Markuse 10:14 - Labrador Inuttitut Heritage Bible

¹⁴ Jêsusible tamanna takogamiuk, idluaringilâ, oᴋautivlugillo: Nutaᴋat uvamnut pilit, inerterasigiglo; tâpkoa Gûdib nâlegauvinga pigingmatsuk.

Markuse 10:14 Iomraidhean Croise

Genesis 17:7

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

Imgerut 78:4

ᴋittorngangit unipkautitaililugit tamakkoninga pijuksaunginapta, kinguvârêllo nallojungnaititaksarigaptigik Nâlekab nertornarninganik, pitsartuninganiglo, tattamnartullininginniglo, pinnialauktanginnik.

Jesaiase 65:23

Sullinatik senajuksaungilat, ernijuksaungilallo toᴋosaraituksanik tagvainaᴋ, Nâlekab kinguvarêt tâpkoa pitsartutingmagit ᴋitorngangillo.

Numbers 14:31

Kitorngasele, aᴋsârnigaksauneralauᴋtase, tâpkoa tikiutijomavakka tagvunga, ilitarᴋsilârpullo nunamik naggogijapsingnik.

Mattêuse 18:10

Kamatsialeritse, makkoarârsuit ilangat nachoginasiuk! Oᴋaupapsele: Engelingita ᴋilangmêtut Atâtama ᴋilangmiub kênanga takotsainarpât.

Mattêuse 18:4

Ingminik tagva nutakᴋatut ôtunak miklilertok, anginerovok nâlegauvingme ᴋilangmêtome.

Mattêuse 19:14

Jêsusele oᴋarpok: Nutakᴋat uvamnut pilit, inerterasigiglo, tâpkoa, Gûdib nâlegauvinga pigingmatsuk.

Mattêuse 5:10

Piloridlarput unangmijaudlartut idluarnek pitjutigilugo; nâlegauvik ᴋilangmêtok pigileramitsuk.

Mattêuse 5:3

Piloridlarput aklujut anernerme: nâlegauvik ᴋilangmêtok pigileramitsuk.

Markuse 3:5

Ningarlunelo ilumajine takunârpait, kiksautigivlugillo, ômatingit mangaidlarmatta, inuglo tâmna oᴋautivâ: Aggaktit issakit! Issakpaillo; âᴋiktaulerpullo iglungititut ilivlutik.

Markuse 8:33

Keviardlunele illiniartine takunârpait, Pêtruselo inerterpâ oᴋarlune: Tunumnut pît, Sâtanase; Gûdib pingit issumaginginangne, inuit pingit kissêta.

Johannese 3:3

Jêsusib kiovâ oᴋautivlugolo: Âhamarik, âhamarik oᴋaupagit: Nutâmik erniangongitub Gûdib nâlegauvinga takojungnangilâ.

Johannese 3:5

Jêsusib kiovâ: Âhamarik, âhamarik oᴋaupâgit: Erniangongitok imermut Anernermullo, Gûdib nâlegauvinganut pijungnangilak.

Apostelit Piniarningit 2:39

Ilipsingnulle ᴋitorngapsingnullo oᴋautsit ukua ilingavut, ungasiktomêtunullo tamainut, Nâlekab Gûdipta ᴋaiᴋojomârtanginut tamaunga.

Apostelit Piniarningit 3:25

Nalautaijut angersimanerublo ᴋitorngarivâse, Gûdib pilauktangata atâtagijapsingnut, Abrahamut oᴋalaurame: kinguvâksarnut inuᴋatigêksuit ilûnamatsiatik saimartitaujomârput.

Rômiunut 11:16

(Sanaukab sanamajub) sivorlerpângat ivjornaikpat, niaᴋôjaksaᴋtauᴋ ilûnane ivjornainivoᴋ; amârlo ivjornaikpat, akkerungittauᴋ ivjornainivut.

Rômiunut 11:28

Oᴋautsit tussarnertut maliklugit ômigijauvut (Gûdemut) ilipse pivluse; anerimanerle maliklugo nagligijauvut, atâtat pivlugit.

I Korintemiunut 14:20

ᴋatangutikka, sorutsititut silatuneᴋarniarase; ajortomulle nutakᴋatitun-ititse, inersimajutitulle silatuneᴋaritse.

I Korintemiunut 7:14

Okpingitok angut nuliaminut ivjornailingmat, arnaktauk okpingitok uiminut ivjornailivok. Taimaingipat, ᴋitorngase ivjornarajarput; mânale ivjornaiput.

Efêsusemiunut 4:26

Ningarluse idluituliniarase; seᴋineᴋ nipitsiarinago ningartiluse!

Deuteronomy 4:37

Atâtatillo nagligilauramigit, tamanna pivlugo tâpkoa kinguvângit annerivait kingorngane, Egiptenemillo tikiupâtit najornerminut pitsartunerminut;

II Timôteusemut 1:5

Erᴋarangapkolo okperneᴋ ilungnêtoᴋ takkormôjuitok, sivorlermik anânatsiarne Loidame ineᴋalauᴋtok anânangnelo Eunikeme; ᴋolangilangale ilingnêninganiktauk.

II Timôteusemut 3:15

Sorusionernillo ᴋaujimagangne aglait hailigit, tâpkoa ajoᴋertortaujutigijungnarpatit, piulijauᴋovlutit okpernermut Kristûse Jêsusemut.

Josua 8:35

Oᴋauseᴋalaungilak attautsemiglonêt perᴋojaulauktomik Mosesemut, Josuab ᴋaigarsuktauᴋolaungitanganik illagektut Israelitit illunatik takkoane arnallo sorrutsillo tujormijallo, agvertartut tapkoa akkorngane takkoane.

I Pêtrusib 2:2

Kipiniaritselo imungmik silatunilingmik akkusimangitomik, nutaᴋatitut erniangoᴋamertutitut, aglivalliaᴋovluse tamattomunga;

Takotitaunermik 14:5

Nelangainermiglo ᴋaningine nagvârtoᴋalaungilak, pidlaraksaujuinamik Gûdib iksivautaᴋsoangata sângane.

I Samuel 1:11

Pinniaromajaminiglo angerpok, oᴋarlunelo: Nalegak Zebaot, kivgavit ᴋannoêninga taikkunârniarungne, issumaginiarumga, kivgallo puigorniangikungne, kivgallo ernermik tunnitsiviginiarungne, tagva Nalekamut tunnijomavara innôsinga nâlugo, pijoᴋartuksaungilarlo kipsautingnik niaᴋunganut.

I Samuel 1:22

Hanna majorarᴋattaulaungilak, oᴋarporle uiminut: Majorarᴋattaujomalungilanga nukapiak amâmagungnaiᴋârtinnago, tagva âtsomavara, Nalekab sângane sakᴋijarᴋovlugo, tagvanêtsainarᴋovlugolo sorairane.