Markuse 13:8 - Labrador Inuttitut Heritage Bible

⁸ Inuᴋatigât inuᴋatigênut assimingnut sorᴋsugomârput, ataniovingmiullo ataniovingmiunut assimingnut. Nunat sunatuinarne sajukpilugomârput, kângnartorsoarmiglo erᴋsinartomiglo pijoᴋaromârpoᴋ. Tamadja kappianartub pigiarninga.

Markuse 13:8 Iomraidhean Croise

II Kronika 15:6

Innuᴋattigêksuit attautsit innuᴋattigêksuit assingit serᴋomigomârmagit, iglugasaksuillo attautsit iglugasaksuit assingit; Gudib ᴋoaᴋsartitsomârmagit kappianartunut tamainut.

Imgerut 48:6

Sajungnermut tikkitaulaukput tagvane, kappiasungnermullo ernisuktotut sorlo,

Jesaiase 19:2

Egiptenemiullo sakkolitsomârpakka Egiptenemiôᴋatinginut, sorsugomârpullo nalliat ᴋattangutiminut nalliallo illannârijaminut, iglugasaksuit iglugasaksoarnut, attaniovik attaniovingmut.

Jesaiase 29:6

Kilangmiugasaksuit Nâlegangata (Jerusaleme) tikkitsomârpâ kallidlartillugo, nuna sajukpiluktillugo, serᴋorpaluktillugo, anorersoaᴋartillugo aᴋᴋunaᴋsoamiglo ikkomaᴋsoamiglo nungutsijomik.

Jesaiase 37:3

Tâpsomungalo oᴋarput: Hiskia imâk oᴋarpoᴋ: Uvloᴋ tamanna uvlôvoᴋ kappiasugvik, sugiartauvik mittautigijauvik. (Imâglo illingavoᴋ sôrlo): nutaᴋᴋat pâmut aporalloarmatta, erninermut nukkiksaᴋangilaᴋ.

Jeremia 13:21

Sumik oᴋaromârᴋêt nalipsarpatit taimâk? Tagva igvit nangmineᴋ sungiutisalauᴋpatit angajoᴋaulerᴋovlugit ilingnut. kapiasungnerit tigumiarniangilâtît, arnatut ernisuktotut itilutît?

Jeremia 22:23

Libanoneme inneᴋartotit, Sêdarene ubloliortotit, nâpkinarsijomârpotit ânilakteradlarnernut tikitauguvit, ernisuktotut ânialeruvit!

Jeremia 25:32

Imâk oᴋarpoᴋ Nâlagaᴋ Zebaot: Ahâk, idluitoᴋ anijomârpoᴋ inôᴋatigêksoarnit inôᴋatigêksoarnut, aᴋᴋunaᴋsoarlo pitorartitaujomârpoᴋ nunanit issuklerpânit.

Jeremia 4:31

Nippimik tusarsimagama sorlo ernisuktûb nippinganik, sorlo ernisuᴋârtûb kapiasungninganik, Zionib paningata nippinganik, anerterikaluktûb, aggangminiglo issivitsijûb, oᴋartûblo: Kapianarmêk uvanga! Tarniga nukingêrutivoᴋ inuartut pivlugit.

Jeremia 49:24

Damaskus nukkingêrutivoᴋ, sanguvoᴋ ᴋemâjomavlune, sajungneruble tigumiarpâ, ânilakteradlarnerub kapiasungnerublo erᴋisimiarpâk, arnatut ernisuktotut.

Jeremia 50:43

Babilonib ataningata tusaumavât unipkautauningat, aggangillo nukingêrutivut; kapiasungnerub erᴋisimiarpâ, ânianerublo sorlo arnatut ernisuktotut.

Jeremia 6:24

Unipkautauningat tusaraptigo aggavut nukkingêrutivut; kapiasudlarpogut âniavogullo sorlo arnatut ernisuktotut.

Haggai 2:22

Ataniovîllo iksivautaᴋsoangat oggotitsomârpara, inôᴋatigêksuillo ataniovingita pitsartuningit assiroromârpakka; ᴋamutillo aksaloalit unatautit oggotitsomârpakka, ikimajingillo; horsillo ikimajingillo oggotuksauvut, ilûnatik aipamik saviksoanginut.

Saggaria 14:13

Pijomârporlo uvlorme tâpsomane pikablâdlartoᴋaromârmat Nâlekamit tâpkoa akorngane; ilûnatik atunit inôᴋatime aggangit tigumitoromârpait; aggangmingnullo sillugêgomârput.

Mattêuse 24:8

Taimadja kappianartub pigiarninga.

Markuse 13:7

Unatartunigle, unatartullo unipkautauninginik tussaromârupse, erᴋsiniarase, taimailiortoᴋartuksaungmat. Naggatiksarle naliutingilaᴋ sulle.

Markuse 13:9

Ilipsele nangminipsingnik udjertoritse. Erᴋartuivingmut katimavingmingnullo pititsomârpâse; issaᴋajaujariaᴋarpose, ataniojunullo ataniviksoarnullo âtaujariaᴋarpose, uvanga pivlunga, nelojungnairutiksanginut.

Apostelit Piniarningit 11:28

Tâpkoa ilangat, Agabusemik atilik, nikovipok, nunane ilûnaine kângnartoksoaᴋaromârtomik Anernikut nalautaivlune; tamannalo nalautsivok atanivik Klaudiuse ataniotilugo.

I Tessalônikamiunut 5:3

Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.

Takotitaunermik 6:4

Horsiblo aipanga aupaluktaᴋ anijok; tâpsomalo ᴋânganêtok pitsartunermik tunitsiviolerpok, ullapirsauteᴋarungnairtidlugo nuname, ingmingnullo inuartigêrᴋovlugit, saviksoarmiglo tunitsiviovok.