Markuse 10:21 - Labrador Inuttitut Heritage Bible

²¹ Jêsusiblo takusarpâ, nagligilugolo oᴋautivâ: Atauseᴋ sulle pigingilat. Perᴋutitit tamaita niorvgotigijartokit, aklujunullo piliutigilugit, tagva perᴋuteᴋatsiarniarpotit ᴋilangme; ᴋailerillo maliklunga, oᴋumaitiksarniglo ilingnut pît.

Markuse 10:21 Iomraidhean Croise

Genesis 34:19

Inôsuktorlo tâmna taimailiosâlerpoᴋ, Jakob panninga ungagigamiuk. Nertortauluarporlo tamainit atâtame inuᴋotinginit.

Salomob Okâl 23:23

Mikseᴋârnek pissiariuk niorvgutiginiarnagolo, taimaktauk ilisimanek, Nâlektitaunerlo silatunerlo.

Mattêuse 16:24

Tagva Jêsusib ilinniartine oᴋautivait: Uvamnik maligomajoᴋarpat, issumaminik piniarane, seningajoliksaminik (kappiasûtiksaminiglônêt) nangmarle, maliklungalo!

Mattêuse 19:21

Jêsusib oᴋautivâ: Idluartôjomaguvit, perᴋutitit tamaita niorvgotigijartokit, aklujunullo piliutigivlugit, tagva perᴋuteᴋarniarpotit ᴋilangme; ᴋailerillo malinga!

Markuse 10:22

Tamannale oᴋauseᴋ tussaramiuk anûlerpoᴋ kiksarlarmelo ᴋemakpâ; perᴋuteᴋarame unuktunik.

Markuse 8:34

Inuillo illiniartinelo ᴋaiᴋovait ingminut, oᴋautivlugit: Uvamnik maligomajoᴋ issumaminik piniarane, seningajoliksaminik (kappiasûtiksaminiglônêt) nangmarle maliklungalo.

Lukase 10:42

Atauserle pijarialik. Marîab ajunginersak anerilaukpâ, tâpsominga aᴋsârtauniatsangilak.

Lukase 12:33

Perᴋutise niorvgutigisigik tunergutigivlugillo. Pôksiniaritse pitoᴋauniangitunik, perᴋutitârniardluselo ᴋilangme asserojuitunik, tigliguillo sapertanginik, ᴋaurulillo asserorungnangitanginik.

Lukase 16:9

Oᴋaupapselo: Ilannâksarsiniaritse nunab pinginut idluangitunut, ajoksarupse ilaliortauᴋovluse iglunginut nâksaungitunut.

Lukase 18:22

Jêsusible tamanna tussaramiuk, oᴋautivâ: Atausek sulle pingilat. Perᴋutitit tamaita niorvgutiginiakit, aklujunullo piliutigilugit, tagva perᴋuteᴋatsiarniarpotit ᴋilangme; ᴋailerillo maliklunga.

Lukase 19:41

Iglugasaksoarnullo ᴋaglilerame, takunârpait ᴋugviorutigilaitalo.

Lukase 9:23

Ilûnaitale oᴋautivait: Uvamnik maligomajoᴋarpat, issumaminik inôjomaniarane, saningajoliksaminiglo uvlut tamaita nangmarle, maliklungalo.

Johannese 12:26

Kivgartoromajûb uvamnik, maliklinga; najukamnelo kivgara tagvanêtsomarivok. Atâtamalo uvamnik kivgartorniartok nertoromârpâ.

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Apostelit Piniarningit 2:45

Perᴋutitik pitiglo niorvgotigivait, aitortûtigilaitalo ilûnainut, atunit ajoksarningit isumagilugit.

II Korintemiunut 12:15

Uvangale tunijijomavunga ᴋuviasuklunga, tunijaujomavlungalo tarnise pivlugit; angijomik nagligigalloarapse, naglingnikitauvunga.

II Timôteusemut 3:12

Ilûnatiglo Gûdib idluarijanganut inôniaromajut Kristûse Jêsuseme, unangmijaunek atoraksarivât.

Ebrêerinut 10:34

Ilapsugilaurapsinga ᴋelaksorsimajunga, ᴋuviasukluse aglât ᴋenuersâlaurapse perᴋutipsingnik aᴋsârtaugapse; ilipse ᴋaujimajose, ajunginersamik nunguniangitomiglo nangminipsingne perᴋutiksaᴋarapse ᴋilangme.

Jâkobusib 2:10

Perᴋojanik tamainik nâlektub, atauserle nâlengikuniuk, tamaita pidlartaujutigivait tâpsoma.

Takotitaunermik 2:14

Mikijomigle erᴋartuijutiksaᴋarpunga ilingnut, tagvane inuᴋoteᴋaravit Balaamib ajoᴋertûtânik nâlektunik; tâpsoma Balake ajoᴋertormago, Israêlib ᴋitornganginut aporviksarsiorᴋovlugo, nerrerᴋovlugit Gûdeungitunut tunergutinik, assiniarᴋovlugillo.

Takotitaunermik 2:20

Mikijomigle erᴋartuijutiksaᴋarpunga ilingnut, arnâluk Jesabele nelautaijôvlune oᴋartok, inertinginangne, ajoᴋertuinerlugangat kivgakka uivêrivlugit assiniarᴋovlugit, nerritiniarlugillo tunergutinik Gûdeungitunut.

Takotitaunermik 2:4

Erᴋartuijutiksaᴋarpungale ilingnut; nagligosungnek sivorlek sorairtinangne.