Mâlaki 4:3 - Labrador Inuttitut Heritage Bible

³ Idluitulijullo tullerajâromârpase; argjatitut îtsomârmatta itikapse alungita atâne, uvloᴋ pingortitara neliutikpat, oᴋarpoᴋ Nâlegaᴋ Zebaot.

Mâlaki 4:3 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

II Samuel 22:39

Toᴋᴋotsomavakka egilugillo, serᴋomitsomavakka, akkerartoraksaringilânga; ittikkama attânut ochojuksauvut.

II Samuel 22:43

Toggarlugit serᴋallititsomavakka sannektitut nuname, allorluktitut apᴋosinerme serᴋallititsomavakka, siamartitsomalugillo.

Hiobe 40:12

“Ilâ piojorijut ilûnaita takkonârᴋit okᴋotilugillo, Gûdeᴋangitullo akkutôtikit nanêmangâttalonêt.

Imgerut 147:6

Nâlekab pattangajut makkitipait, Gûdeᴋangitullo pinguvait nunamut.

Imgerut 49:14

Nallavut kappianartovingme saukatitut, toᴋᴋub mikkikpait; idluitaillijulle attanniotivut tâpkonunga uvlarârsukut; tautungit nungutauvut kappianartovingmut, tokkaviksaᴋaratiglo.

Imgerut 91:13

Loevillo ᴋuglugiarâluillo pissugviginiarpattit, Loeviarᴋâllo Drachillo tullerarniarpattit.

Jesaiase 25:10

Nâlekab aggangit ᴋaᴋᴋamik mattominga tupveᴋaromârput. Moabele tukkartaujomârpoᴋ attânut, sôrlo ivivinît tukkartauvangmatta annarvingmut.

Jesaiase 26:6

Ittikkanut tullertauvut, illa aklujut ittiganginut, ajulertut ittiganginut.

Jeremiab Ogguarutigijangit 1:15

Nâlekab inuᴋotikka sôngojut tamaita uvamnêlauktut mitautigivait; akkerartortuksat katimaᴋovait uvamnut, inôsuktoᴋotikka sorᴋsuktuksat asserortauᴋovlugit; Nâlekab Judab paninga uigasuk tullerajarpâ, sorlo paungat vainiksat iptêjartauvingane.

Hesekiel 28:18

Idluitulinivit unurninginut, niuverniarnivillo idlualungininginut, ivsornaitoviᴋotitit ivsornaijungnaitipatit; tamanna pivlugo ikoma anitipara ilungnit, tâpsomalo nunguvâtit, argjangortipagillo nuname takonârtivit ilûnatik takoane.

Daniel 7:18

Kotsingnipângojûbli ivjornaitoᴋotingita ataniovik pigilârpât, piᴋutigitsainarlugolo, ilâ, issoᴋangitoᴋsoarmut aglât.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Migga 5:8

Jâkoblo amiakungit ilingalârput nunaᴋatigêksuit akorngane inôᴋatigêksuillo unuktut akorngane loevetut nergjutit napârtolingmêtut akorngane, loevearaᴋtullo saukat katimgajut akorngane; apᴋutigijarangamigit tullerajârivoᴋ aliktuilunelo, saputsijuksaᴋangilarlo.

Migga 7:10

Tamannalo ômigijima takolârpâ, uliktaulârporlo kangusungnermut, uvamnut oᴋalauᴋtoᴋ: Nâlegaᴋ Gudît naûk? Ijingma takolârpâ, mânalo tullerajârtaulârpoᴋ sorlo aᴋilupik apᴋosinerme.

Saggaria 10:5

Pitsartujoksoatutitullo îtsomârput, ômigijitik tullerarlugit aᴋilupiarme apᴋosineâlungnêtome unatarvingme; sorᴋsugomârpullo, Nâlekab ilagingmagit; ikimajullo horsinut ila ᴋemalârput.

Mâlaki 3:17

Perᴋutigijomârpakkalo, oᴋarpoᴋ Nâlegaᴋ Zebaot, uvloᴋ adseungitoᴋ perᴋutiksaliorviga neliutikpat; nikagijomârpakkalo, sôrlo angutib ernine kivgartortine nikagingmago.

Rômiunut 16:20

Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 14:20

Iptêjaiviglo tâmna atortauvok iglugasaksuit silatane; auksoak tagva kôkpok iptêjaivingmit horsit noᴋilautingit tikidlugit, mailititut 200 ititut ᴋaningitigijomik.