Markuse 13:20 - Labrador Inuttitut Heritage Bible

²⁰ Nâlekablo uvlut taipkoa ikitliniangipagit, inuk atauserlônêt piulijaunajangilaᴋ, anerimajulle tâpsoma anerilauᴋtangit pivlugit uvlut taipkoa ikitlijaujomârput.

Markuse 13:20 Iomraidhean Croise

Jesaiase 1:9

Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Mattêuse 24:22

Uvlullo taipkoa ikitlijauniangipatta, inuk atauserlônêt piulijaunajangilak; anerimajulle pivlugit uvlut taipkoa ikitlijaujomârput.

Markuse 13:19

Uvlune taipkonane kappianartoᴋaromârmat naleᴋangitomik; silab pigiarninganit, taimangat Gûdib inuit pingortilaungmagit, tamanna tikidlugo taimaitoᴋalaungilaᴋ, kingornganelo taimâk angitigijomik kappianartoᴋarnianginivoᴋ.

Markuse 13:21

Uvlut taipkoa naliutikpatta, oᴋautjaugupse: Ahâk Kristuse tagvanêpoᴋ ikanelônêt, tamanna okperiniarasiuk.