Mâlaki 2:10 - Labrador Inuttitut Heritage Bible

¹⁰ Atautsimik atâtaᴋangilagût ilûnatâ? Gudib atautsib pingortilaungilâtigût? Suna pivlugo nelâgôngituliᴋatigêkitâ, atâtapta angiᴋatigêngnerijangat asserorlugô?

Mâlaki 2:10 Iomraidhean Croise

Imgerut 100:3

Illitarksileritse Nâlegak Gudeôngmat. Tâpsoma sannalaukpâtigut, nangmineungitogullo, innuᴋotautiluta ingminut saugaᴋutautilutalo mianersinerminut.

Mâlaki 2:11

Jûda nelâgôngitulivoᴋ, maᴋojungnartorlo piniarutauvoᴋ Israêleme Jerusalemelo; Jûdab Nâlekab ivsornaitoviᴋotinga erdligijanga ivsornartingmago, gudingoablo takorngartab pania nuliarivâ.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Efêsusemiunut 4:6

Gûde atauseᴋ, Atâtagijavullo tamapta, tamainut tâmna Nâlegaujoᴋ, ilunapsigullo, ilupsingnêtorlo tamapse.

Jesaiase 63:16

Sullele igvit atâtagivaptigit; Abrahable ᴋaujimangilâtigut, Israêliblo illitaringilâtigut; igville, Nâlegaᴋ, atâtagivaptigit; piulijiptingnik — taimak atteᴋarpotit itsaᴋsoarnit.

Jesaiase 64:8

Mãnale, Nâlegaᴋ, igvit atâtagivaptigit; uvagut machauvogut, igvit machaliortigivaptigit; tamapta aggangnut sanajaumavogut.

Apostelit Piniarningit 7:26

Kaungmallo tikidlugit, maggok aivalertuk takogamigik, sorairᴋolerpak oᴋarlunelo: Nagliktâkka angutik, ᴋatangutigêkpotik; sôk iliptingnut idluitomik pivitîk?

Mattêuse 3:9

Issumaniarase, ilupsigut oᴋaromavluse: Abraha atâtagivavut. Oᴋautivapse: ujarᴋanit makkonangat Gûdib Abraha ᴋitorngititsungnarpâ.

Johannese 8:41

Atâtapse piniarningit piniarnerivase. Tagva oᴋautivât: Tamângainâgaungilagut; atautsemik atâtaᴋarpogut, Gûdemik.

Mattêuse 22:16

Ilinniartitigle tâpsomunga tilivait, Herôdesiblo kigvangit illautilugit, oᴋarlutiglo: Ajoᴋertuijok, okpernartôjotit ᴋaujimavaptigit, Gûdemullo apᴋotiksamik ajoᴋertuitsiartotit, inuillo sivôragingilatit, tâpkoa kinauningit kamaginginangne.

Mattêuse 10:21

ᴋatangutible ᴋatangutine toᴋomut pititsomârpâ, atâtablo ernine, ᴋitorngallo angajoᴋâtik ileratsautijomârpait, toᴋoᴋovlugillo.

Mâlaki 2:8

Ilipsele apᴋosineᴋ ᴋemakpase; unuktut naukiutitilauᴋpase perᴋojane; angerutigijaᴋ Lêvimut asserorpase, oᴋarpoᴋ Nâlegaᴋ Zebaot.

Mâlaki 1:6

Ernerub atâtane opigivâ, kivgablo angajoᴋâne: Uvanga tagva atâtauguma, nanekâ opigijaunerâ? Oᴋarpoᴋ Nâlegaᴋ Zebaot ilipsingnut, ajoᴋertuijôjose, attimnik naggojose. Oᴋarposelo: Sunakut attît naggogivitigô?

Hesekiel 33:24

Inûb erninga, ipkua nunaᴋartut Israêlib nunangata sunaᴋarungnaitungane oᴋarpakput: Abraha atausiolauᴋpoᴋ, nunalo kingormgutilauᴋpâ: uvagulle unuktôvogut; nunalo tunijauvoᴋ uvaptingnut kingormgutijaksautilugo.

Jesaiase 51:2

Abraha takonârsiuk atâtagijase, Sâralo illipsingnik ernijoᴋ! Attausiotillugo ᴋairᴋovara saimauserlugolo ᴋitorngaᴋartillugolo unuktunik.

Jesaiase 44:2

Imâk oᴋarpoᴋ Nâlegaᴋ pingortitit, anânavit timinganit pairijit, ikajortit: Sivoraniarnak, kivgara Jâko, Jessuru (Israêle) anerijara.

Jesaiase 43:15

Uvanga Nâlegauvunga, ivlernartitoᴋ akkonapsingne, Israêlemik pingortitsijoᴋ, attanise.

Jesaiase 43:7

Illũnaita attimnik taijaumajut, pingortitakka nertortaujutiksamnut, âᴋiksortakka, sanajakka.

Jesaiase 43:1

Manale, imâk oᴋarpoᴋ Nâlegaᴋ, pingortitit, Jâko, sanajit, Israêle: Sivoraniarnak, piuligapkit, attit taivlugo ᴋairᴋogapkit, perᴋutigigapkit.

Hiobe 31:15

Tâpsoma sanalaungiᴋauktauk sanalauktima anânab timingane? Sanalaurivâlo timib illuane taimaluatsiamik?

Nehemia 13:29

Issumagikit Gûdîk ajoᴋertuinerôniub ivsornartitauninga pivlugo, ajoᴋertuijullo Levitillo angerᴋattigêngningata sujuktauninga pivlugo.

Josua 24:3

Tagva Abraha atatagijase tigulaukpara koksuit akkiane, arvertarᴋolugolo nuname Kanaaneme illunane, unnuksitilugillo kinguvangit, tunitsivigilaukparalo Isaangmik.

Exodus 19:5

Mânnalo nipiga nâlagomagupsiuk nalâgut, angerutigalo nalautsitilugo, tagva pivianartoᴋutiksaunersaulârpose adseogase uvamnut inungnit tamainit: tagva nuna ilûnât pigivara:

Ebrêerinut 12:9

Atâtagijavut timiptigut sugiartigilauraptigik ileragilugillo, tagva piluartomik tarnib atâtanga nâlegaksaringilavût, inôᴋovlutâ?

I Tessalônikamiunut 4:6

Neliselo ᴋatangutiminik oᴋumaititsitailile uivêrinagolo sumut; Nâlegaᴋ tamakkoninga tamainik akkiniarteongmat, sôrlo oᴋarvigilaurapse ipsomane kigligiutigivlugo.

Efêsusemiunut 4:25

Taimaimat sagluneᴋ iperarlugo mikseᴋârnermik oᴋauseᴋaritse, ilûnase atunit inuᴋatipsingnut; avatauᴋatigêkapta.

Rômiunut 9:10

Tamannainarle pivlugo taimaingilaᴋ; Rebekkaletauᴋ singaijaungmat atautsemit Isaamit atâtaptingnit,

Rômiunut 4:1

Kanorle oᴋartuksauvitâ atâtagijaptingnik Abrahamîk? sumik uvinikut nagvâlauᴋâ?

Apostelit Piniarningit 17:25

Inuit agganginuttauk kivgartortaujariaᴋangilak, sumik ajoᴋsartotut; nangminek tamaita inôtingmagit anerneᴋalertilaitalo, piksanginiglo tamainik tunitjivigingmagit.

Apostelit Piniarningit 7:2

Oᴋarporle Stefanuse: Angutiojose, ᴋatangutigêktose atâtaujoselo, nâlagitse! Gûde ânanaujotuak takotipok ingminik atâtaptingnut Abrahamut, sule Mesopotâmiamêtilugo, Haraneme nunaᴋalauᴋârtinago.

Johannese 8:56

Âbrahâ atâtase ᴋuviasulerpok, uvluksamnik takojuksaugame; takogamiuglo ᴋuviasulerpok.

Johannese 8:53

Anginersauvêt atâtaptingnit Âbrahamit toᴋolauᴋtomît? nelautaijullo toᴋolaurivut. Ilingnik sunautipêt?

Johannese 8:39

Tagva kiovât oᴋautivlugolo; Âbrahâ atâtagivavut. Jêsusib kiovait: Âbrahâb ᴋitorngarikpase, Âbrahâb pinialauktangit piniarajarivase.

Lukase 3:8

Attê, kiglilingmik sâgiarluse ablatsâmik issumaᴋaritse! issumaniarase, ilupsigut oᴋaromavluse: Abraha atâtagivavut. Oᴋautivapse: ujarᴋanit makkonangat Gûdib Abraha ᴋitorngititsungnarpâ.

Lukase 1:73

Oᴋarmaringnine, angernerilauktane Abrahamut atâtaptingnut imaitok: tunitjivigijomâramitigut,

Apostelit Piniarningit 17:24

Gûde silaksoarmik pingortitsijok pinginiglo tamainik, Nâlegaugame ᴋilangmullo nunamullo, katimaviksoarne aggangnut sanamajune iniᴋangilaᴋ;

Apostelit Piniarningit 17:26

Inugasaksuillo kinguvângoᴋatigêt tamaita pingortilaukpait aungmit atautsemit, nunaksoak ilûnât inuᴋalertilugo, sivorngagullo isumasimatigivait naliuningita sivitujariangit, ᴋanorlo ᴋaningitigijomut nunaᴋariangit;

Exodus 19:4

Egiptenemiunut piniarnerijakka takolaukpase, ᴋanorlo nangmarapse naktoralît esarᴋunginut, tikiutitiluselo uvamnut.

Exodus 24:3

Mosesiblo inuit oᴋautijartorpait Nâlekab oᴋausinginik tamainik, maligaksaniglo tamainik; inuillo ilûnnatik nipemut atausermut kiovut, oᴋarlutiglo: Nâlekab oᴋauserijangit tamaita piniaromavavut.

Exodus 24:7

Angerᴋatigêngnerublo aglangit tiguvait atuarsivlunelo inuit tussâtilugit: tâpkoalo oᴋarput: Nâlekab oᴋauserijangit tamaita piniaromavavut, nâlagomavlutalo.

Jeremia 31:9

Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.

Jesaiase 64:7

Attit taivlugo tuksiartoᴋalungilaᴋ pinasuartomiglõnêt tigujomavlutit, kênat ijerangne uvaptingnut, pitilluta idluinipta pitsartuningannut.