Markuse 3:8 - Labrador Inuttitut Heritage Bible

⁸ Jerusalemillo, Idumêamillo, Jordaniblo akianit, Tirusiblo Sidoniblo erᴋângnêtut, inugiartorsuit, tatamnartitanginik tussartut, tikipât.

Markuse 3:8 Iomraidhean Croise

Imgerut 45:12

Zôrib paniata pilliutilijarlune kênait tuksiarviginiarpâ, akluitut innugasaksuit akkorngane.

Imgerut 87:4

Erᴋaromavakka Rahabekut Babelekullo, illitarksijut uvamnik akkorngane. Ahâk Filisterit, Tirusemiullo, ᴋernertet illaliudlugit, erniangojomârput tagvane.

Jesaiase 34:5

Saviksoara ᴋilangme tallatotut illingavoᴋ; takkuitse, aᴋᴋaromârpoᴋ Edomemut nunaᴋatigêksoarnullo unertûtigijamnut sugiartauviksamut.

Hesekiel 35:15

Sorlo igvit ᴋuviasulauravit Israêlib ᴋitorngangita kingormgutijanga pivlugo, sunataᴋarungnairmat, taimak piniarvigijomârpagit; igvit, ᴋaᴋᴋaᴋ Sîare, Edomelo tamât, ila, ilûnarsoanga, sunaᴋarungnairomârpoᴋ: ᴋaujijuksaulârpullo uvangaugama Nâlegaᴋ.

Hesekiel 36:5

Tamanna pivlugo imâk oᴋarpoᴋ Nâlegaᴋ Nâlegaujoᴋ: Ilungertudlarnimne ningaumajârlunga oᴋalauᴋpunga inôᴋatigêksuit amiakungit Edomelo ilûnât pivlugit, ômatingita ilûnatik ᴋuviasungninganut tarnemiglo kassêninganut nunamnik kingormgutijaksautitsilauᴋtut nangminermingnut piksauᴋovlugo;

Mattêuse 11:21

Kappianamêk, Korazin! Kappianamêk Betsaida! Tirusemelo Sidonemelo taimaitunik tatamnartunik pijokalaukpat, sorlo ilipsingne; itsak pôksaijatuinarnik annorâᴋardlutik argjamêdlutiglo ᴋaᴋialerajalaukput.

Mattêuse 4:25

Inugasaᴋsuit malikpât Galilêamit, iglugasaksoarnillo tallimaujortunit, Jerûsalemillo, Judêamillo, Jordanib akianillo.

Markuse 7:24

Nikovidlunelo tâva tagvangat aularpoᴋ, Tirusiblo Sidoniblo erᴋângnut pivoᴋ; iglomullo iterlune inuit angigutijomagalloarpait, ijersimajungnangilarle.

Markuse 7:31

Tirusiblo Sidoniblo erᴋângnit aularmigame, Galilêab tesseᴋsoangata senianut pivoᴋ, iglugasaksuit tellimaujortut erᴋânut.

Lukase 6:17

Taipkoa illagivlugit atersâlerpok, naternamut pivlune. Ilinniartigasaillo inugasaksuillo Judêamit illûnânit, Jerûsalemillo, Tirusiblo, Sidoniblo imab sanianêtuk erᴋângnit,

Josua 15:1

Kinguvarêt Judab ᴋittorngangita imerautingat abvakungita akkorngane, kiglilerviᴋalaukpok Edomemik, sunaᴋangitub seᴋᴋernganetub, Zinemik attiggub tungane, nunat ânêtut terreᴋungane;

Josua 15:21

Kinguvarêllo Judab ᴋittorngangita iglugasaksoangit, issungmit aipanganit aipanga tikkidlugo Edomiut kiglilerviane âne, imailaukput: Kabzeel, Eder, Jagur,