Mâlaki 3:5 - Labrador Inuttitut Heritage Bible

⁵ Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mâlaki 3:5 Iomraidhean Croise

Genesis 20:11

Abraha oᴋarpoᴋ: Issumaᴋarama: Gûdemik sivôrajoᴋarpallaingilaᴋ nuname tamattomane; nuliara pivlugo toᴋoniarpânga.

Genesis 42:18

Uvlullo pingajuane Josefib oᴋautivait: Imailioritse, tagva inôjuksauvose, Gûde opigigapko.

Nehemia 5:15

Aulatsijut sivunimnêlauktut inugasaksuit Oᴋumaiksartilaukpait, tigusilauklutiglo tapᴋonangat Niaᴋojamik Weinemiglo, tapᴋoalo tappilugit Sekelinik 40ginik Silberemik. Uvangale taimailiorlaungitunga, suvuranek Gûdemik pivlugo.

Hiobe 31:12

Tamanna ikkomaunajarmat nungutsijok asserorsimanek tikkidlugo, pigijakkalo tamaita amângejarlugit.

Hiobe 7:2

Sôrlo kivgab tachalinek kajungervigingmago, sôrlolo sanajuksak uvlok nâlugo, nerriungmat sullijaksame sorairningannik.

Imgerut 36:1

Omattimne oᴋausiksaᴋarpok Gûdeᴋangitub illusinginnik; sivuranealungilak Gûdemik ijikita sângangne.

Imgerut 81:8

Okokse innuᴋotikka, akᴋonapsingne kigligiudsijomavunga; Israelitiôjose ᴋanoktôk nâleksinga!

Imgerut 96:13

Nâlekab sângane, aggermat, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo mikseᴋârnerminut.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Exodus 1:17

Ernisuksêjulle Gûde sivôragivât, pinialungilallo sorlo Egiptenemiut ataningata oᴋautingmagit, angutiarsuille inûlivait.

Exodus 18:21

Taimagletauk inuit ilûnnatik akornganit ᴋenertuksauvotit angutinik ᴋaᴋiarnaitunik, Gûdemik sivôrajunik, angutinik nalâgôrtunik, pijomatudlarnermik omisuktunik; angajoᴋângortilugillo tâpkonunga, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Exodus 20:7

Nâlekab Gûdivit atinganik atornerluktuksaungilatit, Nâlekab pidlartailiniangimago atinganik atornerluktok.

Exodus 22:20

Tunergusertok Gûdit nallianut, Nâlegaujotôlungitomut, aserortaumariktuksauvok.

Salomob Okâl 16:6

Napᴋigosungnermut mikseᴋârnermullo idluitullinek ullapᴋosertauvok, sivôranermullo Nâlekamik idluinek attortautailivok.

Salomob Okâl 8:13

Sivôranerub Nâlekamik idluinek, pingijainerlo, piojorinerlo apᴋullo idluitok omigivait, ᴋanerlo mumiksimajok ᴋenugivara.

Jesaiase 57:3

Illipsele ᴋaileritse maunga, illipse angakkub ᴋitorngangit, ajortullijub anguniarpaktublo kinguvângit.

Jeremia 23:10

Nuna tattadlarmat assiniartunut, oᴋauseludlarneᴋ pitjutigivlugo nuna ogguarpoᴋ; inuᴋajuitub nerrinasugvingit ipterilikput; inuit ilusingit idluiput, pitsartuningillo piungilat.

Jeremia 27:10

Tâpkoa nalautaivigingmase saglonernik, nûtitauᴋovluse nunapsingnit ungasiktomut; ajaktuiᴋovlungalo ilipsingnik nungutauᴋovluselo.

Jeremia 27:9

Ilipsele nâlaniarasigik nalautaijose, angakoselônêt, sinnaktomanerijaselônêt, ilipsingnut oᴋauseᴋartut, oᴋarlutik: Kivgartortuksaungilase Babilonib ataninganik,

Jeremia 29:23

Silainartomik piniarmanik Israêleme, assiniarmaniglo inôᴋatimik nulianginut, saglovlutiglo oᴋâlamanik attimne, uvamnut perᴋojaungitunik, uvangalo ᴋaujimajôvunga kigligiutjijôvungalo, oᴋarpoᴋ Nâlagaᴋ.

Jeremia 42:5

Tâpkoalo Jeremiamut oᴋarput: Nâlagaᴋ kigligiutjijôle nalâgôrtoᴋ okpernartorlo uvaptingnut, pinialungikupta oᴋautsit tamaita maliklugit Nâlakab tilikliutigijanganik ilingnik uvaptingnut.

Jeremia 5:2

Oᴋaraloaruniglo: Sorlo Nâlagaᴋ inôngmat; sulle nalâgôngitomik angerput.

Jeremia 5:29

Sugiartuksaungilangâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoarnik taimaitunîk?

Leviticus 19:13

Inôᴋatit oᴋumaiksartitaksaringilat, aᴋsârnagolônêt; ikajortûblo akkiliutiksanga ilingnêtuksaungilak unnuak nâvlugo uvlâk tikidlugo.

Leviticus 20:10

Nuliarêngnermik asseroijok assime nulianga atorlugo, Ilâ, nuliarêngnermik asseroijok inôᴋatime nulianga atorlugo, tagva nuliarêngnermik asseroijuk tamarmik toᴋotaujuksauvuk.

Leviticus 20:27

Angullo arnarlônêt anernekullulik angakôjorlônêt, toᴋotaudlartuksauvok; miloraksarivase ujarᴋanut; autik tâpkonanêtuksauvut.

Leviticus 20:6

Inuglo sangujok anernekullulingnut angakunullônêt ajortuliᴋatigijomavlugit, inungmut tâpsomunga ila kênara sâtitsomavara, pêjaromavaralo inôᴋatime akornganit.

Migga 1:2

Tusaritse inôᴋatigêksoangojose ilûnase; nâlagit, nuna, tagvanêtullo ilûnatik; Nâlegarlo Nâlegaujoᴋ kigligiutsile akunapsingne, Nâlegaᴋ iniminit ivsornaitomit.

Habakûb 1:12

Igville, Nâlegaᴋ Gûdiga, ivsornaitoᴋotiga, isoᴋangitoᴋsoarmit tâmnautsainalungilatît? Toᴋoniatsangilagut. Tâmna pidlaraksautilauᴋpat, Nâlegaᴋ; igvit ᴋairtôjotit, tâmna sugiartiksautilauᴋpat.

Saggaria 11:12

Oᴋautivakkalo: Idluarigupsiuk akkiksarsiaksara ᴋaisiuk: pijomangikupsele, taimaituinarle. Tagva akkiksarsiaksara ôktorpait kênaujat silberit 30.

Mâlaki 1:6

Ernerub atâtane opigivâ, kivgablo angajoᴋâne: Uvanga tagva atâtauguma, nanekâ opigijaunerâ? Oᴋarpoᴋ Nâlegaᴋ Zebaot ilipsingnut, ajoᴋertuijôjose, attimnik naggojose. Oᴋarposelo: Sunakut attît naggogivitigô?

Mâlaki 2:14

Oᴋarpose: Sôᴋ? Nâlegaᴋ najûtijôngmat ilingnullo inosungnivîllo nuliarijanganut, nelâgôngitulivigijarnut, aiparigaloarangne, angervigilauraloarangnelo nuliarijomavlugo.

Mâlaki 2:17

Nâlegak merngortortipase oᴋausipsingnut-Oᴋarposele: Sunamut merngortortipitigô? Oᴋarapse, idluitulijut ilûnatik idluarput Nâlekab takoane, tâpsomalo ᴋuviagivait; imâglônêt: Gude erᴋartuijoᴋ naûk?

Lukase 23:40

Aipangata suadlarlugo oᴋautivâ: Igvittauk Gûde erᴋsigingilat, tâpsotunak (toᴋomut) pitlartaugalloarlutît?

Rômiunut 3:8

Sôᴋ imailiungârajangilagût, sorlo mitautigijaugapta, sorlolo illangita oᴋautigingmatigut oᴋarnerarluta: Idluituliniarta, ajungitoᴋ tamattomangat perᴋovlugo? Taimaitut erᴋartortauningat idluarpoᴋ.

Deuteronomy 15:13

ᴋelarudjârungnelo ilingnit, tagva sunaᴋarane aulartitaksaringilat;

Deuteronomy 18:10

Ilingne naipitaujokartuksaungilak ernerminik paningminiglônêt ingergartitsijomik ikomakut, nelautainerluktomiglônêt, angakomiglônêt, êlisêniartomiglônêt, angakoliartomiglônêt,

Deuteronomy 24:17

Takorngartab iliarsûblônêt idluarsartauniksanga mumigaksarilungilat; uigarnerublo annorânga tigujaksarilungilat nelunaikutaksautilugo.

Deuteronomy 27:19

Ominarsile mumiksijok takorngartab, iliarsublônêt, uigarnerublônêt idluarsartauniksanganik. Inuillo ilûnatik oᴋartuksauvut: Taimaile.

Deuteronomy 5:11

Nâlekab Gûdivît atinganik atornerluktuksaungilatit, Nâlekab pidlartailiniangimago atinganik atornerluktok.

I Tessalônikamiunut 4:6

Neliselo ᴋatangutiminik oᴋumaititsitailile uivêrinagolo sumut; Nâlegaᴋ tamakkoninga tamainik akkiniarteongmat, sôrlo oᴋarvigilaurapse ipsomane kigligiutigivlugo.

Ebrêerinut 13:4

Nuliarêngneᴋ idluatsainarle tamaine, nuliarêllo innangaviat ivsornaile; assiniartulle nuliarêngnermiglo asseroijut Gûdib erᴋartoromârpait.

Jâkobusib 5:12

Angnerôjomigle (oᴋaupapse) ᴋatangutikka, angalungniarase, ᴋilangmiglônêt nunamiglônêt assinginiglônêt taisiluse angalungnermut. Ahailârangapse, ahailârnise taimaile, aukârangapse, aukârnise taimaile; takkormôrnermut kataᴋonase.

Jâkobusib 5:4

Ahâk sanajut, perorsêvipsingnit katersoijut, akkiksangita ilipsingnut mikinersautitauningit nipliadlarput; katersoijullo (tâpkoa) nipliadlarningit Nâlekab Zebaotib siutîgingnut pimanerput.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.