Markuse 12:7 - Labrador Inuttitut Heritage Bible

⁷ Perorsêvilerijulle ingmingnut oᴋarput: Tagva kingormgujijuksaᴋ; attê, toᴋoniarlavut, kingormgutijaksangillo uvagut pigilerdlugit.

Markuse 12:7 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Genesis 37:20

Attê, toᴋolaulavut, itersaliat illanganut egidlugo oᴋautigivlugolo ômajoâlungmut nerrijaumajoᴋ. Sinnaktômaningita sunauningit takuksauniarput tagva.

Jesaiase 49:7

Nâlegaᴋ, Israêlib piulijinga ivlernartitoᴋ oᴋarpoᴋ imâk tarnilît nachogijangannut, inuit maᴋojugijangannut, attaniâluit kivgangannut: Attanersuit takonâromârput nikkovilutiglo, attanerillo pâmakteromarput Nâlegaᴋ nertornartoᴋ pivlugo, ivlernartitoᴋ Israêlikkune pivlugo illingnik anerosuktoᴋ.

Mattêuse 2:16

Herôdese ᴋaujimalerame ilisimajunut tapagijaugame, ᴋaningajâdlalerpok, nutarârsuillo ilûnaita Betlehemêtut erᴋânêtullo, jârilit maggûngnik, nukardlingillo toᴋotaujartorᴋovait, ilisimajut kiglisivigitsialauramigit (inûlervinganik).

Mattêuse 21:34

Paungalle inilerviat naliutilermat, kivgane tilivait perorsêvilerijunut, paunganginik pilerᴋovlugit.

Markuse 12:12

Tigunasuaralloarpâllo, (inuille erᴋsigivait) malugigamitsuk, adsuijomut matomunga oᴋautigingmagit; ᴋemaklugolo tâva aularput.

Markuse 12:6

Sulle ernetauᴋarpoᴋ nagligijaminik; tâmna kingorliotilerdlugo tiligiva taipkonunga, oᴋarlune: Ernera ileraginiarpât.

Markuse 12:8

Tigulugolo toᴋopât, egidlugolo perorsêviub silatânut.

Apostelit Piniarningit 2:23

Tâmna (Gûdib isumasimanerminut pijomajaminullo tunilaungmago) tigulaukpase idluitulijut aggangitigut, kikiaktorlugolo saningajolingmut toᴋodlugolo.

Apostelit Piniarningit 5:28

Oᴋarlunelo: Inertilaungilapsê ilungertorluta, ajoᴋertuerᴋonase tâpsoma atinganê? Ahâglo, ilipse Jerusalemiut ilumertipase ajoᴋertûtipsingnut tamattomunga, inûblo tâpsoma aunga uvaptingnut pititsomavase.

Apostelit Piniarningit 7:52

Nalautaijut nalît atâtagijapsingnut unangmijaulaungilât, toᴋotaulaungilâllô? Sivorngagut oᴋâlalauktut idluartub tâpsoma tikitsomârninganik! mâna tâpsominga pititsijungolaurivose inuartungolapselo.

Ebrêerinut 1:2

Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.