Markuse 12:44 - Labrador Inuttitut Heritage Bible

⁴⁴ Tamakkoa illûnatik pimingnik atorniangitamingnik ilijivut; unale aklujoᴋ perᴋutituaminik ilijivoᴋ, inôgutiksaminik tamainik.

Markuse 12:44 Iomraidhean Croise

Markuse 12:43

Illinniartinelo ᴋaiᴋovlugit oᴋautivait: Ahamarik oᴋaupapse, uigarneᴋ una aklujoᴋ Gûdib iklervinganut ununersanik ilijivoᴋ, ilijijunit tamainit.

Markuse 14:8

Ajugaringitaminik pivoᴋ; sivorngagut timiga mingoarpâ ilijartortauviksara pivlugo.

Lukase 15:12

Nukardliublo atâtane oᴋautivâ: Atâtak, perᴋutingnit pijaksakka pilakka. Perᴋutine tâva avikpait tâpkungnunga.

Lukase 15:30

Ernîlle tâmna tikingmat, perᴋutiminik nungutsijok arnarniarnermut, nocharmik ᴋoinijomik toᴋotauᴋojivotit tâmna pivlugo.

Lukase 8:43

Arnarlo, jârinik 12 nik auᴋatsainarpok; tâpsoma perᴋutine tamaita nungulaukpait âniasiortinut, pijungnaititaujungnangilarlo kimullônêt.

Deuteronomy 24:6

Serᴋalitsivingmik serᴋalitsiviublônêt ujaraᴋtanganik ᴋaᴋlermik tigusijuksaungilatit nelunaikutarijomavlugo tâpsoma akkiliksairutigijomajanganik; taimailiortûb inûb inôsinga sorlo tigunajarmago nelunaikutarilugo tâpsoma akkiliksairutigijomajanganik.

I Johannesib 3:17

Nunabli mattoma pinginik piᴋartub ᴋatangutini ajoᴋsartoᴋ takoguniuk, ômatinilo parngnanairuniuk tâpsomunga, ᴋanoᴋ taimaitub Gûdib naglingninga ilumini piginajarᴋaûk?