Markuse 14:62 - Labrador Inuttitut Heritage Bible

⁶² Jêsusele oᴋarpoᴋ: Tâmnauvunga. Inûblo Erninga takojomârpase iksivajoᴋ (Gûdib) pitsartujub talerpiata tungâne, ᴋilaublo nuvujangitigut akᴋartoᴋ.

Markuse 14:62 Iomraidhean Croise

Imgerut 110:1

Nalegak oᴋalaukpok Nâlekamnut: Tallerpingma tungânut ingitit, ômigijingnik illijerᴋârtinanga ittikavît ikovranganut.

Mattêuse 24:30

Inûblo Erningata nalunaikutanga tâva takuksaujomârpok ᴋilangme. Kinguvângoᴋatigello nunamêtut ilûnatik ᴋeadlaromârput, Inûblo Erninga takojomarpât ᴋilaub nuvujangitigut akᴋartok, pitsartudlarlune ânanaudlartok.

Mattêuse 26:64

Jêsusib oᴋautivâ: Nelâgut oᴋarpotit. Oᴋautivapsele, mânamit Inûb Erninga takojomârpase iksivajoᴋ pitsartunerub talerpiata tungâne, ᴋilaublo nuvujangitigut akᴋartok.

Mattêuse 27:11

Jêsusele atanerusiub sângane nangerpok. Atanerusiublo aperivâ oᴋautivlugolo: Jûdit atanerivâtît? Jêsusible kiovâ: Oᴋartotit.

Markuse 13:26

Inûblo Erninga tâva takojomârpât ᴋilaub nuvujangitigut akᴋartoᴋ, pitsartudlarlune ânanaudlartoᴋ.

Markuse 15:2

Pilatusiblo aperivâ: Jûdinut ataniovêt? kiovâle oᴋautivlugo: (Nalâgut) oᴋarpotit.

Markuse 16:19

Nâlekablo taimâk oᴋautilauramigit, ᴋongmuartitauvoᴋ ᴋilangmut, ingitsartorlarmelo Gûdib talerpiata tungânut.

Lukase 22:69

Tamanna pivlugo mattoma kingorngane Inûb Erninga iksivajomârpok Gûdib ajugaᴋangitub talerpiata tungâne.

Lukase 23:3

Pilatusible aperivâ: Jûdit atanerivâtît? Kiovâ oᴋarlune: (Nalâgut) oᴋarpotit.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

Ebrêerinut 8:1

Okautigijavut tagva katidlugit imaiput: Taimaitomik ajoᴋertuinerôjoᴋarpogut, iksivajomik Nâlegaviksûb iksivautaᴋsoangane, talerpiata tungâne ᴋilangme;

Ebrêerinut 8:10

Tamadja Testamentiga (angerutiga) Israêlikunut uvlut tamakkoa kingorngatigut pijomârtara, Nâlegaᴋ oᴋarpoᴋ: Perᴋojakka issumanginut pititsomavakka, ômatinginullo aglagomavakka; taipkonungalo Gûdiojomavlunga, inuᴋotigijomârivakka.

II Pêtrusib 1:16

Uvagut oᴋarvigilaurapse Nâlegapta Jêsusib Kristûsib tikitsomârninganik pitsartuniliksoarmik, silatulungnerit oᴋâlagadlarnerit tukkeᴋangitut malilaungilavut; uvagulle nangmineᴋ ânanauninga takolauᴋpavut.

Takotitaunermik 1:7

Ahâk, ᴋaivok nuvujatigut, ijillo ilûnatik takojomârpât, tâpsomingalo kappisilauktuttauk, inûᴋatigêllo nunaksoarmiut ilûnamasiatik avâladlaromârput. Ilâ, Amen.

Takotitaunermik 20:11

Iksivautaksoarmiglo ᴋaᴋortamik takogivunga, tâpsomanelo iksivajomik; tâpsoma kênanganit nunalo ᴋilaglo ᴋemâvuk, tâpkungnungalo iniksamik nagvârtoᴋangilak.