Markuse 13:19 - Labrador Inuttitut Heritage Bible

¹⁹ Uvlune taipkonane kappianartoᴋaromârmat naleᴋangitomik; silab pigiarninganit, taimangat Gûdib inuit pingortilaungmagit, tamanna tikidlugo taimaitoᴋalaungilaᴋ, kingornganelo taimâk angitigijomik kappianartoᴋarnianginivoᴋ.

Markuse 13:19 Iomraidhean Croise

Jeremiab Ogguarutigijangit 1:12

Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.

Jeremiab Ogguarutigijangit 2:13

Sunamik kigligiutjuteᴋartuksauvingâ ilingnût? Sunamut adsiutitaksarivagît, igvit, Jerusalemib paningâ? Suna adseᴋartok ilingnut oᴋautigijaksarivigô, manigoiᴋovlunga ilingnik, Zionib paninga uigasôjotît? Asserorsimanît imarbiktut angitigingmat; kia inûlijungnarpâtît?

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Daniel 9:12

Nalautsitipaillo oᴋausini uvaptingnut idluarsaijiptingnullo uvaptingnik idluarsaijuksanut, oᴋautigijani, tikitauᴋongmatigut idluitomut angijomut; ᴋilaub ilûnarsoangata atâni piniarutaujoᴋalaungimat sorlo Jerusalimut piniarutaungmat.

Daniel 9:26

Vôgillo 62 kingorngani Messiasi kipijaulârpoᴋ ilaᴋarniangilarlo; angajoᴋâᴋsûblo tikilârtûb inungita iglugasaksuit ivsornaitoviglo assirolârpait; supinisoarlo nakkatigilârpâ, nâningalo tikidlugo unatarniᴋalârpoᴋ; assirosainirit kajusijutauvut.

Joel 2:2

Uvloᴋ tâᴋtoᴋ niptaidlartorlo, uvloᴋ nuvujalik ᴋaujuitorlo, sorlo uvlub tâvliganga issivisimajoᴋ ᴋaᴋᴋane; inôᴋatigêksuit sôngojut aᴋtornartullo, sivorngane taimaitoᴋalauᴋsimangilaᴋ, kingornganelo taimaitoᴋaromângilaᴋ kinguvârêt unuktut jâringinut aglât.

Mattêuse 24:21

Uvlunele taipkonane kappiasugviksaᴋaromârpok nelleᴋangitomik, silaksûb pigiarninganit tamanna tikidlugo taimaitoᴋalaungilak, kingornganalo taimaitoᴋarnianginivok.

Markuse 10:6

Pingortitalle pigiarninganit Gûdib angut atauseᴋ arnarlo atauseᴋ pingortipak.

Markuse 13:18

Tuksiaritsele, ᴋemâviksase okiome pilerᴋonago.

Markuse 13:20

Nâlekablo uvlut taipkoa ikitliniangipagit, inuk atauserlônêt piulijaunajangilaᴋ, anerimajulle tâpsoma anerilauᴋtangit pivlugit uvlut taipkoa ikitlijaujomârput.

Deuteronomy 28:59

Tagva Nâlekab pagvigijatit, kingukâkpîllo pagvigijangit tatamnadlartitsomârpait, pagvinartut angijut sivitojullo, ᴋanimaserillo oᴋumaitut sivitojullo.

Deuteronomy 4:32

Aperᴋutigikit uvlut ᴋângersimajut, sivunernêtut, uvlormit Gûdib pingortitsivigilauᴋtanganit inungnik nuname, kilaublo issuanit issuata aipânut, mattotunak angitigijoᴋalaungmangât, mattotunarlônêt tusaumajaujoᴋarmangât.

Takotitaunermik 7:14

Kiovaralo: Nâlegak, igvit ᴋaujimavat. Ama oᴋautivânga: Ukkua tagva kappianartoksoarmit pijut, annorâtiglo ergortulaukpait, ᴋaᴋorsardlugillo annorâtik Saugârsûb aunganut.