Markuse 10:1 - Labrador Inuttitut Heritage Bible

¹ Tagvangat ama aularivoᴋ, Jûdêab erᴋânut pivlune, Jordanib akianut. Inuillo ama inugiartoᴋsôvlutik tikipât, iluserivaktamitullo ajoᴋertorivait.

Markuse 10:1 Iomraidhean Croise

Okaluktok 12:9

Oᴋaluktok tâmna ilisimatuinalaungilak, inugiartoksuillo ajochertorᴋasiutilaurivait illitarksinermik, kamatsiarlunelo, issumaksarsiorlunelo, âkiksuilaukporlo oᴋautsinik malligaksanik unuktunik.

Jeremia 32:33

Tunuterpullo uvamnut, kênalijaromangimut; ajoᴋertulauralloarapkillo, nikovisaraivlunga ajoᴋertorlugit, sulle nâlalaungilat ajoᴋertutsit ilalioromalaungilait.

Mattêuse 26:55

Stundeme tapsomane Jêsusib inugasaksuit oᴋautivait: Sorlo inuartomut anivose, saviksoalijarluse ajaupialijarluselo, tigujomavlunga. Uvlut tamaita iksivaᴋatigilauralloarpapse, ajoᴋertuivlungalo katimaviksoarme, tigulaungilapsingalo.

Mattêuse 4:23

Jêsusiblo nuna Galilêa ilûnât ingergavigivâ, katimavinginalo ajoᴋertuivok, oᴋautsillo tussarnertut nâlegauvingmik oᴋâlatigivait, ᴋanimajullo atsuiliungitullo inungnêtut âᴋikpait.

Markuse 1:21

Kapernaumullo pivut; erinesulerdlunelo sabbatine katimavingmut iterpoᴋ, ajoᴋertuivlunelo.

Markuse 10:2

Farisêerillo tikipât apersorlugo: angutib nuliane avidlugo idluarmangât, tamattomungalo ôktorpât.

Markuse 12:35

Jêsuselo katimaviksoarme ajoᴋertuivlune, kiovlugillo oᴋarpoᴋ: Sôᴋ aglangnik illisimajut Kristuse oᴋautigivatsûk, Dâvidib erneringmagô?

Markuse 14:49

Uvlut tamaita najortigilauᴋpapse katimavingme ajoᴋertuivlungalo, aktulaungilapsingalo; nalautaijulle aglangit nalautserᴋovlugit.

Markuse 2:13

Ama anigivoᴋ ailunelo tesseᴋsûb sinânut, inuillo ilûnatik tikipât, ajoᴋertorpaillo.

Markuse 4:2

Akunillo ajoᴋertorpait adsiujutigut, ajoᴋertuivlunelo oᴋautivait:

Markuse 6:2

Sabbatelo neliutingmat, katimavingme ajoᴋertuilerpoᴋ. Unuktullo tussartut tamattominga, ajoᴋertûtingit tataminiarivait, oᴋarlutiglo: Nakit ôma tamakkoa pivagît? ᴋanorlo silatunermik taimaitomik tunitjivionerᴋâ? tatamnartuniglo taimaitunik aggangitigut pijunîk?

Markuse 6:34

Jêsuselo niovoᴋ; inugasaksuillo takogamigit, ilapsugidlarpait; saukatitut mianerijeᴋangitutitut-ingmatta. Unuktuniglo oᴋâlavigilerpait.

Markuse 6:6

Okpinginingillo tataminiarivait. Arvertarporlo iglugasaksoarnut avatiminêtunut, ajoᴋertuivlunelo.

Johannese 10:40

Aulalermilunelo Jordanib akianut Johannesib baptisivigilauᴋtanganut, tagvanêlerdlunelo.

Johannese 11:7

Kingorngagut ilinniartiminut oᴋarpoᴋ: Jûdêamut ama ingergalermita.

Johannese 18:20

Jêsusib kiovâ: Agviartaunanga tusarnartomik oᴋâlalauᴋpunga silaksoarmiunut. Ilinniarvingnelo katimaviksoarmelo ajoᴋertuilaukpunga, Jûdit ilûnnatik katimavingine, oᴋâlalaungnangalo sumik sagvangitome.