Lukase 8:3 - Labrador Inuttitut Heritage Bible

³ Johannalo, Kusab, Herôdesib pimaklertingata, nulianga: Susannalo, assingillo unuktut; taipkoa perᴋutimingnit tunijivut tâpsomunga.

Lukase 8:3 Iomraidhean Croise

I Kronika 29:14

Uvangale sunauvîk? Inuᴋotikkalo sunauvât, sappingituksaugapta tunnergutit taimaitut ᴋunnutuidluta tunnilugit? Illingnille pivut tamaita, aggangnillo tunnilaukpavut illingnut.

Jesaiase 23:18

Niuviangille piksarsiangillo tunergutaujomârput Nâlekamut; ᴋematullivingmut illijaujomângilat torᴋortaunatiglo, Nâlekable sângane inôjut pijomârput niuvianginik, nerᴋiksaᴋarᴋovlugit nãmaktomik annorâtsiaᴋarᴋovlugillo.

Mattêuse 14:1

Taipsomane Herôdese, nunab illainangane atanek tussaumalerpok Jêsusemik.

Mattêuse 14:3

Herôdesib Johannese tigulaungmago, ᴋelaksorlugolo, itertilugolo parngnanairsimavingmut, Herôdiase, nukame Filippusib nulianga pivlugo.

Mattêuse 14:6

Herôdese inûlervingminik uvloᴋsormat, Herôdiasib paninga oᴋigêserpok tâpkoa sângane. Tamanna Herôdesib ᴋuviagivâ.

Mattêuse 2:11

Iglomullo iterlutik, nutarârsuglo anânangalo naipipakit, pâmakterlutiglo tuksiarvigivât, perᴋutitiglo sakᴋerpait, pililâllo goldemik, tippitsiariksaumiglo kutsumiglo.

Mattêuse 20:8

Unnulermalle, perorsêviub vainiliksataliub inuata pimaklertokotine oᴋautivâ: Sanajut ᴋaiᴋolugillo akkilikit, pigialerillo kingorlermit sivorlek tikidlugo.

Mattêuse 25:40

Nâlekablo kioniarpait oᴋautivlugillo: Âhamarik oᴋaupapse: Ukkua ᴋatangutima mikinerojut ilangat sumik pitinapsiuk, tamattominga uvanga pilaukpapsinga.

Mattêuse 26:11

Aklujunik illaᴋatsainarpose; uvangale najortigitsainangilapsinga.

Mattêuse 27:55

Tagvanalo Arnaᴋarivok unuktunik, Jêsusemik maliksimajunik Galilêamit, kivgartulauktunik tâpsominga, alivasiktomit takunârtunik.

Lukase 24:10

Mariale Magdalêna, Johannalo, Marialo Jâkobusib anânanga assingillo, tagva arnat tamattominga oᴋartut Apostelinut.

Johannese 12:6

Taimâgle oᴋangilak aklujut isumagijomavlugit; tigliktôgamele, ikpiârsulijaramelo, neksalarmelo tunergutinik.

Apostelit Piniarningit 13:1

Antiochiamele ilagêktune nalautaijoᴋalaukpok ajoᴋertuijoᴋarlarmelo; tâpkoa tagva Barnabase, Simonelo, Nigeremik taijak, Luziuselo Zirênemiok, Manahenelo, Herôdesib ataniub inugoijaumaᴋatinga, Sauluselo.

II Korintemiunut 8:9

Nâlegapta Jêsusib Kristûsib saimarsautâ ᴋaujimagapsiuk, akluitoᴋsôgalloardlune aklulilaungmat pivluse, akluninganut akluititauᴋovluse.

Filippimiunut 4:22

Ivsornaitut ilûnatik salutipâse, ataniviksûble iglunganêtut piluardlutik.

I Timôteusemut 5:10

Piloriktoᴋutaungmijok ajungitulinermik, ᴋitornganik perorsailaurune, siniktarviogajuklune, ivsornaitut (okpertut) itiganginik ubvalauklune, ajoᴋsartuniglo pitsialauᴋlune, ajungitunik tamainik pinasualauklune.