Markuse 4:12 - Labrador Inuttitut Heritage Bible

¹² Ijinut uitajunut tautuklutik illitarserᴋonagit, siutinullo angmajunut tussâvlutik tukkiserᴋonagit, sâgiarᴋonagillo, ajorningillo issumagijaujungnairᴋonagit.

Markuse 4:12 Iomraidhean Croise

Jesaiase 43:8

Annilit inuit tautungitut ijeᴋaralloartut, tussângitullo siuteᴋaralloartut.

Jesaiase 44:18

Tukkisinatik missigingilat, takpẽtitaugamik, ijingit takorᴋonnagit õmatingillo tukkiserᴋonnagit.

Jeremia 36:3

Imaᴋa Judab kinguvângit tusarajarput idluitunik tamainik kajusijutigijamnik piniaromavlugit tâpkonunga; sâgiarajarmattalo ilûnatik atunit apᴋotigijamingnit idluitomit; issumagijungnaivigivlugit ajorninginit idluitulininginillo pijungnarᴋovlunga.

Jeremia 5:21

Tusaritse tamattominga, inôᴋatigêksoangojose silaidlartose, silatuneᴋangitoselo; ijeᴋartose tautungitosele, siuteᴋartose tusangitosele;

Hesekiel 12:2

Inûb erninga, tapatojoᴋsuit akorngane nunaᴋarpotit; tâpkoa ijeᴋaraloarput, tautulungilalle; siuteᴋarpullo, tusalungilalle; tapatojoᴋsôᴋatigêngogamik.

Markuse 8:18

Ijeᴋarluse takolungilasê, siuteᴋarluse tussangilasê, erᴋainaselônêt ipsomingâ?

Lukase 8:10

Kiovaille: Ilipse Gûdib nâlegauviata nelonarninganik ᴋaujititaugalloarpose; assisele oᴋautjauvut adsiujutigut, takogalloardlutik takoᴋonagit, tussaralloardlutiglo tussarᴋonagit.

Apostelit Piniarningit 3:19

Tagva mâna ᴋaᴋialeritse sâgiarluselo, ajornise pêjartauᴋovlugit.

Deuteronomy 29:4

Uvlomele tikidlugo Nâlekab tunitjivigingilâse ômamik missigijomik, ijiniglo tautuktunik, siutiniglo tusâjunik.

II Timôteusemut 2:25

Tapatojullo inerterungnarlugit, (neriuklune,) Gûdib taipkua sukutsiane tunitsiviginiarmangâgit ᴋaᴋialernermik, mikseᴋârnek illitarijungnarlugo;

Ebrêerinut 6:6

(Taimaitut) kiglormut (sâlutik) katakunik, ama Gûdib Erninga ingmingne seningajolingmut kikiaktorunitsuk, mitautigivlugolo, ama nutângortitauningat sâgiarnermut ajornavingmat.