Mâlaki 1:6 - Labrador Inuttitut Heritage Bible

⁶ Ernerub atâtane opigivâ, kivgablo angajoᴋâne: Uvanga tagva atâtauguma, nanekâ opigijaunerâ? Oᴋarpoᴋ Nâlegaᴋ Zebaot ilipsingnut, ajoᴋertuijôjose, attimnik naggojose. Oᴋarposelo: Sunakut attît naggogivitigô?

Mâlaki 1:6 Iomraidhean Croise

Imgerut 123:2

Ahâk, sorlo kivgat angutit ijingita angajôᴋamik aggangit kamagingmagit, sorlolo kivgat arnat angajoᴋâmik aggangit kamagingmagit: taimak ijivut Nâlekamut Gûdiptingnut takkonârput saimarviᴋaᴋârtinago uvaptingnik.

Exodus 20:12

Atâtangnik anânangniglo nâlaktuksauvotit: akkunêrtomik inôniarᴋovlutit nuname Nâlekab Gûdivit tunijangane ilingnut.

Salomob Okâl 17:6

Inutoᴋaujut erngutatitik niaᴋotiksarivait, sorrutsillo atâtatik nertornautigivait.

Salomob Okâl 30:11

Inuᴋarpok atâtamingnik oᴋarnerluktunnik, saimarsaijuitunniglo anânamingnik;

Salomob Okâl 30:17

Ije atâtaminik alleᴋuteᴋartok, Nâlengnermiglo anânaminik nachojok, tâmna tullukat kongme pêraksarivât, nektoraliarkallo nerrijaksarivât.

Jesaiase 1:2

Kilait tussaleritse! nunalo kamatsialerit! Nâlegaᴋ oᴋarmat: Kitornganik inugoigalloarpunga nertornartitsivlungalo, tâpkoale tunnupânga.

Jesaiase 43:23

Kaitsilungilatit uvamnut saukkanik tunergutingnik õtaksanik, tunergutingnullo toᴋotaksanut nertorlungilarma; pagvisâlungilagit, tunergutit nerᴋiksat (pijomavlugit), siorniortilungilagit, (kutsoᴋ) tippitsiariksautiksaᴋ (pijomavlugo.)

Jesaiase 45:10

Kappianarmêk atâtaminut oᴋartoᴋ: Sôᴋ kinguvâksarsiorᴋêt? anânaminullo: Sôᴋ ernivêt?

Jesaiase 64:7

Attit taivlugo tuksiartoᴋalungilaᴋ pinasuartomiglõnêt tigujomavlutit, kênat ijerangne uvaptingnut, pitilluta idluinipta pitsartuningannut.

Jesaiase 64:8

Mãnale, Nâlegaᴋ, igvit atâtagivaptigit; uvagut machauvogut, igvit machaliortigivaptigit; tamapta aggangnut sanajaumavogut.

Jeremia 23:11

Tagva nalautaijut ajoᴋertuijullo nalangaidlarput; ila, iglumne nagvârlauᴋpunga idluininginik, oᴋarpoᴋ Nâlagaᴋ.

Jeremia 3:4

Mânamit ᴋaigarsugvigijomangilarmâ: Atâtaᴋ, inôsungnimne tasiortigilauᴋpagît?

Jeremia 31:9

Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.

Jeremia 35:16

Jônadable, Rîkabib erningata erningit piniarmatta atâtamik perᴋojanganik perᴋojijutigilauᴋtanganik tâpkonunga, inuille ukkua nâlalungimanga;

Hesekiel 22:26

Ajoᴋertuijungita perᴋojakka idluiliorvigivait, ivsornaitoᴋotikkalo ivsornaijungnaitipait: ivsornaitullo ivsornaingitullo adsigêngitilungilait, inôᴋatitiglo ajoᴋertulungilait adsigêngititsijuksaungmatta ivsornaituniglo ivsornaingituniglo, sabbatimnullo ijitik mattuvait, uvangalo ivsornaijungnaititauvunga tâpkoa akorngane.

Hosea 12:8

Efraimelo oᴋarpoᴋ: Akluipunga atso, akluinermik nagvârpunga; piniarnimne tamaine idluinermik ajorniojomik nagvârtoᴋarniangilaᴋ uvamne.

Hosea 4:6

Inuᴋotikka asserortauvut ilisimaneᴋanginamik; ilisimaneᴋ ajaktorangne, uvangatauᴋ ajaktoromagivagit, uvamnut ajoᴋertuijôᴋonak; Gudivît perᴋojangit puigorangne, uvangatauᴋ puigoromagivunga ᴋitorngarnik.

Hosea 5:1

Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.

Leviticus 19:3

Ilûnase atunit ilerasuktuksauvose anânapsingnik atâtapsingniglo, sabbateᴋotikkalo ivlerilugit; Uvanga Nâlegauvunga Gûdise.

Sefania 3:4

Nelautaijoᴋotingit ᴋuksalaiput tunganailutiglo; ajoᴋertuijoᴋotingita ivsornaitovik sujukpât, perᴋojallo mumikpait.

Mâlaki 2:1

Mânalo, ilipse ajoᴋertuijôjose, perᴋojaᴋ tamanna ilipsingnut ilingavoᴋ.

Mâlaki 2:10

Atautsimik atâtaᴋangilagût ilûnatâ? Gudib atautsib pingortilaungilâtigût? Suna pivlugo nelâgôngituliᴋatigêkitâ, atâtapta angiᴋatigêngnerijangat asserorlugô?

Mâlaki 2:8

Ilipsele apᴋosineᴋ ᴋemakpase; unuktut naukiutitilauᴋpase perᴋojane; angerutigijaᴋ Lêvimut asserorpase, oᴋarpoᴋ Nâlegaᴋ Zebaot.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mattêuse 15:4

Gûde perᴋojijok: Atâtangnik anânangniglo nâlektuksauvotit; atâtaminulle anânaminullo oᴋarnerluktok, toᴋotaksauvok.

Mattêuse 15:6

Tamattomunga atâtaminik anânaminiglônêt nâlektailitipase; taimaglo Gûdib perᴋojangit atortaujungnaitipase, ilusekulluit pivlugit.

Mattêuse 19:19

Atâtangnik anânangniglo nâlektuksauvotit. Inuᴋatingniglo iliktut nagliktuksauvotit.

Mattêuse 6:9

Taimâk pivlugo imâk tuksiaritse: Atâtavut ᴋilangme! Attît nertortaule.

Mattêuse 7:21

Ilûnatiungitok uvamnut oᴋartut: Nâlegak, Nâlegak! Nâlegauvingmut ᴋilangmêtomut iterniarput, Atâtamale ᴋilangmêtub perᴋojanginik nâlektut kissimik.

Markuse 10:19

Perᴋojat ᴋaujimagalloarpatit: Nuliarêngnermik asseroijuksaungilatit. Inuartuksaungilatit. Tigliktiksaungilatit. Kigliluktomik oᴋautigijaᴋartuksaungilatit. Akkilênerluktuksaungilatit. Atâtallo anânallo nâlekik.

Markuse 7:10

Môsese oᴋarmat: Atâtangniglo anânangniglo nâlektuksauvotit; atâtaminulle anânaminullo oᴋarnerluktoᴋ toᴋotaksauvoᴋ.

Lukase 10:29

Taimnale idluartôjorilerame, Jêsuse aperivâ: Kina inuᴋatigivigô?

Lukase 18:20

Perᴋojat ᴋaujimagalloarpatit: Nuliarêngnermik asseroijuksaungilatit. Inuartuksaungilatit. Tigliktuksaungilatit. Inuᴋatitit saglotigivlugit oᴋartuksaungilatit. Atâtangnik anânangniglo nâlektuksauvotit.

Lukase 6:36

Tamanna pivlugo nâpkinigitse, sôrlo Atâtase nâpkiniktôngmat.

Lukase 6:46

Sôk Nâlekamik, Nâlekamik taivisingâ, nâlengnagillo oᴋausikkâ?

Efêsusemiunut 6:2

Atâtallo anânallo nâlekik; tamadja perᴋojaᴋ sivorliojoᴋ, angersimanelik (imâk):

Deuteronomy 1:31

Sunaᴋajuitomelo, takovigijarne Nâlekab Gûdivit nangmarmatit, sorlo angutib ernine nangmarmago, apᴋome ingergarvigijarne nâvlugo, tikiutiᴋârtinak tamaunga.

Deuteronomy 32:6

Nâlegak taimak akkiniarᴋisiûk, ilipse inôjose silaitose ilisimaneᴋangitoselô? Tâmna atâtagingipisiûk pisiarijît? Pingortipâtit tungatilutillo.

Deuteronomy 5:16

Atâtangnik anânangniglo nâlektuksauvotit, sorlo Nâlekab Gûdivît perᴋongmatit; uvlutit sivitoᴋovlugit, inôtsialuarᴋovlutillo nuname Nâlekab Gûdivît tunijangane ilingnut.

I Pêtrusib 1:17

Atâtalo nipliavigigapsiuk, inungnik adsigêngititsinane erᴋartuijoᴋ, ilûnainigle piniarningit maliklugit, tagva arvertaritse kuksasukluse nunamênipsingne.