Markuse 12:24 - Labrador Inuttitut Heritage Bible

²⁴ Jêsusiblo kiovlune oᴋautivait: Imaingilâᴋ? Tamarpose, aglait nalogapsigik, Gûdib ajugaᴋanginingalônêt.

Markuse 12:24 Iomraidhean Croise

Genesis 18:14

Nâlekamut sumiglônêt ajornartoᴋarᴋâ? Achâgo nalliutikpat tikkitsomârivunga illingnut, tagva Sara erneᴋaromârpoᴋ.

Jesaiase 25:8

Toᴋo nungutitsomârpâ issoᴋangitomut, Nâlekablo Gûdib allarteromârpait ᴋugvit kênarnit tamainit, inuᴋotimelo nachonautingat pêjaromârpâ nunane tamaine, Nâlegaᴋ taimak oᴋarmat.

Jesaiase 26:19

Toᴋungajoᴋotitille ômaromârput, timivut anernangertut makkitsomârput. Tuppaleritse nertordlerluselo, ivjormiôjose! mitsuksoaᴋ illingnut (pijoᴋ) mitsuksoangongmat inûlinartoᴋ nuna toᴋungajunik saᴋᴋertitsijuksaugivoᴋ.

Jesaiase 8:20

Perᴋojanik nallunaijaijutiksaniglo (malligitse!) Taimak oᴋaromângilât ᴋaumajoᴋangitut illumingne?

Jeremia 32:17

Nâlagaᴋ Gudik! Ahâk, ᴋilaᴋ nunalo pingortilauᴋpakik pitsartunersoarnut talingnullo issangmijomut; ajornartoᴋangilaᴋ ilingnut;

Daniel 12:2

Nunablo saningini siniktut ilangit unuktut tupagomârput, ilangit inôtsimut nâksaungitomut, ilangillo kangusuktitaunimut naggogijaunimut nâksaungitomut.

Hosea 13:14

Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

Hosea 6:2

Uvluk magguk ᴋângerpanik tâpsoma ômartilârpâtigut, uvluglo pingajuangne makitilârpâtigut, inôlârpogullo tâpsoma sângane.

Hosea 6:6

Idluarneᴋ ᴋilanârigapko, tunergutillo-ungitoᴋ; ilitarᴋsinerlo Gudemik angiluartomik tunergutinit ôtaksanit.

Hosea 8:12

Perᴋojakka aglagaloarupkit tâpsomunga 10,000nik perᴋojaᴋarlutik, tusarngartaugijautuinarput.

Mattêuse 22:29

Jêsusible kiovait oᴋautivlugillo: Tammarpose, aglait nalogapsigik, Gûdib ajugaᴋanginingalônêt.

Markuse 10:27

Jêsusible takusarlugit oᴋautivait: Inungnut ajornarpoᴋ, Gûdemulle ajornangilaᴋ; Gûdemut tamaita ajornangilat.

Markuse 12:23

Makivingmele, makikunik, taipkoa 7it naliata nuliarijomârpaûk? ilûnatik nuliarilaungmatsuk.

Markuse 12:25

Toᴋungajunit makitsomârunik, nulianingniangilat, uiningniangilallo, Engelititulle ᴋilangmêtutitut itsomârput.

Lukase 1:37

Gûdeme ajornartoᴋangimat.

Johannese 20:9

Aglait ᴋaujimanginamigit sule, toᴋungajunit makitsariaᴋarmat.

Johannese 5:39

Aglangne ᴋeneritse; inôtsemik nungusuitomik pitaᴋarasugigapse tâpkonane; tâpkoangovullo kigligiutsijut uvamnik.

Apostelit Piniarningit 17:11

Tâpkoa ajunginerojut Tessalônikamiunit; oᴋautsillo ilaliorpait ᴋunutuidlutik, uvlullo tamaita atuarpait ᴋenerdlutik taimaingmangâta (Paulusib oᴋausingititut).

Rômiunut 15:4

Sivorngagulle aglaksimajut ajoᴋertortaujutiksaptingnut aglaksimavut, aglangnut ᴋenuersârtitauvluta manigortauvlutalo nerriugijaksaᴋarᴋovluta.

Efêsusemiunut 1:19

Pitsartuningatalo angininganik naleᴋangitomik uvaptingne okpertune, pitsartuninga tungavigivlugo.

Filippimiunut 3:21

Tâpsoma timivut ajulertoᴋ ablatsângortitsomârpâ, timiminut ânanaudlartomut adsiutilugo, pitsartunermut, ajugaringitaminut tamaita ingminut nâlektilugit.