Mâlaki 4:2 - Labrador Inuttitut Heritage Bible

² Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Mâlaki 4:2 Iomraidhean Croise

II Samuel 23:4

Uvlâb ᴋaumaningatut itsomârpok, seᴋᴋinek uvlarme nuilertillugo nuvujakangipat, sillalungnerub kingorngane ᴋaumadlarnermut iviksukat nuilerpatta nunamit.

Imgerut 103:3

Issumagijungnainiktok ajornernik tamainik; inûliklertorlo ᴋannoênernik tamainik;

Imgerut 147:3

Serᴋomisimajunik ômattiggit innûlivait, mangipsertorlugillo ânianingit.

Imgerut 61:5

Igvit Gûde angernera tussalaurangne; tunnitsivigivarma tâpkoa atternik sivôrajut kingormgutijangenik.

Imgerut 67:1

Gude saimarvigitigut, pitsartutilutalo; tâpsoma kênaminut ᴋaumaksarlitigut, Sêla.

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Imgerut 85:9

Ila ikajorninga ᴋannipok sivôrajunnut tâpsominga; nunaptingne opinarneᴋarᴋovlugo;

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Jesaiase 30:26

Taᴋᴋiblo ᴋaumaninga seᴋinerub ᴋaumaningatut-itsomârpoᴋ, seᴋinerublo ᴋaumaninga sîbaulijomârpoᴋ, uvlut sîbat ᴋaumaningatut taipsomane, Nâlekab inuᴋotime killingit mangipsertoromârpagit inûlijomârlaitalo ikkingit.

Jesaiase 35:6

Tagva tussiaktut pangaligomârput tuktotut, oᴋajuitullo oᴋangit iggiaᴋomijaromârput, imersuit puilajomârmatta puilaveᴋangitome kôksuillo natername.

Jesaiase 49:6

Oᴋarporlo: Nãmangilaᴋ, kivgarigapkit kinguvarêt Jâkokkut makkitillugit torᴋortaumajullo Israêlikkunit uttertingmivlugit, ᴋaumaksaijungortipagittauᴋ nallojunut, piuliklerutigivlutit sillaᴋsûb kiglinganut.

Jesaiase 50:10

Kia akkunapsingne Nâlegaᴋ sivoragivaûk, kivgangata nippinga nâleklugo? Tâᴋsoakut arvertartub ᴋaumaksartaungitublo Nâlekab attinga nerriugiliuk, Gûdinelo tattigiliuk!

Jesaiase 53:5

Kissianele ikkilertauvoᴋ idluitullinivut pitjutigivlugit, ajornivullo pitjutigivlugit nerᴋerᴋsudlartitauvoᴋ. Tâmna pidlartauvoᴋ idluarᴋutiksaptingnut, ikkinginullo inûlijauvogut.

Jesaiase 9:2

Nunaᴋatigêt tâᴋsiortut ᴋaumajoᴋsoaᴋ takkovât, nunaᴋatigênullo toᴋub tachalininganẽtunut ᴋaumajoᴋ nuimavoᴋ.

Jeremia 17:14

Inûlilaunga, Nâlagaᴋ, inûlijaudlarniarpunga tagva; piulilaunga, piulijaudlarniarpunga tagva; igvit nertordlerutigigapkit.

Jeremia 30:17

Uvanga ᴋanoetsungnaititsomagapkit, ikitillo inûlijomagapkit, oᴋarpoᴋ Nâlagaᴋ; ajaktortaumajônerarmatit, oᴋarlutik: Zioneovoᴋ, kimullônêt erᴋagijaujungnaitoᴋ.

Jeremia 33:6

Ahâk, tukiutjivigijomavakka atsuilinermik inûlijaunermiglo, inûlijomavakkalo; nalonaijaivigijomavakkalo ulapirksaumik mikseᴋârnermiglo amigangitomik.

Hesekiel 47:12

Kôblo sinâgingne tamangne perortoᴋaromârpoᴋ napârtunik sunatuinarnik paungalingnik nerrijausûnik, millukatangillo ᴋunoleromângilat, paungangillo katararomângilat; taᴋᴋit tamât paungatâlârput nutânik, imit ivsornaitovingmit pingmatta; paungangillo nerᴋiksaulârput, millukatangillo inûlinalârput.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Hosea 6:3

Nâlegarlo ilitarilerlavut, ilâ, ilitariganerlugo; tâpsoma anininga uvlub ᴋaulerningatut nelonangitigivoᴋ; tikilârpâtigullo silaluktut, silaluktut kingorliojotut koveraijotut nunamik.

Mâlaki 3:16

Tagva Nâlekamik sivôrajut oᴋaᴋatigêlerput: Nâlegarlo nâlakpoᴋ tusarlunelo, aglaillo erᴋaumajutiksat aglaktauvut tâpsoma sângane, Nâlekamik sivôrajut pivlugit, attinganiglo erᴋaijut pivlugit.

Mattêuse 11:5

Tautungitut tautulerput, tussiaktullo pisulerput, kaladlartut kalagungnairput, tussângitut tussalerput, toᴋungajut ômarput, aklujullo oᴋautjauvut oᴋautsinik tussarnertunik.

Mattêuse 23:37

Jerusalem, Jerusalem, nalautaijunik toᴋotsijotit, ilingnullo tilijanik ujarᴋanut milorniktotit! ᴋitorngatit katititsomaᴋattalauralloarpakka, sorlo arnaungub piarᴋane katitingmagit esarᴋominut; pijomalaungitosele.

Lukase 1:50

Nâpkiningningalo nâlektiminêtsainarpok soraijunane.

Lukase 1:78

Gûdipta ômatingata nâpkiningningagut. Tâpsomûna nuijub ᴋotsingnermit nelipsarmatigut,

Lukase 2:32

ᴋaumajok nalojunik ᴋaumarsaijuksak, inuᴋotivîllo Israelitit nakorijaksangat.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 1:4

Inôsek tâpsoma iluanêpok; inuillo inôsek ᴋaumanerivât.

Johannese 1:8

Nangminek tâmna ᴋaumajôlaungilak, kigligiutsijuksauvlunele ᴋaumajomik.

Johannese 12:40

Tâpsoma takpêtipait ijingit, mangaitilugillo ômatingit; ijimingnut takoᴋonagit, ômatimingnullo tukkiserᴋonagit; sâgiarᴋonagillo ikajortaujungnarlutik uvamnut.

Johannese 8:12

Tagva Jêsusib oᴋarvigigivait oᴋarlunelo: Silaᴋsoarmiut ᴋaumanerivânga; uvamnik maliktok tâᴋtome arvertarniangilak, ᴋaumajorle inôgutaujok piginiarpâ.

Johannese 9:4

Tilijima piniarningit piniaraksarivakka uvlôtilugo; unnuangojomârpok kialônêt piniarvigijungnangitanga.

Apostelit Piniarningit 13:26

Ilipse angutit ᴋatangutigêt, Abrahab kinguvângita ᴋitorngangit, Gûdemiglo sivôrajut ilipsingne, oᴋautsit piulijaujutiksamik tamattominga tilikliutjauvut ilipsingnut.

Apostelit Piniarningit 13:47

Nâlekab perᴋungmatigut imâk: Nalojunut ᴋaumartiksangortilaukpagit, piulijiksauᴋovlutit silaksûb isuanut.

Apostelit Piniarningit 26:18

Ijingit uititaulerᴋovlugit, taᴋtomit sâgiarᴋovlugit ᴋaumajomut, Sâtanasiblo pitsartuninganit Gûdemut; ajorninginit isumangnarungnaitomik kingormgutijaksamiglo pititauᴋovlugit, ivjornaititaujut ilagivlugit, okpernermut uvamut uvamnut.

II Tessalônikamiunut 1:3

Gûde ᴋujagijariaᴋatsainarpavut pivluse, ᴋatangutivut, taimaglo idluarpoᴋ; okpernise angijomik aglivalliangmat, nagliktigêngnerlo ilûnapsingne atunit angijorolermat.

II Pêtrusib 1:19

Nelautaijûb oᴋausinganik tunganartomik peᴋarpogut; tamanna nâlekkapsiuk idluartomik pivose, sorlo nenneroaᴋ ᴋaumarsaijoᴋ tâᴋtome, ᴋaulertsiarilugo, uvloriarlo ᴋausiut nuilertsiarivlugo ômatipsingne.

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

I Johannesib 2:8

Ama aglagvigivapsi pikᴋojaᴋtâmik, tâpsomanilo ilipsingnilo miksiᴋârtôjomik; tâᴋsoaᴋ anigormat, ᴋaumajorlo miksiᴋârtoᴋ mâna ᴋaumarsaivoᴋ.

Takotitaunermik 11:18

Nelojullo ᴋaningajâdlarput, ningaumajârnîlle neliutilerpok, toᴋungajullo erᴋartortauniarvingat, kivgatillo, nelautaijoᴋotitillo, ivjornaitullo, aterniglo nâlektut, mikijullo angijullo akkileromagangne; asserorlugillo nunamik asseruilauktut.

Takotitaunermik 2:28

Uvloriamiglo ᴋausiumik tunitjivigijomavara.

Takotitaunermik 22:16

Uvanga Jêsuseojunga Engeliga tililaukpara tamakkoninga kigligiutsivigiluse perᴋovlugo illagêktunut (ilingajuksanik). Dâvidib amârivlungalo kinguvârivânga, uvloriangojunga ᴋausiut ᴋaumaridlartok.

Takotitaunermik 22:2

(Iglugasaksuillo) apᴋosiningita ᴋerᴋane kôblo senîgingne tamangne napârtoᴋalaukpok ômanartunik; tâpkoa 12 inik ingmigôlingajunik paungaᴋalaukput, takᴋinelo tamaine nutânik paungaᴋaᴋattarput, napârtullo millukatangit atsuiligutiksauvut nelojunut.

Ruth 2:12

Nâlekab pinniarnerilauktat akkilêjutigiliuk illingnut, akkilertaunîllo namâmarigle Nâlekame Israelib Gûdingane, tikkivigijarne; esarᴋungita attâne Sungertutiksaᴋaromavlutit.