Mâlaki 1:4 - Labrador Inuttitut Heritage Bible

⁴ Edome oᴋaraloarpat: asserorsimavogut, uteromavogulle serᴋomakut âᴋiksoromavlugit; imâk oᴋarpoᴋ Nâlegaᴋ Zebaot: tâpkoa âᴋiksoilârput, uvangale oggotitsilârpunga: inuillo tailârpait: kiglemik idluilinermik, inôᴋatigêniglo Nâlekab ningarînartanginik.

Mâlaki 1:4 Iomraidhean Croise

Hiobe 12:14

Ahâk tâmna serᴋomitsilerangat, tagva sananasuarnek sulitsengilak; tâpsoma kina pallangairutijarangago, kinalônêt pallangairutjarijungnangilak.

Hiobe 34:29

Tâmna ullapirsauteᴋartitsileraikpat, kina tagva Passiklerungnarᴋa? Tâpsomalo kênane ijerangago, kia Takkojûngnarᴋaûk? Inûᴋattigêksuit illuitut pivlugit pikpallônêt, inuglonêt atausek pivlugo.

Hiobe 9:4

Sillatôvok sôngudlarlunelo; kina nalliutut nalliane sulilauralloarᴋâ, akkerartulauktok tâpsomunga?

Imgerut 127:1

Nalekab iglo sannangipago, tagva sullinatik sannavut sannanasuartut tâpsominga. Nâlekab iglugasaksuit sappumijarlungipagit, tagva pigârte sullinane pigârpok.

Imgerut 137:7

Nâlegak Edomiut ᴋittorngangit erᴋaivigikit Jerusalemib uvlunganik, oᴋartut: Pêrmariklît, pêrmariklît, nungumarerᴋovlugit!

Imgerut 33:10

Nâlekab nallojut ᴋajusimaningit asserorpait, innuᴋattigêksuillo issumangit sangutipait.

Salomob Okâl 21:30

Ilisimanerlonêt, silatônerlonêt, kajusimanerlonêt sullitsengilat Nâlegak akkerartorlugo.

Jesaiase 10:4

Imâtuinaᴋ illiorungnaromârput: parngnanairsortaujut akkornganne okkungavlutik, toᴋotaujut akkorngannut kattaklutik. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 11:14

Filisterillo tuinginut tingijomârput ununga, illagêklutiglo kangillitik aᴋsâromârpait, Edomiterit Moabiterillo sãlagijaujomârput, Amoniblo kinguvângita nâlegarijomârpait.

Jesaiase 34:10

Unnuakullõnêt uvlokullõnêt ᴋammitaksaungilaᴋ, issinga ᴋongmuaromârpoᴋ soraijuidlune, kinguvângita kingorlinginut inniksaujungnairomârpoᴋ, attautsemiglõnêt pissuktoᴋaromângilaᴋ tagvûna issoᴋangitomut.

Jesaiase 34:5

Saviksoara ᴋilangme tallatotut illingavoᴋ; takkuitse, aᴋᴋaromârpoᴋ Edomemut nunaᴋatigêksoarnullo unertûtigijamnut sugiartauviksamut.

Jeremia 31:17

Nerriugijaksaᴋarpoᴋ kinguvâksarnut, oᴋarpoᴋ Nâlagaᴋ; ᴋitorngatillo uteromârput kigligijamingnut.

Jeremia 49:20

Taimaimat tusaritse Nâlakab atanertuinerijanganik, Edome pivlugo atanertuinerijanganik, kajusimanerijanganiglo Tîmanemiut pivlugit; sauᴋat mikiningita uniaromârpait, tâpsoma naternangit tataminiartitsomârpait tâpkoninga.

Jeremia 49:7

Edome pivlugo. Imâk oᴋarpoᴋ Nâlagaᴋ Zebaot: Têmaneme ilisimaneᴋarungnaiᴋâ? silatujut silatunêrutivât? ilisimaningat nipaᴋsimavâ?

Jeremia 49:8

Kemâtitse, sangugitse, pokitome ineᴋaritse, Dêdanemiojose. Esauib kapiasugviksanga tikiutitsomârapko tâpsomunga, uvamnut nalipsartauviksanga.

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Jeremiab Ogguarutigijangit 3:37

Kina oᴋarungnarᴋâ nelautsiniartomik, Nâlegak perᴋojingipat tamattomingâ?

Hesekiel 11:10

Saviksoarmut oggotiluselo erᴋartoromârpapse Israêlib kiglingane: ᴋaujijuksauvoselo uvanga Nâlegaugama.

Hesekiel 25:13

Tamanna pivlugo imâk oᴋarpoᴋ Nâlegaᴋ Nâlegaujoᴋ: Aggakka issagomârpakka Edomemut, kipisijomavungalo inungnik nergjutiniglo tagvangat: Têmanelo sunaᴋarungnaititsomârpara: aglât Dêdan tikidlugo saviksoarmut oggotitaujomârput.

Hesekiel 25:14

Akkiniarneralo ilijomârpara Edomemut inuᴋotima Israêlib agganginut: Tâpkoalo Edomeme piniaromârput ningaumajârnera ᴋaningaumajârneralo maliklugik: ᴋaujijuksauvullo akkiniarnimnik, oᴋarpoᴋ Nâlegaᴋ Nalegaujoᴋ.

Hesekiel 26:14

Kairtuînangortitsomârpagillo: issipterviksaujomârpotillo nulluanik; ᴋarmaliorviojungnairomârpotit kingorngane; uvangaujunga Nâlegaᴋ taimak oᴋarama, oᴋarpoᴋ Nâlegaᴋ Nâlegaujoᴋ.

Hesekiel 35:4

Iglugasaksoaᴋotitit asseroromavakka, sunaᴋarungnairomârpotillo; ᴋaujijuksauvotillo uvangaugama Nâlegaᴋ.

Hesekiel 35:9

Sunaᴋarungnairtitsomavagit soraijuitomik, iglugasaksoaᴋotitillo inuktaᴋarungnairomârput: ᴋaujijuksaulârposelo uvangaugama Nâlegaᴋ.

Amos 1:11

Imâk oᴋarpok Nâlegak: Idluitulinerit pingasut sitamallônêt pivlugit Edom pidlartautailititsomângilara; ᴋatangutine udlalaungmago saviksoarmut, iperaingmallo ilapsugosungnermik ilûnânik, ningarnerminelo aliktuitsainarmat, ningaumajârninelo sapkotailingmago;

Amos 3:15

Annaujomârpâkalo iglo okêvik iglolo aujivik; iglullo tôgâjamit sanamajut asserolârput, iglullo unuktut nungutaulârput, oᴋarpok Nâlegak.

Amos 5:11

Tamanna pivlugo aklujut tullerajarapsigik, aᴋsârapsigiglo sanaugaksanik: igloliorpose ujarᴋanik sanasimatsiartunik, inigijaksarilungilasele; perorsêviliorpose vaineliksatalingnik kajungernartunik, vainingalle imeraksaringilase.

Amos 6:11

Ahâk, Nâlegak perᴋojivok, iglolo angijok ᴋopaᴋadlaromârpok, iglolo mikijok annêneᴋaromârpok.

Amos 6:2

Kalnemut aileritse ulernairtuiluselo; tagvangallo Hamatemut angijomut ingeraritse; Gatemullo atersâritse Filisterit nunanganêtomut; tâpkoa pioluarᴋât nâlegauvingnit makkonangât? Miksângillo anginersauvât miksâpsingnît?

Obadia 1:1

Obadiab takotitjutigilauᴋtangit. Imâk oᴋarpoᴋ Nâlegaᴋ Nâlegaujoᴋ Edome pivlugo: Tusalauᴋpogut oᴋautsinik Nâlekamit, aᴋpârtorlo tilijauvoᴋ inôᴋatigêksuit akornganut, oᴋarpoᴋ: Makileritse, sorᴋsugvigijartorlavut.

Obadia 1:10

Idluitulinerilauᴋtatit nukarnut Jâkomut pitjutigivlugit kangusungnerub ulilârpâtit, kipijaulârpotillo issoᴋangitomut.

Mâlaki 1:3

Esauele ômigilauᴋpara, ᴋaᴋangillo inuᴋarungnaitilugit, kingormgutijangalo iniksangordlugo sunaᴋajuitûb ômajunginut.

Mattêuse 12:30

Uvamnik illaᴋaromangitub akkerartorpânga, katersoiᴋatigingitaralo siamartitsivok.