Mâlaki 3:6 - Labrador Inuttitut Heritage Bible

⁶ Uvanga Nâlegaᴋ soᴋosijuigama; taimaimat ilipse Jâkob ᴋitorngangit nungutaungilase.

Mâlaki 3:6 Iomraidhean Croise

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Genesis 15:7

Oᴋautivâlo: Uvanga Nâlegauvunga aularᴋojijoᴋ illingnik Uremit Kaldeamêtomit, nuna tamanna tunijomagapko illingnut, perᴋutaurᴋovlugo illingnut.

Genesis 22:16

Oᴋarlunelo: Nangminimnik taivlunga angervikpunga, oᴋarpoᴋ Nâlegaᴋ, taimailioravit, ernituallo ivleringinangne,

Imgerut 102:26

Tâpkoa nungujomârput, igville itsainaromârpotit. Illûnatik nutaungitôvalliajomârput ulliktut; âblatsângoromârput anorâktut, igvit âblatsângortitsomârungne.

Imgerut 102:27

Igville sorlo illingagavittut itsainarpotit, Jâritillo naggaserniatsangilet.

Imgerut 102:28

Kivgaᴋotivît ᴋittorngangit îtsainaromârput, kinguvângillo sângne pitsornaromârput.

Imgerut 103:17

Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

Imgerut 78:38

Tâmnale nâpkigosulaukpok, idluitullinerillo issumagijungnaipait, nungutailivailo; ningarninelo allartiᴋattarpâ, ᴋaningajarninelo illunât tuppaᴋolaungilâ.

Imgerut 78:57

Tunnulaukpullo, nertornartaililutiglo atâtamiktut, katsungainatiglo, pittiksetut ᴋassungajotut;

Jesaiase 41:13

Uvanga Nâlegaugama Gûdit, tallerpikkut illingnik tigusijoᴋ oᴋarvigivlutillo: Sivoraniarnak, uvanga ikajorpagit.

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Jesaiase 46:4

Uvanga tâmnautsainarpunga inutoᴋaunipsingnut aglât, ᴋêrtolerluse uvanga erᴋsukpapse. Uvanga taimailiorpunga, uvanga nangmarpapse, uvanga erᴋsukpapse piulivluselo.

Jeremia 32:27

Ahâk, Nâlagauvunga, uvinilît ilûnatik Gudingat; ajornartoᴋarᴋâ uvamnût?

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Hosea 11:9

Ningarnima ilungertudlarninga nâmaksititsomangilara, uteromangilanga Efraim asseroromavlugo; Gudeogama, inônginamalo; ivsornaitoᴋsôjunga akunapsingne; ningarlungalo iteromangilanga iglugasaksoarnut.

Habakûb 1:12

Igville, Nâlegaᴋ Gûdiga, ivsornaitoᴋotiga, isoᴋangitoᴋsoarmit tâmnautsainalungilatît? Toᴋoniatsangilagut. Tâmna pidlaraksautilauᴋpat, Nâlegaᴋ; igvit ᴋairtôjotit, tâmna sugiartiksautilauᴋpat.

Numbers 23:19

Gûde inôlungilaᴋ saglosômik, erniolungilarlo inungmut ᴋaᴋialersômik: oᴋarsimangilâᴋ, piniarnialungilaûglô? Oᴋauseᴋalauᴋâlônêt nelautsitinialungitaminîk?

Rômiunut 5:10

Gûdemut ulapirsarsimagapta Erningata toᴋunganut, sulle ômisuktiluta, anginersamik tagva piulijaujomârpogut inôsinganut, mâna ulapirsartaugapta.

Filippimiunut 1:6

Tamattomingalo sungertûteᴋarvikpunga, ajungituliamik pigialauᴋtub ilupsingne, tâpsoma nâmaksitiniarivâ Jêsusib Kristusib uvluksangata naliuniksanga tikidlugo.

Ebrêerinut 13:8

Jêsuse Kristuse, ikpeksaᴋ uvlomelo, issoᴋangitomullo tâmnatsainaᴋ.

Ebrêerinut 6:18

Maggungnut soᴋᴋosijuitungnut (Gûde saglovlune ajornavingmat) sôngojomik manigorutiksaᴋarᴋovluta, uvagut ᴋilanârtogut nerriugijaksaᴋ perᴋojaumajoᴋ uvaptingnut atavigênarlugo;

Jâkobusib 1:17

Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

Takotitaunermik 1:8

Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 22:13

Alfauvunga Omegauvlungalo, pigiarneovlungalo naggatauvunga, sivorliovlungalo kingorliovunga.

I Samuel 15:29

Sâlaᴋarte Israeleme saglolunginivok, ᴋaᴋᴋialingilarlo; innuôlunginame suna ᴋaᴋᴋialerutigilugo pijuksaungmat.