Markuse 3:7 - Labrador Inuttitut Heritage Bible

⁷ Jêsusele illiniartine illagilugit tesseᴋsûb sinânut aivoᴋ: inugiartorsuillo malikpât Galilêamit Jûdêamillo.

Markuse 3:7 Iomraidhean Croise

Mattêuse 10:23

Iglugâsaksuille ilangine unangmikpase, assinginut ᴋemâtitse. Âhamarik, oᴋautivapse: Israêlitit iglugasaksoangit ingergajarêrviginiangilase, Inûb Erninga tikerᴋârtinago.

Mattêuse 12:15

Jêsusible tamanna tukkisigamiuk, tagvangat aularpok. Inugasaksuillo malingmatsuk, ilûnaita âᴋikpait,

Mattêuse 12:16

Inerterpaillo, oᴋautaujomanane inungnut.

Mattêuse 4:25

Inugasaᴋsuit malikpât Galilêamit, iglugasaksoarnillo tallimaujortunit, Jerûsalemillo, Judêamillo, Jordanib akianillo.

Markuse 1:39

Galilêamelo ilûnâne katimavingine ajoᴋertuivoᴋ, Sâtanasillo anitipait.

Markuse 1:45

Tâmnale anigame pigialerpoᴋ oᴋautigiluarlugo, taimailijauninelo ᴋaujijautipâ; taimaimat, (Jêsuse) kingorngagut sapilerpoᴋ iglogasaksoarnut iternermik takuksauvlune; silatânêporle inuᴋangitune, tagvungalo tikipât ilûnainit.

Markuse 3:20

Iglomullo angergarput; inugasaksuillo katilermingmatta iniksairutivlutik, nerrinermik ajulerput aglât.

Markuse 4:1

Tesseksûblo kiglingane ama ajoᴋertuilerpoᴋ; inugasaksuillo katilermatta tâpsomunga, umiarmut tesseᴋsoarmêtomut ikijariaᴋalerpoᴋ ingidlunelo; inugasaksuillo ilûnatik tesseᴋsûb kiglinganêput.

Lukase 23:5

Tâpkoale katsungailutik oᴋarput: Inuit aulatidlalaukpait ajoᴋertûtiminut, Jûdêame ilûnane, Galilêamit pilerame, tamaunga pivlune.

Lukase 6:12

Uvlunelo taipkonane ᴋakᴋamut majorarame tuksiariartordlune, unnuak nâvâ Gûdemut tuksiarlune.

Lukase 6:17

Taipkoa illagivlugit atersâlerpok, naternamut pivlune. Ilinniartigasaillo inugasaksuillo Judêamit illûnânit, Jerûsalemillo, Tirusiblo, Sidoniblo imab sanianêtuk erᴋângnit,

Johannese 7:41

Asingille oᴋarput: Kristûseovok. Ilangit oᴋarput: Kristûse Galilêamit tikituksauvâ?

Johannese 7:52

Tâpkoa kiovât oᴋautivlugolo: Galilêamiôgivêt? kiglisiniarit takolutillo, Galilêamit nelautaijomik pijoᴋangilak.

Apostelit Piniarningit 17:10

Unnuamele ᴋatangutigêt Pauluse Silaselo erinesârdlugik aulartipakit Berêamut. Tagvunga pigamik, Jûdit katimavinganut iterpuk.

Apostelit Piniarningit 17:14

Katangutigêlle tagva tuavidlutik Pauluse aulartipât, imânut ailerᴋovlugo, Silasele Timôteuselo tagvanêlerpuk.

Josua 20:7

Tagva unertutigivait, Kedes Galilaame Naftalib ᴋaᴋᴋangine, Sechemelo Efraimib ᴋaᴋᴋangine, Kiriat-Arba tagva Hebron, Judab ᴋaᴋᴋangine.

Josua 21:32

Kinguvarênit Nafthalikunit iglugasaksoarnik pingasuinik: pitlartaujungnairvingmik toᴋᴋotsijunut Kedesemik Galilaame, aiparusinginiglo avatâne, Hamoth-Doremik aiparusinginiglo avatâne, Karthanemiglo aiparusinginiglo avatâne.