Markuse 5:23 - Labrador Inuttitut Heritage Bible

²³ Angijomiglo ᴋenuvigivlugo oᴋarpoᴋ: Paniga toᴋokasakpoᴋ; aggangnut aktoriartulauruk inûlijauvlunelo inôᴋovlugo.

Markuse 5:23 Iomraidhean Croise

II Atannit 5:11

Tagva Naeman ningalerpok, aularlunelo oᴋalarmelo: Issumalaukpunga anniviginiarmanga, nangeriartorlunelo tamaunga, Nâlekablo Gûdime atinga nipliarvigilugo, aggangminullo sukkutsera tilaijarlugo, taimaglo kallak pêjarniarmago.

Imgerut 107:19

Mannalo niplialauktut Nâlekamut kappiagijamingne, tâpsomalo iᴋajulauktangit kappiasungninginnit;

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Mattêuse 8:3

Jêsusiblo aggane issakpait, aktorlâllo, oᴋarlune: Pijomavunga, kalagungnairit. Tagvainarlo kalagungnaisârpok.

Markuse 16:18

Kuglugiarâlungnik pêjaijomârput; toᴋonartomiglo imeralloarunik, soᴋoseromângilat; ᴋanimajut patingmikpatigik, pijungnairomârput.

Markuse 5:24

Jêsusiblo tagva aiparilerpâ; inugasaksuillo malikpât nimniortidlugolo.

Markuse 6:13

Sâtanasiniglo unuktunik anititsivoᴋ, ᴋanimajuniglo unuktunik pijungnaititsivoᴋ, mingoarûmut mingoarlugit.

Markuse 7:32

Atsivullo tussajuitomik oᴋarungnangitomik tâpsomunga, ᴋenuvigivâllo, aggangminut aktuerᴋovlugo tapsominga.

Markuse 8:23

Tautungitorlo aggangitigut tiguvâ, tessiorlugolo iglugasait silatânut, ijîgiglo ᴋetserarlugik, aggangminullo aktorlugo aperivâ: Sumîk takovêt?

Lukase 13:13

Aggangminullo patingmivâ; tagvainarlo isivilerpok Gûdelo nakoridlarpâ.

Lukase 4:38

Nikovidlunelo katimavingmit (anivok), Simoniblo iglunganut pivok. Simoniblo sakkia arnak ôlingnartoksoarmut ᴋanimavok, taimnalo pivlugo tuksiarvigivât.

Lukase 4:40

Seᴋinerlo nipimalermat, ilûnatik ᴋanimajoᴋotilit âpait tâpsomunga sunatuinarnik ᴋanimasilit. Aggangminullo tamaita patingmivait, âᴋiklugillo.

Lukase 7:12

Iglugasaille itervingat tikilermago ahâk, Toᴋungajomik anititsivut akigarlugo; anânangatalo tâmna ernetuarivâ, uigarniolarmelo; inugasaksuillo ilagivât iglugasangnit.

Johannese 11:3

Tagva najâgik tiliklerpuk oᴋautjauᴋovlugo: Nâlegak, ahâk, nagligijat ᴋanimalune nelavok.

Apostelit Piniarningit 28:8

Publiusible atâtanga ᴋanimalaukpok ôlingnartomut, aungmiglo anarartok; tâpsomunga Pauluse iterpok, tuksiarlarmelo (Gûdemut), aggangminullo patingmilugo âᴋikpâ.

Apostelit Piniarningit 6:6

Tâpkoa Apostelit sânganut pitipait, tuksiarlutiglo aggangmingnullo patingmivlugit.

Apostelit Piniarningit 8:17

Aggangmingnullo patingmingmatikik, Anernek ajunginek pigilerpât.

Apostelit Piniarningit 9:12

Takotitjutikut takolaukpok angumik, Ananîasemik atilingmik, iteriartortiminik, aggangminullo patingmijiminik tautulermerᴋovlugo.

Apostelit Piniarningit 9:17

Ananîasele aivok iterlunelo iglomut; aggangminullo patingmivâ oᴋarlunelo: Naglingnartok ᴋatangut Sauluse, Nâlekab Jêsusib, takotitub ilingnut apᴋome tamaungartilutit, tilivânga tautuktitauᴋovlutit ilumertauᴋovlutillo Anernermik ajunginermik.