Mâlaki 4:1 - Labrador Inuttitut Heritage Bible

¹ Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Mâlaki 4:1 Iomraidhean Croise

Hiobe 18:16

Attânit amângit pannilerput, ᴋollânillo perortungit kippijauvut.

Imgerut 119:119

Gûdeᴋangitut nunamêtut illûnaita pêjarpattit piunginerlukutitut; tamanna pivlugo kigligiutsinitit ivlerivakka.

Imgerut 37:9

Idluitut pêjartauniarmatta, Nâlekamigle nerriuktut nuna kingormgutigijomârpât.

Exodus 15:7

Inornarnivillo angijoksôningane ochotipatit akkerartortitit: ningarnît aulartipat, tâpsomalo nungupait iviktitut.

Jesaiase 40:24

Illijautainatuinartillugit ivjomut, karngasortautainatuinartillugit, napârtungata amângit siamalitainatuinartillugit ivjomut suppolerêrpait; pannilerput tagva, anorersoamut tiktauvlutik sanniktitut.

Jesaiase 41:2

Kia pângat ᴋairᴋovaûk idluarnermik naipitsẽnartoᴋ, arvertalreangat nane? Kia nallojut pijaurᴋovagît, attanersuit sãlagijaurᴋovlugit tâpsomunga? Saviksoangata illingatipait pujortut, pittiksingata illingatipait sanniktitut tiktaujutitut.

Jesaiase 47:14

Ahâk, iviktitut-iput, ikkomamut nungutauvut, inôsitik ikkomaᴋsoamit piulivlugit sapperpait, ikkomaᴋsoaᴋ tamanna kitjaᴋejârviksaungimat, ikkomablo avatâ iksivaviksaungilaᴋ.

Jesaiase 5:24

Tamanna pivlugo, sôrlo ikkomab ikkoalajub ivivinît nungungmagit, sôrlolo iviksukat pannertut ikkoalajut ochongmatta, taimaktauᴋ taipkoa amângat auniojomârpoᴋ nuvugulângillo sanniktut tiktaujomârput, ᴋilangmiugasaksuit Nâlegangata perᴋojangit kamagingimagit, ivlernartitublo Israêlikkune oᴋausingit nachogingmagit.

Jesaiase 9:18

Idluitullineᴋ ikkomatut ikkoalangmat ukpiganik perornerdluktuniglo kakkilautilingnik nungutsivlune ikkitsivlunelo ukpiganik napârtoliksoarmẽtunik, iserluksoarmik ᴋongmuartitsivlune.

Jesaiase 9:19

Kilangmiugasaksuit Nâlegangata ningausinga pivlugo nuna ikkitaumavoᴋ, nunaᴋatigêllo ikkomamut nungutaksaujutitut-iput; ᴋattangutiminik nâpkiniktoᴋangilaᴋ.

Hesekiel 20:38

Akunapsingnillo pêjaromavakka nâlegungnaitut tapatojullo uvamnik; anititsomavakka nunamit tujormivigijanginit, itertuksaungilalle Israêlib nunanganut; ᴋaujijuksauvoselo uvangaugama Nâlegaᴋ.

Hesekiel 21:32

Kejuksatuinaujuksauvotit ikomamut; erᴋaumajauniatsangilatit: uvanga Nâlegaᴋ taimak oᴋarama.

Hesekiel 24:11

Imaᴋartinagolo aumanut iliuk, ônadlarᴋovlugo, ᴋaᴋorlingalo aumalerᴋovlugo, salumaininga pêrᴋovlugo iluane, mangertorningalo nungutauᴋovlugo.

Hesekiel 34:17

Ilipselo saugakka, imâk oᴋarpoᴋ Nâlegaᴋ Nâlegaujoᴋ: Ahâk, erᴋartuijomârpunga saugarmut saugauᴋatinullo, sauᴋanut angusalungnut tuktungajunullo angusalungnut.

Hesekiel 7:10

Ahâk, uvloᴋ, ahâk, ᴋaivoᴋ: erᴋartortaunît anisimavoᴋ; annaut nuvugulâktârpoᴋ, piojorineᴋ ᴋuglungajoᴋtârpoᴋ.

Joel 2:1

Tiptulausijaritse Zioneme, kamasârileritse ᴋaᴋᴋamne ivsornaitome; nunab inungit ilûnatik sajudlarlit; Nâlekab uvlunga tikilermat, ᴋaniporlo;

Joel 2:31

Seᴋineᴋ ablatsangoromârpoᴋ tâᴋtomut, taᴋᴋerlo aungmut, Nâlekab uvloᴋsoanga sivôranartoᴋ neliutiᴋârtinago.

Amos 2:9

Sivurânginele Amoriterit nungulaukpakka, tâpkoa napârtotut Sideretut poᴋtotigilaukput, sôngotigilutiglo napârtotut sitijuksajatut; paungangille asserolaukpakka pângat, amângillo unangat.

Obadia 1:18

Jâkoblo ᴋitorngangitaumaujomârput, Jôsefiblo ᴋitorngangit ikomaujomârput, Esauiblo ᴋitorngangit iviub kipakungititut ilârput, amiakoᴋaromângilarlo Esauib ᴋitornganginit; Nâlekab tamanna oᴋautigingmago.

Nahum 1:10

Kakilauteliktitut ilaᴋemajutitut îgaloarunik, sitsiulâraloaruniglo sorlo imertudlarnermut, nungutaumarilârput ivit kipakungititut.

Sefania 1:14

Nâlekab uvloᴋsoanga ᴋanidlarmat, ᴋanidlarpok ᴋaglisaraidlarporlo, Nâlekab uvlungata ᴋikergalijarninga; pitsartudlartut ᴋasilinadlartomik nipliadlaromârput tagva.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Saggaria 14:1

Ahak, Nâlekab uvlunga naliutilerpok aᴋsârnigarijitit avgortaujomârmatta ilingne.

Mâlaki 3:15

Mânalo piojorijut pilloringnerarpavut; ilâ, idluitulijut pilluangovut; ilâ, Gude ôktolukpât, ᴋanoetomullo tikitaungilat.

Mâlaki 3:18

Uteromârpose tagva ulernairtuiluselo idluartullo idluitullo adsigêngininginik, Gudemiglo kivgartortut, tâpsomingalo kivgartolungitut adsigêngininginik.

Mâlaki 3:2

Kiale uvloᴋ tikiviksanga sapingilârᴋaûk? Kinalo nangerungnalârᴋâ tâmna saᴋᴋijârpât? Goldemik auksititsijûb ikomangatut ipoᴋ, ergortuijûblo ubvautingatut;

Mâlaki 3:3

Iksivajomârporlo auksititsilune sujungaititsilunelo silberemik, Lêviblo erningit sujungaititsomârpait, epᴋêjarlugillo goldetut silberetullo; tunergusilârpullo Nâlekamut tunergutinik nerᴋiksanik idluarnerme.

Mâlaki 4:5

Ahâk, tiliklervigijomârpapse Eliasemik nelautaijomik Nâlekab uvlunga angijoᴋ sivôranartorlo tikerᴋârtinago.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Lukase 19:43

Naliutuksamut tikitaujomârapse, akkerartortipse ilujomârpâse avatipsigut, ᴋitorngaselo illaliudlugit, illuluse anerᴋonase; nanêᴋupselo ilûnâne kappiasuktitsomârpâse,

Lukase 21:20

Jerusalemible avatâ sorsuktuksarsoarnik illumajok takogupsiuk, tagva ᴋaujimaniarpose asserortauniarvia naliutilermat.

Lukase 6:23

ᴋuviasugitse ᴋigertarluselo; akkiksase angidlaromârmat ᴋilangme. Sivorlingitatauk taimailiorivait nelautaijut.

II Tessalônikamiunut 1:8

Ikomame ikoalajome, akkivigijartorlugit Gûdemik ᴋaujijomangitut, oᴋautsiniglo tussarnertunik Nâlegavut Jêsuse Kristuse pivlugo nâlagomangitut.

II Pêtrusib 3:7

Kilagle nunalo mattomanêtûk oᴋausinganuttauᴋ tamattomunga pigumitângulerpûk, pijuksaujomârlutik ikomamut uvluksame erᴋartuivingme, inuillo Gûdemik nâlegomangitut pidlartauviksangane.