Mâlaki 2:4 - Labrador Inuttitut Heritage Bible

⁴ Missigijomârpose tagva perᴋojaᴋ tamanna tiligapko ilipsingnut, angerutigijara Lêvimut ilingaᴋovlugo, oᴋarpoᴋ, Nâlegaᴋ Zebaot.

Mâlaki 2:4 Iomraidhean Croise

I Atannit 22:25

Micha oᴋarpok: Ahâk takkojomârpat uvlorme taipsomane, innimit atautsemit ᴋemâᴋattarniaruvit asianut ailutit, ijerlutit.

Nehemia 13:29

Issumagikit Gûdîk ajoᴋertuinerôniub ivsornartitauninga pivlugo, ajoᴋertuijullo Levitillo angerᴋattigêngningata sujuktauninga pivlugo.

Jesaiase 26:11

Nâlegaᴋ, aggatit ᴋotsingmatta, takkungilait; takkojomârpulle illungertornernik inuᴋotitit pivlugit kangusuktitauvlutiglo; illa ikkomamut ômigijitit nungutaujomârput.

Jesaiase 27:9

Taimaimat Jâkob idluitoᴋsôningit tamattomûnaluatsiaᴋ mattujauvut, tamadjalo ajortoerutijauningata malliktingit, tunerguservît ujaraᴋtangit tamaita illingatitsomârmagit ujarᴋatitut serᴋalimajutitut, Astartingoallo napajullo seᴋinermut tagvanẽtsungnairtillugit.

Jeremia 28:9

Nalautaijoᴋ ulapirᴋsaumik nalautaijuteᴋartoᴋ, nalautaijub tâpsoma oᴋausinga nalautsilerpat, nalautaijoᴋ tâmna ilitarijaulârpok tilijaungmat nalâgut Nâlakamut.

Hesekiel 33:33

Tamannalo neliutilerpat, (ahâk, tikilerpoᴋ,) ᴋaujilârput tagva nelautaijoᴋ akunermingnêlaungmat.

Hesekiel 38:23

Angijôtidlaromârpungalo ivsornaitilungalo, uvamniglo ᴋaujijautitsomârpunga inôᴋatigêksuit unuktut ijingita sângine; ᴋaujijuksaulârpullo uvangaugama Nâlegaᴋ.

Hesekiel 44:7

Takorngartat, ômatikut kipimangitut, uvinikullo kipimangitut, itertigapsigik ivsornaitovimnut, igluga ivsornaijungnaitilugo, tunergusertiluse nerᴋiksamnik, orᴋsumiglo aungmiglo; tagva serᴋomitsineᴋ angerutigilauᴋtamnik ilautipase maᴋojungnartulinipsingnut tamainut.

Mâlaki 3:1

Ahâk, sivorlerijara tilivara, tâpsomalo apᴋutiksaᴋ âᴋiksolârpâ sivunamne: Nâlegarlo, ᴋenertase, tikiaᴋilârpoᴋ katimaviksoaᴋôtiminut: angiᴋatigêngnerub sivorlerijanga, ᴋuviagidlartase, ahâk, tâmna ᴋaivoᴋ, oᴋarpoᴋ Nâlegaᴋ Zebaot.

Numbers 18:2

ᴋatangutitittauᴋ, Levib kinguvângit, atâtagilauᴋtavît kinguvângit, ilagijaksarivatit, piᴋatigilutit piᴋovlugit, kivgartorᴋovlugillo ilingnik; igville ernitillo ilagilutit kigligiutjineᴋtaliub tupingata sânganêtuksauvose.

Numbers 18:21

Levikunullo ahâk Israêlikut perᴋutingita tellimaujungit tamaita kingormgutijaksautisimavakka, akkiksauᴋovlugit kivgartorninginut piniarnerijanginut ilagêktut tupingane.

Numbers 25:12

Taimaimat oᴋarit: Ahâk, tunitjivigivara angernimnik ulapirᴋsautelingmik;

Numbers 3:11

Nâlekablo Mosese oᴋarvigivâ, oᴋarlune:

Numbers 3:12

Uvanga Levikut tiguvakka Israêlib ᴋitorngangita akornganit, erniangoᴋârtut ilûnaita igliarmik angmaijut Israêlib ᴋitorngangine simerlugit; Levikut perᴋutigijomavakka;

Numbers 3:45

Levikut ingmigolingatikit Israêlib ᴋitorngangita erniangoᴋârtungit ilûnaita simerlugit, Levikullo nergjuteᴋotingit tâpkoa nergjuteᴋotingit simerlugit; Levikullo perᴋutaujuksauvut uvamnut; Uvangauvunga Nâlegaᴋ.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Lukase 10:11

Sanît aglât aktuajut uvaptingnut iglugasaksoapsingnit katerarpavut ilipsingnut; nelojungnaititauleritsele, Gûdib nâlegauvia ᴋanitapsingnut tikisimalaungmat.

Johannese 15:2

Akkerᴋut uvamnêtut ilûnnaita paungaᴋarpangitut pêjarniarpait; ilûnnaitalo paungaᴋarpaktut piungininginik pêjaiviginiarpait, paungaᴋarnersauᴋovlugit.