Markuse 2:20 - Labrador Inuttitut Heritage Bible

²⁰ Neliutsomârporle uiksamik aᴋsârtauvingat, tagva nerritailivangniarput.

Markuse 2:20 Iomraidhean Croise

Imgerut 45:11

Tagva attanniub pinarnarnît ᴋuviaginiarpâ; tâmna nâlegarigangne, igvillo tuksiarvigijaksarivat.

Imgerusersoak 3:11

Annileritse, Zionib panningit illipse, takkonârlugolo attanek Salomo, niaᴋotelijarlune niaᴋosertaujutigijanganik anânaminut kattititauvingata uvlungane, ômattingatalo ᴋuviasungningata uvlungane.

Jesaiase 54:5

Pingortitit aiparigangne, ᴋilangmiugasaksuit Nâlegangat tagva attinga; ivlernartitorlo Israêlikkune piulijigigangne, sillaᴋsoarmiut illũnamatsiatik Gûdigijangannik atserartaujoᴋ.

Jesaiase 62:5

Sôrlo angutib inôsuktub uigasuk nulliarilermago, taimak innigijivit nulliarileromârpâtit. Sôrlolo uiksab nulliaksane ᴋuviagingmago, taimak Gûdivit ᴋuviagijomârpâtit.

Saggaria 13:7

Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.

Mattêuse 26:31

Tagva Jêsusib oᴋautivait: Unnuame tamattomane tamapse sinaungajutigilârpapsinga. Aglaksimangmat: Mianersijok unatadlarniarpara, saukallo siamartidlarniarput.

Mattêuse 9:15

Jêsusib oᴋautivait: Nulianiktomut tikitut ᴋanok kiksartuksauvât, uiksak illagigamitsûk? Naliutsomârporle uiksamik aᴋsârtauvingat; tagva nerritailivangniarput.

Markuse 2:19

Jêsusiblo kiovait: Nulianiktomut tikitut ᴋanoᴋ nerritailinajarᴋât, uiksaᴋ illagigamitsûk? uiksaᴋ taipkonunga illautilugo, nerritailijungnangilat.

Markuse 2:21

Annorâtoᴋaᴋ illâᴋpangilât nutâmik illâksamik; nutâb aliktorniarmago nutaungitoᴋ, aliktornerlo pivalianiarpoᴋ.

Lukase 17:22

Ilinniartiminulle oᴋarpok: Naliutsomârpok Inûb Erningata uvlungita ilanganik takojomaniksase, takonagolo.

Lukase 5:35

Neliutsomârporle uiksamik aᴋsârtauvingat, tagva nerritailivangniarput.

Johannese 12:8

Aklujunik illaᴋatsainarapse; uvangale najortigitsainangilapsinga.

Johannese 13:33

ᴋitorngârsukka, sulle anikitomik najorniarpapse. ᴋeneromârpapsinga; sôrlolo Jûdinut oᴋalaurama: Aiviginiartamnut tikitsungnangilase.

Johannese 16:28

Atâtamit anilaukpunga, pilungalo silaksoarmut; amalo silaksoak ᴋemangniarpara, Atâtamullo ailunga.

Johannese 16:7

Mikseᴋârtomigle oᴋautivapse: Idluarpok ilipsingnut, ainiarama. Ainiangikuma, manigorniktub tikiniangimase. Ainiarumale, tilijomavara ilipsingnut.

Johannese 17:11

Silaksoarmêtsungnairpungalo, tâpkoale silaksoarmêput, uvangalo ilingnut ᴋaivunga. Hailigeojok Atâtak, aternêtsainartikit tunijatit uvamnut, atausioᴋovlugit sôrlo uvaguk.

Johannese 17:13

Mânnale ᴋaivunga ilingnut, taimâglo oᴋarpunga silaksoarmêdlunga, ᴋuviasungnimnik ilumiuteᴋarᴋovlugit nâmaktomik.

Johannese 3:29

Nuliaksalik uiksauvoᴋ, uiksable ilannârijingata nangerdlunelo naipertorpâ, ᴋuviasudlarporlo uiksab nipinganik. Tamanna ᴋuviasungnera nâmaksilerpok mâna.

Apostelit Piniarningit 1:9

Taimaglo oᴋarêrame, ᴋongmuartitauvok takuksauvlune, nuvujablo nippaᴋtipâ ijinginit.

Apostelit Piniarningit 14:23

Ilagêktullo ilûnaita ajoᴋertuijunik pitipait, tuksiarlutiglo nerritailivlutiglo, Nâlekamut okperijanganut saputijauᴋovait.

Apostelit Piniarningit 3:21

Tâmna iteriaᴋalaukpok ᴋilangmut, naliunek tikidlugo, tamaita nâmaksititauvingat, Gûdib oᴋautigilauktangita nalautaijut ilûnatik ᴋaningitigut silaksûb pigiarninganit.

I Korintemiunut 7:5

Avisârtoᴋarniarane aiparminit; kissiane tamaptik sivikitomik pijomavlutik issumaᴋaᴋatigêkuptik, nerritailinermut tuksiarnermullo piviksaᴋarᴋovlutik; ama katingmigitik, Sâtanasemut ôktorluktaukonatik, ikliguktailinek ajorapsiuk.

II Korintemiunut 11:2

Ilungertorama pivluse Gûdib ilungertûtânut. Katitinapse angumut, tagva Kristûsemut, uigasungmik ivsornaitomik âtsivigijomavlugo.

II Korintemiunut 11:27

Oᴋumaitunik unuktunik tukkiseᴋattalauᴋpunga senanermelo, pigârnermelo, kângnermelo imerungnermelo, nerritailiᴋattarnermelo, ᴋeujanermelo, annorâᴋanginermelo.

II Korintemiunut 6:5

Annaulertaujarangaptalo, parngnanairsimavingmêtarangaptalo, pikablâjaujarangaptalo, senajarangaptalo, pigârangaptalo, êsingitarangaptalo;

Takotitaunermik 19:7

ᴋuviasulerta serrilutalo nâlengniarlugo; Saugârsûb katititauvia okpertoᴋotiminut neliutingmat, nuliaksangalo ingminik âᴋiksorsimavok.

Takotitaunermik 21:9

Engelillo 7 it iluleᴋutilit 7 inik pitalingnik kappianartut kingorliksanginik illangata tikipânga oᴋarvigivlunga, oᴋarlunelo: ᴋait takotitsomagapkit arnamik ipsominga Saugârsûb nuliaksanganik.