Markuse 2:5 - Labrador Inuttitut Heritage Bible

⁵ Jêsusible okperningat takogamiuk, tumângajoᴋ oᴋautivâ: Ernera, ajornitit issumagijaujungnairput.

Markuse 2:5 Iomraidhean Croise

Genesis 22:12

Oᴋautivâ: Nukapiaᴋ issaktailivlugo âniatiniarnago pît; mâna ᴋaujimagapkit Gûdemik sivôrajotit ernituat ivlerinago pivlunga.

Imgerut 103:3

Issumagijungnainiktok ajornernik tamainik; inûliklertorlo ᴋannoênernik tamainik;

Jesaiase 38:17

Ahâk, kappiasungnerilauᴋtara illingavoᴋ idluarᴋutiksamnut. Igvit tarniga erᴋilugo piulivat ittersâlungmit asserortauvingmit. Idluinikka tamaita tunnungnut egipattit.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Mattêuse 9:2

Ahâglo, tâpsomunga âtsivut tumângajomik, aumitine nelajomik. Jêsusib oᴋperningit takogamigit, tumângajok oᴋautivâ: Ernera, ᴋuviasugit, ajornitit issumagijaujungnairput.

Mattêuse 9:22

Jêsusib ᴋeviarame, takovâ, oᴋarlunalo: Paniga, ᴋuviasugit, okpernivît pijungnaitipâtit. Arnarle stundeme tâpsomane pijungnaipok.

Mattêuse 9:5

Naliak ajornanginersauvâ, oᴋarlune: Ajornitit issumagijaujungnairput; imâglônêt: Makitit arvertarlutillô?

Markuse 2:6

Aglangnigle illisimajut illangit tagvane iksivajut issumalerput ômatimingne:

Markuse 5:34

Jêsusible oᴋautivâ: Paniga, okpernivît pijungnaitipâtit; ullapirsauteᴋarlutit aularit, kappiagijarnillo âᴋiktaulerit.

Lukase 5:20

Jêsusible okperningat takogamiuk, tumângajok oᴋautivâ: Inuk, ajornitit issumagijaujungnairput.

Lukase 8:48

Jêsusible oᴋautivâ: Paniga, manigolerit, okpernivît pijungnaitipâtit; ulapirsauteᴋarlutit aularit.

Johannese 2:25

Inungmiglo nelojungnaititaujariaᴋangilak kimullônêt; ᴋaujimatsiarame inûb ilumigijanginik.

Johannese 5:14

Kingorngagut Jêsusib katimaviksoarme naipipâ, oᴋautivlugolo: Udjertulerit; pijungnairpotit; idluitulijungnairit, sôngonersamik sugiartauᴋonak.

Apostelit Piniarningit 11:23

Tâmna tagvunga pigame, Gûdiblo saimanersoanga misigileramiuk, ᴋuviasulerpok kaiblarlugillo tamaita pivait, ômamut ilûnânut nipingatsainarᴋovlugit Nâlekamut.

Apostelit Piniarningit 14:9

Pauluse oᴋâlangmat, tâpsoma tusarpâ; (Paulusible) takosaramiuk, misigilerlunelo, tâmna okperalloarmat âᴋiktauniarnerminik,

Apostelit Piniarningit 5:31

Tâmna Gûdib talerpingmigut Nâlegangortilaukpâ piuliklertungortilâllo, Israêlitit ᴋaᴋialerneᴋartitauᴋovlugit isumangnarungnaitoᴋartitauᴋovlugillo ajortunit.

I Korintemiunut 11:30

Taimaimat ajulertut ᴋanimajullo unudlarput akunapsingne, unuktullo sinikput (toᴋovut).

II Korintemiunut 2:10

Issumagijungnaivigijasele uvangatauᴋ issumagijungnaivigivara; uvangatauᴋ issumagijungnaivigigupko, issumagijungnaivigivara ilipse pivluse Kristûsib sângane;

Efêsusemiunut 2:8

Saimanermut piulijaumagapse okpernikut; ilipsingnik taimaingilase, Gûdible tunergutâ tamanna.

Kolossamiunut 3:13

Ilipsingnut ilannârêkluse, issumagijungnaitigêgitse, nalise erᴋartuitiksaᴋarune assiminut; sorlo Kristûsib issumagijungnaivigilaungmase, taimaktauk ilipse pititse.

Jâkobusib 5:15

Tuksiarnerublo okperniliub ᴋanimajok inûliniarpâ, Nâlekablo makitiniarpâ; idluitulilaukpallo, issumagijungnaivioniarpok.