Markuse 5:7 - Labrador Inuttitut Heritage Bible

⁷ Suniarpagît, Jêsuse, Gûdib ᴋotsingnerub Erningâ? tuksiarvigilutit Gûdib sângane oᴋaupagit: kappiasuktitserᴋonak uvamnik.

Markuse 5:7 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

I Atannit 22:16

Atanniub oᴋaupsarpa: Kapseartorlunga oᴋautimarijariaᴋarpagit, asianik oᴋauseᴋarᴋonnak uvamnut, Nâlekab atingane mikseᴋarnermit.

Hosea 14:8

Efraim oᴋalârpoᴋ: Gudingoat suksarivigît sullê? Uvanga kiolauᴋpunga, kamagijomavaralo; ᴋeblariktotut tungujortatut ipunga; uvamne paungatit nagvârtaujuksauvut.

Mattêuse 16:16

Tagva Sîmonib Pêtrusib kiovâ oᴋarlunalo: Kristûseovotit, Gûdib ômajub erninga.

Mattêuse 26:63

Jêsusele niplingilak. Ajoᴋertuijoksûblo kiovlugolo oᴋautivâ: Gûdib ômajub kênangata sângane aperivagit, oᴋautitigut Kristûseomangârpit, Gûdib Erninga.

Mattêuse 4:3

Oktortublo Sâtanasib tikipâ oᴋautivlugolo: Gûdib ernerikpatit, ujarᴋat ukkua oᴋautikit, ᴋakᴋôjaulerᴋovlugit.

Mattêuse 8:29

Ahâglo, nipliadlarlutiglo oᴋarpuk: Jêsuse, Gûdib erninga, suniarpitigûk? Naliuterᴋârtinago kappiasuktitsartorpitigûk?

Markuse 1:24

Adjai! suliniarpitâ ilingnut, Jêsuse Nazaremiôk? asseroriartorpaptigut; kinaujotit ᴋaujimagapkit, Gûdib ivsornaitoᴋotigingmatit.

Markuse 14:61

Nipleranele kiungilaᴋ. Ajoᴋertuijoᴋsûb ama aperivâ, oᴋautivlugo: Kristuseovêt, nakorinadlartub erningâ?

Markuse 3:11

Anernerillo maᴋojungnartut takojarangamitsuk pâmagvigivât, niplerlutiglo oᴋarput; Gûdib Ernerivâtit.

Markuse 5:6

Jêsusele takogamiuk ᴋaningitomit, aᴋpangerdlune pagrearpâ, pâmaktervigivlugolo nipliadlarlunelo oᴋarpoᴋ:

Markuse 5:8

Oᴋautivâle: Anît anerniojotit maᴋojungnartotit inungmit ômangat.

Lukase 1:32

Tâmna angidlaromârpok, ᴋotsingnermêtublo erninganik taijaujomârpok, Gûdiblo Nâlekab tunitjivigijomârpâ atâtangata Dâvidib iksivautanganik.

Lukase 4:34

Oᴋarpok: Adjai, suliniarpitâ ilingnut, Jêsuse Nazaremiôk? Asseroriartorpitigût? Kinaujotit ᴋaujimagapkit, Gûdib ivjornaitoᴋotigingmatit.

Lukase 6:35

Tamanna pivlugo ômigijise naglingniarsigik; pitsiarluselo attarsiaᴋisititse, sumik nerriugutiginago; akkiksase angidlaromârpok tagva, ᴋotsingnerublo ᴋitorngarijomârpâse. Tâpsoma avagingmagit ᴋujalingitut kasêtullo.

Lukase 8:28

Jêsusele takogamiuk, nipliadlarpok, pâmaktervigivlugolo nipperᴋortovlune oᴋarpok: Suniarpagît, Jêsuse, Gûdib ᴋotsingnerojub Erningâ? Tuksiarpagit, kappiasuktiniarnanga!

Johannese 20:31

Tamakkoale aglaksimavut, okpilerᴋovluse, Jêsuse Kristûseongmat, Gûdib Erninga; okpernermullo inôseᴋarᴋovluse tâpsoma atingane.

Apostelit Piniarningit 16:17

Tâpsoma Pauluselo uvagullo ilûnânut malikpâtigut, ᴋaggudlarlunelo oᴋarpok: Gûdib ᴋotsingnerpângojub inuit ukua kivgarivait; tâpkoa oᴋautivâse apᴋomik piloringnermut.

Apostelit Piniarningit 19:13

Jûdille ilangit arvertarajuktut angakut (erksinatik) Nâlekab Jêsusib atinga tailugo anerniâluktalingnut oᴋarput: Jêsuse, Paulusib oᴋautigijanga pivlugo, anerᴋovapse.

Apostelit Piniarningit 8:36

Ingergaramiglo imeᴋartomut tikipuk; pimaklertelo oᴋarpok: Ahâk, imek tagga, suna agviarᴋâ baptitauᴋonangâ?

Rômiunut 16:20

Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.

Ebrêerinut 2:14

Taimaimat, sorlo sorutsit uvineᴋarlutiglo auᴋarmatta, tâmna ukkutitunaᴋ tamakkoninga illangiusimavoᴋ, toᴋominut pitsartuerutijomavlugo toᴋub pitsartuninganik peᴋartoᴋ, tagva Sâtanase,

Ebrêerinut 7:1

Melᴋisedegle tâmna ataniviolauᴋpoᴋ Sâlememe, Gûdib ᴋotsingnerpângojub ajoᴋertuijoᴋotinga; tâpsoma Abraha pagreartorpâ, utermat ataniviksuit sorsungninginit, saimaupâlo.

Jâkobusib 2:19

Atautsemik Gûdeᴋartomik okperpotit: idluartomik Taimâk pivotit; Sâtanasittauk tamattominga okperivut sajuklutiglo.

II Pêtrusib 2:4

Engelit idluitulilauᴋtut Gûdib pidlartaulilaunginamigit, tâᴋtoᴋsûble ᴋelaumgujanginêdlutik Sâtanaseᴋarvingmut ajaktordlugit pitilauramigit, ᴋimergutauᴋovlugit erᴋartuiviksamut;

I Johannesib 3:8

Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.

Jûdasib 1:6

Engelittauᴋ ataniovingmingnik (sivorlermik) sapkutsijut, iglomingniglo ᴋemaijut, ᴋelerutinut issoᴋangitomut soᴋᴋosijuituksaujunut ᴋumergusiupait uvloᴋsoarmut erᴋartuiviksamut.

Takotitaunermik 12:12

Taimaimat ᴋuviasugitse ᴋilait, ilipselo tâpkonane ineᴋartose. Kappiasungniarpulle nunamêtut imarbiksoarmêtullo; Sâtanase akᴋarmat ilipsingnut, angijomik ningausilik, ᴋaujimagame sivikitomik piviksaᴋarnerminik.