Markuse 5:27 - Labrador Inuttitut Heritage Bible

²⁷ Tâmna Jêsusemik tussalerame, inuit akorngatigut annorânga aktoriartorpâ tunuanit.

Markuse 5:27 Iomraidhean Croise

II Atannit 13:21

Pijoᴋalaukporlo, angut illijartormatsuk, sorsuktuksalle takkungmattigik, angut tamna egipât Elisab illuvinganut. Tamnalo unnungarame, Elisablo sauningit âktoramigit, omârpok tullerarlunelo ittikaminut.

Mattêuse 14:36

Tuksiarvigivlugolo, annorângata sinâ aktortaukovlugo taipkonunga. Ilûnatiglo, tâpsominga aktuijut, pijungnailerput.

Markuse 5:26

Kappiasudlarlunelo perᴋutine tamaita nungulauᴋpait âniasiortinut: soᴋoseranele sugaluluatuinartoᴋ.

Markuse 5:28

Oᴋarame: Annorângalônêt aktorungnarupko, pijungnainajarpunga.

Markuse 6:56

Niuvervingnut, iglugasaksoarnullônêt iglugasangnullônêt iterangat, ᴋanimajiatik ilivait iglut akornganut, tuksiarvigivlugolo, annorângata sinâ aktortauᴋovlugo taipkonunga. Tâpsomingalo aktuijut ilûnatik pijungnairput.

Apostelit Piniarningit 19:12

Imâk aglât pivut: Kidjijârnermik allarutiksat, kakkigutillo timinganut aktortitat ᴋanimajunut ilivait, pijungnairpullo, anernerillo ajortut anivut tâpkonangat.

Apostelit Piniarningit 5:15

Kanimajut aglât apᴋosineâlungnut anipait, aumitinullo akkigautinullo ilivait, Pêtrusib sanarᴋokpagit, tachanganut ilangit tâktauᴋovlugit.