Markuse 14:41 - Labrador Inuttitut Heritage Bible

⁴¹ Pingajuaniglo tikinamigit, oᴋautivait: Mâna sinikluselo merngoêrseromavisê? Nâmaksivoᴋ tagva, stunde tikisimavoᴋ. Ahak Inûb Erninga pititauniarpoᴋ idluitulijut agganginut.

Markuse 14:41 Iomraidhean Croise

I Atannit 18:27

ᴋetterarmallo mânna, Eliab mittautigilerpait, oᴋarlunelo: Nippeᴋortôvluse kaggudlaritse, Gûdeôngmat isumaksarsiorpallaivok, sullijaksaᴋarporlonêt, asinuarporlonêt, sinnikporlonêt, tuppalerᴋovlugo.

I Atannit 22:15

Atannermullo tikkimat, atanniub oᴋautiva: Micha, Ramotemut Gileademêtomut aulartuksauvita, sorsungniarluta, nippotijaksarivittigolonêt? Tapsoma oᴋautiva: Ahaila, majorarit takpaunga, sullidlarlutillo, Nâlekab tunniniarpait atanniub agganginut.

II Atannit 3:13

Elisable Israelitit atanningat oᴋautiva: Igvit suvigivinga? Ailerit atâtavit nallautaijoᴋotinginut, anânavillo nallautaijoᴋotinginut. Israelitit atanningata oᴋautiva: Aukak, Nâlekab atannit pingasut ukkoa ᴋaiᴋungmagit tunnijomavlugit Moabiterit agganginut.

Okaluktok 11:9

Tagva inôsuktotit ᴋuviasugit inôsungnerne ômatillo alliasulerle, inôsungnivit uvlunginne. Piniarit ômativit tussugijanginnik, ijîkpillo takkungiartanginnik; ᴋaujimalerille Gûdib tamakkoa tamaita pivlugit pititsomârmattit erᴋartuivingmut.

Hesekiel 20:39

Ilipsele, Israêlib ᴋitorngangit, imâk oᴋarpoᴋ Nâlegaᴋ Nâlegaujoᴋ: Aileritse, ilûnaselo atunit gudingoaliarimajase kivgartorsigik, kingornganelo, nâlegomangikupsinga, attera ivsornaitoᴋ ivsornaijungnaititaksaringilase tunergutipsingnut gudingoapsingnullo.

Mattêuse 26:2

Nalungilase, uvluk maggûk nâkpanik aularviksiorviolârmat; Inûblo Erninga pititaulârmat, kikiaktortauᴋovlugo ᴋejungmut saningajolingmut.

Markuse 14:10

Jûdaselo Iskâriot, 12it illangat, ajoᴋertuijoᴋsoarnut aivoᴋ, tâpkonunga pititsomavlugo.

Markuse 14:18

Nerrimârvingme iksivagamik nerrilutiglo, Jêsuse oᴋarpoᴋ: Illapse illangata nerreᴋatima pitilârpânga.

Markuse 14:35

Averngoalerdlune nunamut pâmakterpoᴋ tuksiarlarmelo, ajornangipat, naliutoᴋ tamanna ᴋângerᴋovlugo.

Markuse 14:40

Ama utermigame, siniktut tikinivait; ijingit oᴋumaimatta uerngarnermut, kigusitiglo tâpsomunga nalovait.

Markuse 14:42

Makititse aularta; ahâk, uvamnik pititsiniartoᴋ ᴋaglivoᴋ.

Markuse 7:9

Oᴋautivaillo: Gûdib perᴋojangit atorungnaitsiartipase, ilusekulluse maligomavlugit.

Markuse 9:31

Illiniartine ajoᴋertorlugit oᴋautivait: Inûb Erninga pititaujomârpoᴋ inuit agganginut, toᴋotsomârpâllo; toᴋotaukpalle, uvluk pingajuangne makitsomârivoᴋ.

Johannese 12:23

Jêsusible kiovauk oᴋautivlugiglo: Inûb Erningata ânanausijauvia neliutisimavok.

Johannese 12:27

Mâna tarniga kiksarpok. Sumiglo oᴋarlangâ? (imâk:) Atâtak stûndemit tamattomangat piulingâ? Tamannale pivlugo stûndemut tamattomunga tikipunga.

Johannese 17:1

Taimâk Jêsuse oᴋarame, ᴋilangmut ârlorpok oᴋarlunelo: Atâtak, stûnde tikisimavok ânanausivît Ernernik, Ernernut ânanausijauᴋovlutittauk.

Johannese 7:30

Tagva tigunasuarpât; aktuijoᴋangilarle tâpsominga Stûndinga tikisimangimat sulle.

Johannese 8:20

Oᴋautsit tamakkoa Jêsusib oᴋauserivait Gûdib iklervingata senianêdlune, ajoᴋertuigame katimaviksoarme; tigusijoᴋangilarlo tâpsominga; stûndinga tikisimangimat sulle.

Apostelit Piniarningit 7:52

Nalautaijut nalît atâtagijapsingnut unangmijaulaungilât, toᴋotaulaungilâllô? Sivorngagut oᴋâlalauktut idluartub tâpsoma tikitsomârninganik! mâna tâpsominga pititsijungolaurivose inuartungolapselo.

Idluarsaijut 10:14

Aileritse Gûdillo anerijasse nipliarvigisigik; tapkoa ikkajorlise kappiasugvipsingne.