Mâlaki 2:9 - Labrador Inuttitut Heritage Bible

⁹ Tamanna pivlugo naggonartilauᴋpase ariunartiluselo inôᴋatigêksuit tamaita sângine, apᴋosinikka atuatsainalaunginapsigik, inuillo kinauningit soᴋotigigapsigik perᴋojat nâlektauningine.

Mâlaki 2:9 Iomraidhean Croise

I Atannit 22:28

Micha oᴋarpok: Ullapirsauteᴋarlutit utterniaruvit, tagva Nâlegak uvapkut oᴋalaungilak. Oᴋarporlo: Tusaritse inugasaksojose ilûnnase!

Hiobe 32:21

Kialo kinauninga kamagijomangilara, takkomôrlunga kina nertoromalungilara.

Salomob Okâl 10:7

Idluartut erᴋaumajauningat saimanarneliutsainarpok; Gûdeᴋangitulle atingit nunguniarput.

Salomob Okâl 12:8

Silatuninga malliklugo angut nertortauvok; Ommateᴋartorle mumiksimajomik kangusuktitauvok.

Hesekiel 13:21

Akkitiliortaselo aliktoromagivakka, inuᴋotikkalo piulijomavakka aggapsingnit, napperniaraksaujungnairomârpullo aggapsingnut kingorngane; ᴋaujijuksaulârposelo uvanga Nâlegaugama.

Hesekiel 7:26

Kanoetoᴋ malilârpoᴋ ᴋanoetomik, tusaumajaᴋ malilârpoᴋ tusaumajarmik. Takotitjumik ᴋeneromârput nelautaijomit; ajoᴋertuserle nûgomârpoᴋ ajoᴋertuijunit, atanertuinerlo inutoᴋaujunit.

Migga 3:11

Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Nahum 3:6

Egitsivigijomârpagillo maᴋojungnartomik, naggonartitsomârlutillo, annusingorsautiksangortilutillo.

Mâlaki 2:3

Ahâk, karngasûtit inerteromârpakka ilipse pivluse, aᴋtarnerlukuniglo siamartitsijomârpunga kênapsingnut, tagva aᴋtarnerlukunik neliuneᴋsiorvipsingnit pijunik; aularutijaulârposelo tâpkoa ilagilugit.

Mâlaki 2:8

Ilipsele apᴋosineᴋ ᴋemakpase; unuktut naukiutitilauᴋpase perᴋojane; angerutigijaᴋ Lêvimut asserorpase, oᴋarpoᴋ Nâlegaᴋ Zebaot.

Lukase 10:29

Taimnale idluartôjorilerame, Jêsuse aperivâ: Kina inuᴋatigivigô?

Lukase 11:42

Kappianamêgle ilipse Farisêerit, tippitsiariksaullo makpatâvaillo sunatuinait tallimaujungit tunigapsigik, erᴋartuinerle (idluartok) naglingnerlo Gûdemik senerᴋopase (issumaginagiglo). Makkoa piniaraksarivase, ipkoalo iperarnagit.

Galâtsiamiunut 2:6

Ipkoale angajoᴋaunersaᴋutaujut ᴋanoᴋ ilingalaungmangâta sivorngagut, uvanga kamangilanga; Gûde inub tautuanik kamangimat. Angajoᴋaunersaᴋutaujut taipkoa ajoᴋertuinera illalaungilât.

Deuteronomy 1:17

Inûb kinauninga kamagijaksaringilase idluarsainerme; mikijok angijorlo adsigêktomik tusaraksarivase; sivôrajuksaungilase inûb kênanganik, idluarsaineᴋ Gûdib pigingmago; pitjutillo oᴋumaigijase uvamnut ᴋaitaksarivase, tusaromavakkalo.

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.