Markuse 13:34 - Labrador Inuttitut Heritage Bible

³⁴ Sorlo angutitut iglominik ᴋemaijotut nunab assianut aulardlune, kivganelo angajoᴋângortidlugit, ilûnaita tunitjivigingmagit suliaksanginik, iterviublo udjertortinga perᴋungmago, pigârᴋovlugo.

Markuse 13:34 Iomraidhean Croise

Mattêuse 16:19

Tunitjivigijomavagittauk nâlegauviub ᴋilangmêtub pêrutânik. Nuname ᴋelaksorniartatit ilûnatik, ᴋelaksorimajomârivut ᴋilangme; ᴋelarutjârniartatillo nuname ilûnatik, ᴋelarutjârsimajomârivut ᴋilangme.

Johannese 10:3

Tâmna itertarviub idjertortingata upkuêrutivâ, saugallo nippinga tussarpât, saugaᴋotinelo ᴋaiᴋovait, atingit taivlugit, anitilaitalo.

Rômiunut 13:6

Tamanna pivlugotauᴋ tunergutiksanik tunitjivigijariaᴋarpase; Gûdib kivgaringmagit, taimaitunik piniaraksaᴋarmatta.

I Korintemiunut 15:58

Taimaimat nagliktakka ᴋatangutikka, Nâlekab piniarᴋojanginik pivalliatsainaritse, sôngoluse soᴋᴋosijuititse! Nalunginapse, piniarnise Nâlekame sulinase pinginapsigik.

Kolossamiunut 3:24

ᴋaujimavluselo kingormgutijaksamik akkilertaujomârapse Nâlekamut; Nâlegak Kristûse kivgartorapsiuk.

Kolossamiunut 4:1

Nâlegaujose ilipse, kivgase nâmaktomik idluartomiglo piniarsigik; ilipsetauk nâlegaᴋarapse ᴋilangme ᴋaujilerdluse.

Takotitaunermik 3:7

Illagêt Filadelfiamiut Engelingat aglagvigiuk: Imâk oᴋarpok Hailigeojok, mikseᴋârtok, Dâvidib pêrutânik peᴋartok; palangairutjârsijorlo naliata palangairungnangitanganik; palangairsijorlo naliata palangairutjârungnangitanganik.