Markuse 6:6 - Labrador Inuttitut Heritage Bible

⁶ Okpinginingillo tataminiarivait. Arvertarporlo iglugasaksoarnut avatiminêtunut, ajoᴋertuivlunelo.

Markuse 6:6 Iomraidhean Croise

Jesaiase 59:16

Takovoᴋ, anguteᴋangimat; tattaminiarpoᴋ, piniutjijoᴋangimat. Kissianele talline ikajortigilerpâ, idluarnine ajakparpâ.

Jeremia 2:11

Inôᴋatigêksuit tauᴋsêlauᴋsimavât gudingoamingnik gudeolungikaloartunîk? Inuᴋotimale opigijaksarijatik ânanaujoᴋ tauᴋsiutisimavât idluarᴋutiksaungitunut.

Mattêuse 4:23

Jêsusiblo nuna Galilêa ilûnât ingergavigivâ, katimavinginalo ajoᴋertuivok, oᴋautsillo tussarnertut nâlegauvingmik oᴋâlatigivait, ᴋanimajullo atsuiliungitullo inungnêtut âᴋikpait.

Mattêuse 8:10

Jêsusible tamanna tussaramiuk, tataminiarivâ, maliktinalo oᴋautivait: Âhamarik oᴋaupapse, taimâk angitigijomik okpernermik nagvâlaungilanga Israêlitine.

Mattêuse 9:35

Jêsuselo arvertarpok iglugasaksoatigut iglugasaktigullo ilûnaitigut, ajoᴋertuivlune katimavingine, oᴋautsillo tussarnertut nâlegauvingmik oᴋautigivlugit, inungnalo atsuiliungitut, ᴋanimajullo sunatuinait âᴋikpait.

Markuse 1:39

Galilêamelo ilûnâne katimavingine ajoᴋertuivoᴋ, Sâtanasillo anitipait.

Markuse 10:1

Tagvangat ama aularivoᴋ, Jûdêab erᴋânut pivlune, Jordanib akianut. Inuillo ama inugiartoᴋsôvlutik tikipât, iluserivaktamitullo ajoᴋertorivait.

Lukase 13:22

Mattoma kingorngagut iglugasaksoatigut iglugasaktigullo ingergavok ajoᴋertuivlunelo, ingergarlarmelo Jerusalemut.

Lukase 4:31

Kapernaumullo, iglogasaksoarnut Galilêamêtunut pivok; sabbateolerangallo ajoᴋertorpait.

Lukase 4:44

Katimavingnelo Galilêamêtune ajoᴋertuivok.

Johannese 9:30

Inub kiovait oᴋautivlugillo: Tamanna tatamnadlarpok, ᴋaujimanginapse, nakit pingmangât; ijîkkalo uitilaukpak.

Apostelit Piniarningit 10:38

Jêsuse Nazaremiok pivlugo, Gûdib mingoalaungmago Anernermik ajunginermik pitsartunermiglo; tâmna arvertalaungmat ajungituliartorlune, inûlilaitalo ilûnaita Sâtanasemut sâlaulauktut, Gûdib najormago.