Markuse 16:19 - Labrador Inuttitut Heritage Bible

¹⁹ Nâlekablo taimâk oᴋautilauramigit, ᴋongmuartitauvoᴋ ᴋilangmut, ingitsartorlarmelo Gûdib talerpiata tungânut.

Markuse 16:19 Iomraidhean Croise

Imgerut 110:1

Nalegak oᴋalaukpok Nâlekamnut: Tallerpingma tungânut ingitit, ômigijingnik illijerᴋârtinanga ittikavît ikovranganut.

Markuse 16:20

Tâpkoale ilûnainut oᴋariartorput; Nâlekablo piniarᴋatigivait, oᴋausingillo okpernartipait tatamnartunut maliktunut.

Lukase 22:69

Tamanna pivlugo mattoma kingorngane Inûb Erninga iksivajomârpok Gûdib ajugaᴋangitub talerpiata tungâne.

Lukase 9:51

ᴋongmuartitauviksangale neliutilermat, kajusimalerpok Jerusalemut aijomavlune.

Johannese 13:1

Aularviksiorviuble sivorngane, Jêsuse tukisigame, aularviksane silaksoarmit tamattomangat Atâtamut neliutisimangmat, sôrlo pine silaksoarmêtut nagligilauramigit, taimâk naggatiksaminut tikidlune nagligivait.

Johannese 16:28

Atâtamit anilaukpunga, pilungalo silaksoarmut; amalo silaksoak ᴋemangniarpara, Atâtamullo ailunga.

Johannese 17:13

Mânnale ᴋaivunga ilingnut, taimâglo oᴋarpunga silaksoarmêdlunga, ᴋuviasungnimnik ilumiuteᴋarᴋovlugit nâmaktomik.

Johannese 20:17

Jêsusib oᴋautivâ: Aktorniarnanga, takpaungarsimanginama sule Atâtamnut. Ailerille ᴋatangutimnut oᴋautilugillo: Takpaungarniarpunga Atâtamnut Atâtapsingnullo, Gûdimnut Gûdipsingnullo.

Johannese 21:15

Nerrijarêramigle, Jêsusib Sîmon Pêtruse oᴋautivâ: Sîmon, Jônasib erninga, ukunangat nagliginersarivingâ? Tâpsoma oᴋautivâ: Âhailâ Nâlegak, nelungilarma nagligigapkit. Oᴋautivâ: Saugârsukka nerritiniakit.

Johannese 21:22

Jêsusib oᴋautivâ: Pijomaguma tagvanêᴋovlugo tikitsiarilunga, erᴋanangilak ilingnut! Igvit malinga!

Johannese 6:62

ᴋanôk, Inûb Erninga takojomârupsiuk ᴋongmuartok takpikunga itsainarvingminut sivornganê?

Apostelit Piniarningit 1:22

Johannesib baptisilerninganit uvlok ᴋongmuartitauvinga uvaptingnit tikidlugo kigligiutsijeoᴋatigijaksarivavut makininganik.

Apostelit Piniarningit 2:33

Mâna Gûdib talerpiagut ᴋongmuartitaugame, Atâtablo angersimaninga Anernermik ajunginermik pilauramiuk, tâpsominga tagva kovisilaukpok takojapsingnik tusartapsingniglo.

Apostelit Piniarningit 3:21

Tâmna iteriaᴋalaukpok ᴋilangmut, naliunek tikidlugo, tamaita nâmaksititauvingat, Gûdib oᴋautigilauktangita nalautaijut ilûnatik ᴋaningitigut silaksûb pigiarninganit.

Rômiunut 8:34

Kina erᴋartuijungnarᴋâ? Kristuse tagga toᴋolauᴋtoᴋ, ila piluartomik tupaktitaungmijoᴋ, tâpsoma Gûdib talerpiata tungânêdlune tuksiupâtigut.

Kolossamiunut 3:1

Kristûse tagva makeᴋatigimagupsiuk, pânêtut piniarsigik, Kristûse takpânêngmat, Gûdib talerpiata tungâne iksivavlune.

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

Ebrêerinut 4:14

Ajoᴋertuinerôjoᴋsoaᴋarapta tagva, Jêsusemik, Gûdib erninganik, ᴋilangmut aimajomik; kigligiutsineᴋ (okperniptingnik) atavigênarlavut.

Ebrêerinut 6:20

Taᴋamunga sivorlertoᴋ Jêsuse pivluta itersimavoᴋ, Melᴋisêdeub ilinganingatut ajoᴋertuinerôtitaujoᴋ issoᴋangitomut.

Ebrêerinut 7:26

Taimaitomik ajoᴋertuinerôjomik pijariaᴋarapta ivjornaitomik, passijaksaungitomik, ajortoᴋangitomik, ajortolingnit ingmigôlingajomik ᴋilangmillo ᴋotsingnersamik;

Ebrêerinut 8:1

Okautigijavut tagva katidlugit imaiput: Taimaitomik ajoᴋertuinerôjoᴋarpogut, iksivajomik Nâlegaviksûb iksivautaᴋsoangane, talerpiata tungâne ᴋilangme;

Ebrêerinut 9:24

Kristuse itingimat ivsornaitovingmut aggangnut senamajomut, (taimna mikseᴋârtomut, ᴋilangmêtomut adsigêgutiksaᴋ,) ᴋilangmulle iterpoᴋ, pivluta saᴋᴋeromavlune Gûdib kênangata sângane.

I Pêtrusib 3:22

Tâmna ᴋilaliarame, Gûdib talerpiata tungânêpoᴋ, Engelillo, atanersuillo, pitsartudlartullo naipertorpât.