Markuse 12:14 - Labrador Inuttitut Heritage Bible

¹⁴ Tâpkoa tikinamitsuk, aperivât: Ajoᴋertuijoᴋ, okpernartôjotit ᴋaujimavaptigit, inuillo sivôragingilatit, tâpkoa kinauningit kamaginginangne; Gûdemullo apᴋotiksamik ajoᴋertuitsiarpotit. Ataniviksoaᴋ kênaujanik nunaliksiutauᴋojaujunik tunitjivigilugo idluarᴋâ, idluangilarlônêt? tunitjijuksauvitâ, tunitjijuksaungipitâlônêt?

Markuse 12:14 Iomraidhean Croise

II Kronika 18:13

Michale oᴋarpok: Sorlo Nalegak mikseᴋârtomik innôngmat, Gudima oᴋauseriniartanganik oᴋaromavunga.

II Kronika 19:7

Tamanna pivlugo sivuranek Nalekamik illipsingnêle, udsertutsiaritse pinniarluselo, Nalekame Gudiptingne idluineᴋalungilak, kammangineᴋangilarlonêt innub kinauninganik, illalliorneᴋangilarlo pilliutinik.

Nehemia 9:37

ᴋaitangillo unnuksivalliavut atannernut, illilauktarnut uvaptingnut, ajornivut pivlugit; atanniotivullo timiptingnut, nergjutekotiptingnullo pijomajamingnut, uvagullo siorniornadlartomêpogut.

Imgerut 120:2

Nâlegak, tarniga piulilauruk ᴋannernit saglonelingnit, oᴋannit nallagôngitunnit.

Imgerut 55:21

Kanningit piarnarnersauvut imub orksuanit unatadlarnerlo ômattinginêpok; oᴋausingit kettulinersauvut orksumit, saviksoatuinaugalloarpullo.

Jeremia 42:20

Tarnise terliarapsigik; tililaurapsinga Nâlakamut Gudipsingnut, oᴋarluse: Tuksiutilauᴋtigut Nâlakamut Gudiptingnut, Nâlakablo oᴋauserijangit tamaita maliklugit taimak nalonaijaivigitigut, taimailioromavogullo tagva.

Migga 3:8

Uvangale ilumertaudlarpunga pitsartunermik Nâlekab anerninganut, idluarsainermiglo, sôngonermiglo, Jâkomut nalonaijaiᴋovlunga tapaninganik, Israêlemullo idluitulininganik.

Mattêuse 22:16

Ilinniartitigle tâpsomunga tilivait, Herôdesiblo kigvangit illautilugit, oᴋarlutiglo: Ajoᴋertuijok, okpernartôjotit ᴋaujimavaptigit, Gûdemullo apᴋotiksamik ajoᴋertuitsiartotit, inuillo sivôragingilatit, tâpkoa kinauningit kamaginginangne.

Mattêuse 22:17

Tamanna pivlugo oᴋautitigut, ᴋanok issumavêt? Idluarᴋâ, ataniviksoak kênaujanik nunaliksiutaukojaujunik tunitjivigivlugo, idluangilarlônêt?

Markuse 12:13

Tilivaillo tâpsomunga Farisêerit Herôdesiblo kivgangita ilangit, oᴋausinginut aportinasuarlugo.

Markuse 12:15

Takkormôrningille tukisivait oᴋautivaillo: Sôᴋ ôktorpisingâ? kênaujaᴋ ᴋaisiuk, takolago.

Markuse 14:45

Tikiname, ᴋanilersârpâ oᴋarlune: Rabbi, Rabbi, kuniklugolo.

Lukase 20:22

Ataniviksoak kênaujanik nunaliksiutauᴋojaujunik tunitjivigilugo idluarᴋâ, idluangilarlônêt?

Lukase 23:2

Pasidlalerpâllo oᴋarlutik: ᴋaujimavavut, inuit nâlegungnairtingmagit; ataniviksoarmullo kenaujat nunaliksiutauᴋojaujut tunijauᴋungilait, Kristûseovlunelo atanersoak oᴋartok.

Johannese 7:18

Ingminik oᴋâlajok nertortauniksaminik ᴋenerpok; tâpsomale tilijime nertornarninganik pinasuartok, tâmna mikseᴋârtôvok, idluineᴋangilarlônêt tâpsomane.

Rômiunut 13:6

Tamanna pivlugotauᴋ tunergutiksanik tunitjivigijariaᴋarpase; Gûdib kivgaringmagit, taimaitunik piniaraksaᴋarmatta.

II Korintemiunut 2:17

Gûdib oᴋausingit asserᴋotsitilugit pinginapta, asserᴋotsititsijutitut ipkotitunaᴋ unuktutitut; nelâgôrlutale Gûdemillo Gûdiblo sângane oᴋâlavogut Kristûsemê.

II Korintemiunut 2:2

Kiksartikupsele, kia ᴋuviasuktinajarpângâ, kiksartitama pingipangâ?

II Korintemiunut 4:1

Taimaimat, taimaitomik kivgartôteᴋarapta, nâpkoarijaunivut maliklugo merngortorniangilagut;

II Korintemiunut 5:11

Nâlegak tagva nâlektaujariaᴋartoᴋ ᴋaujimagaptigo inuit okpertinasuarpavut, ᴋaujijauvogulle Gûdemut. Nerriukpungale ᴋaujijaugaptatauᴋ issumapsingnut.

II Korintemiunut 5:16

Mânamit tagva kinamik illitarsingilagut uviningmit; Kristûse illitarilauralloaraptigo uviningme, mâna taimâk illitarijungnairpavut.

Galâtsiamiunut 1:10

Tagva inuillônêt Gûdiblônêt ᴋuviagijanganut mâna oᴋâlavîk? Inungnullônêt ᴋuviagijaujomavlungâ? Inungnut sulle ᴋuviagijaujomaguma, Kristusib kivgarinajatsangilânga.

Galâtsiamiunut 2:6

Ipkoale angajoᴋaunersaᴋutaujut ᴋanoᴋ ilingalaungmangâta sivorngagut, uvanga kamangilanga; Gûde inub tautuanik kamangimat. Angajoᴋaunersaᴋutaujut taipkoa ajoᴋertuinera illalaungilât.

Deuteronomy 16:19

Idluarsaineᴋ mumigaksarilungilat; inuit kinauningit kamagijaksaringilatit; piliusianik tigusijuksaungilatit, piliusiat silatojut ijingit takpêtingmagit, mumiklugillo idluartut pitjutingit.

I Tessalônikamiunut 2:4

Sôrlole Gûdemut nautsertortauᴋârluta sungertûtigijauvlutalo oᴋautsinik tussarnertunik oᴋâlaᴋojaugapta, taimâk oᴋâlavogut; inungnut idluarijaujomanata, Gûdemulle ômatiptingnik kiglisiniartomut.