, sôᴋ ubvarsimangitunik aggaᴋarlutik ᴋaᴋᴋôjaᴋtorᴋât?

Lukase 11:38

Ubvarsimanane nerrijomangmat, Farisêerib takogamiuk, tataminiarpok.

Apostelit Piniarningit 10:28

Oᴋarvigivaillo: Nalungilase, idluangimat Jûdit ilangata takorngartat ilagikpagit, pulâriartorpagillônêt: Gûdible ᴋaujitilaukpânga, inuit naliallônêt taijaksaungimat nachonartomik maᴋojungnartomiglônêt.

Apostelit Piniarningit 11:8

Oᴋarpungale: Aukagle, Nâlegak; nerrilaunginama sulle nachonartunik maᴋojungnartuniglônêt.

Rômiunut 14:14

Nalungilanga ᴋaujimavilarmalo Nâlekame Jêsuseme, tamaita ingergarmik maᴋojungnangimatta; kissianut maᴋojungnarasugiklertomut maᴋojungnarput.

Ebrêerinut 10:29

Imaᴋâ, sugaluluartoᴋsoarmik pidlartaujutiksarsiniarasugivase (inuk) tullertoᴋ Gûdib erninganik, ivsornautigilugolo Testamentib aunga ivsornaijutigilauᴋtane, mitauteᴋartorlo Anernermik saimarsautaujomik.

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.