Markuse 4:31 - Labrador Inuttitut Heritage Bible

³¹ Mustardib karngasûtiksatangatut-ipoᴋ; tâmna karngasortaugame nunamut, mingnerovoᴋ assiminit karngasûtinit tamainit nuname.

Markuse 4:31 Iomraidhean Croise

Jesaiase 53:12

Tamanna pivlugo angijoᴋsoarnik illangiutititsomârpara, pitsartuneliksuillo aitûtigijomârpait aᴋsârnigaujutitut, imâk pivlugo: inôtsine tuningmago toᴋomut, idluitullijunullo adsiotitaungmat, unuktut ajorningit nangmaralloarlugit, idluitullijullo simerdlugit.

Jesaiase 53:2

Nuilerpoᴋ perorsiaksatut (Nâlekab) sângane, nutaijoᴋtotullo ivjomit pallermit. Takominartomik tautuᴋangimat, kamagingilavut; takorannertoᴋangimat, ᴋuviagingilavut.

Jesaiase 60:22

Mikkinerôjomit tausendit pijomârmatta ajulernerpângojomillo nunaᴋatigêksuit pitsartuneliksuit. Uvanga Nâlegaujunga tamanna piniasâromârpara, nalliutijuksaukpat.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Saggaria 12:8

Uvlorme tâpsomane Nâlekab Jerusalemiut serngnigilârpait; sukkôjullo tâpkoa akorngane Dâvidetut ilârput uvlorme tâpsomane; Dâvidekullo Gudetut îtsomârput, Nâlekab engelingatut tâpkoa sângine.

Saggaria 2:11

Inôᴋatigêksuillo unuktut ilaulârput Nâlekamut uvlorme tâpsomane, inuᴋotigijomârpakkalo; ilingnelo ineᴋalârpunga, ᴋaujijuksaulârpotillo Nâlekab Zebaotib tilingmanga ilingnut.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Markuse 4:30

Oᴋarporlo: Sumut Gûdib nâlegauvinga adsiutitaksarivitigô? adsiujullônêt neliatigut nelonarungnaititaksarivitigô?

Markuse 4:32

Karngasortaugamelo perorpoᴋ, anginersauvlunelo perorsianit makpatâvangnit tamainit; akkeroᴋalilarmelo angijunik, tingmitjallo ᴋilaub atânêtut ineᴋarungnarput tachaliningane.

Lukase 17:6

Nâlekagle oᴋautivait: Mustardib karngasûtiksatangatut okperneᴋarupse, napârtomullo paungaliksamut ômunga oᴋarluse: Tagvangat pêrit, imarbingmullo nukterit, tagva nâlengniarpâse.

Apostelit Piniarningit 19:20

Taimâk angitigijomik Nâlekab oᴋausingit aglivalliavut sâlaᴋalerlutiglo.

Apostelit Piniarningit 2:41

Oᴋausinginik ᴋuviasuklutik nâlektut, baptitaulerput; uvlormelo taipsomane 3,000 it ilautitaulerput.

Apostelit Piniarningit 21:20

Tamattominga tusaramik, Nâlegak nakorivât, oᴋautivâllo: Katangut, tautukpotit Jûdinik tausendioᴋattartunik okpilertunik, ilûnatiglo ilungertorlutik perᴋojat maliktauᴋovait.

Apostelit Piniarningit 4:4

Oᴋautsinigle tusartut unuktut okpilerput, kitilugit angutit 5,000 dikasaulerput.

Apostelit Piniarningit 5:14

Nâlekamulle okpilertut unuksivalliavut, angutillo arnallo unuktoksuit.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.