Mâlaki 1:9 - Labrador Inuttitut Heritage Bible

⁹ Taimaimat mâna Gude ᴋenuvigisiuk nâpkiniᴋovlugo uvaptingnik; tamanna ilipsingnit pisimangmat; tâpsoma nelisê ilaliorniarᴋaûk? Oᴋarpoᴋ Nâlegaᴋ Zebaot.

Mâlaki 1:9 Iomraidhean Croise

II Kronika 30:27

Ajochertuijullo Levitillo nikkovilerput saimartilaitalo innugasaksuit, nippingallo tussartaulaukpok, tuksiarningallo tikkilerpok takpaunga innigijanganut ivsornaitomut ᴋillangmut.

Exodus 32:11

Mosesiblo Nâlegak Gûdine ᴋenuvigidlarpâ, oᴋarlunelo: Nâlegak, suna pivlugo ningaumajârnît ônarsivâ inuᴋotingnut, tikiutijarnut nunamit Egiptenemit pitsartunermut angijomut, aggangnullo sôngodlartunut?

Jeremia 26:19

Hiskiab, Judab ataningata, Judablo inungita ilûnatik toᴋolauᴋpatsûk? Nâlagaᴋ sivôragilaungilaûk, Nâlakablo saimaninga ᴋenuarilugo, Nâlakablo ᴋaᴋᴋialerutigilaungilaûk idluineᴋ oᴋautigilauᴋtane piniaromavlugo tâpkonungâ? Taimaglo tarnivut idluitulivigidlarajarpavut.

Jeremia 27:18

Nalautaijôgunigle, Nâlakablo oᴋausinga tâpkonanêkpat, tagva Nâlagaᴋ Zebaot ᴋenuvigilitsuk, perᴋutit Nâlakab iglunganêtut, Judablo ataningata iglunganêtut, Jerusalemelo amiakôjut, Babilonemut perᴋonagit.

Jeremiab Ogguarutigijangit 2:19

Makigit, nipliadlarit unnuarme, pigârvît neliutilerningine; ômatît koviuk imektut Nâlekab kênangata sângane; aggaktit ᴋongmuartikit tâpsomunga sorusearsuvit, apᴋosineâluit ilûnatik issungine perlertut, inôsingit pivlugit.

Joel 2:12

Sullele, sulle, oᴋarpoᴋ Nâlegaᴋ, sâgiaritse uvamnut ômamut tamânut, nerritailivluse, ᴋeavluselo, kiksarluselo;

Joel 2:17

Ajoᴋertuijut, Nâlekab kivgangit, ᴋugviorlit torᴋsukattâb tunerguserviublo akorngangne, oᴋarlillo: inuᴋotitit naiperᴋutigilaukit, Nâlegaᴋ, kingormgutijatillo tuniniarnagit mitautiksauᴋovlugit, inôᴋatigêksuit nâlegauᴋonagit tâpkonunga: sôᴋ inôᴋatigêksuit akorngane oᴋartoᴋartuksauvâ: Gudingat naûk?

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Johannese 9:31

ᴋaujimavogulle, Gûdib idluitulijut tusangimagit; Gûdemigle opigosuktoᴋarpat, pijomajanganiglo piniartok, tâmna tusarpâ.

Rômiunut 2:11

Inûb tautua Gûdeme atungimat.

I Pêtrusib 1:17

Atâtalo nipliavigigapsiuk, inungnik adsigêngititsinane erᴋartuijoᴋ, ilûnainigle piniarningit maliklugit, tagva arvertaritse kuksasukluse nunamênipsingne.