Lukase 2:10 - Labrador Inuttitut Heritage Bible

¹⁰ Engeliblo oᴋautivait: Erᴋsinase, ahâk, ᴋuvianartoksoarmik oᴋautivapse silaksoarmiunut tamainut pilârniartomik.

Lukase 2:10 Iomraidhean Croise

Jesaiase 40:9

Zione, tussarnertunik oᴋâlajuksaujotit, majorarit ᴋaᴋᴋamut poᴋtojomut; Jerusaleme, tussarnertunik oᴋâlajuksaujotit, nippeᴋarit sôngojomik, nipliadlarit sivoranaglo; Jûdab iglugasaksoangit oᴋâlavigikit: Ahâk, tagga Gûdise!

Jesaiase 61:1

Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

Jesaiase 52:7

Kuvianartoᴋsôvut illa ᴋaᴋᴋane oᴋalloriktut ittigangit, ullapirsaumik oᴋâlajut, ajungitomiglo oᴋautjijut, piulijaunermiglo oᴋâlajut, Zionemullo oᴋartut: Gûdit attaniolerivoᴋ!

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Genesis 12:3

Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Mattêuse 14:27

Tuavidlunele Jêsusib oᴋarvigivait niplerlunalo: Maksualeritse, uvangauvunga, erᴋsinase.

Lukase 1:30

Engeliblo oᴋautivâ: Marîa erᴋsinak, saimartauniksarsivotit Gûdeme.

Jesaiase 41:27

Uvanga sivorliovlunga Zionemut oᴋarpunga: Ahâk, tagga! Jerusalemullo tussarnertunik oᴋâlajuksanik tunidjivunga.

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Apostelit Piniarningit 13:32

Uvaguttauk angersimanek atâtagijaptingnut pijok oᴋautigivavut ilipsingnut.

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Lukase 8:1

Mattoma kingorngagut arvertarpok iglugasaksoatigut iglugasaktigullo, oᴋautsit tussarnertut Gûdib nâlegauvinganik oᴋautigivlugit, ipkoalo 12 it illagivât.

Efêsusemiunut 3:8

Uvanga ivjornaitunit tamainit mingnerpângojunga, saimarsaumik tamattominga tunitsiviovunga, nalojunut oᴋâlaᴋovlunga Kristusib akluininganik inornartomik;

Lukase 1:19

Engeliblo kiovlune oᴋautivâ: Gabriêliovunga Gûdib sângane nangertunga, tilijauvungalo oᴋautjauᴋovlutit, tamattomingalo nalojungnaititauᴋovlutit.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Lukase 1:13

Engelible oᴋautivâ: Zacharîase, erᴋsinak, tuksiarnitit tussartauvut, nuliallo Elisabet ernijomârpok erniksarnik, taimna Johannesemik atseraraksarivat.

Markuse 1:15

Oᴋarlunelo: Neliutoᴋ neliusimavoᴋ, Gûdiblo nâlegauvia ᴋanitomut tikisimavoᴋ; ᴋaᴋialeritse oᴋautsillo tussarnertut okperisigik.

Jesaiase 49:6

Oᴋarporlo: Nãmangilaᴋ, kivgarigapkit kinguvarêt Jâkokkut makkitillugit torᴋortaumajullo Israêlikkunit uttertingmivlugit, ᴋaumaksaijungortipagittauᴋ nallojunut, piuliklerutigivlutit sillaᴋsûb kiglinganut.

Rômiunut 10:15

Kanorle oᴋâlaniarajarᴋât, tilijaungikunîk? Aglait imaimatta: Kuvianartoᴋsôvut ila taipkoa itigangit, ulapirsaumik oᴋâlajut ajungitomiglo oᴋautjijut.

Markuse 16:15

Oᴋautivaillo: Silaᴋsoarmut ilûnânut ainiaritse, oᴋautsillo tussarnertut oᴋautigisigik inungnut tamainut.

Mattêuse 28:5

Engelele arnângnut oᴋarpok: Erᴋsiniaratik, nalungilaptik, Jêsuse Nazarêmiok ᴋeneraptikko.

Daniel 10:19

Oᴋarporlo: Angut idligijaudlartotit, iᴋsiniarnak; ulapirᴋsautiᴋarit, sôngosilerit, ilâ, sôngosilirit. Oᴋarvigingmangalo pitsartutitauvunga, oᴋarpungalo: Nâlegara oᴋâlagit; pitsartutigamga.

Jesaiase 52:10

Nâlekab talline ivlernartoᴋ saᴋᴋertipâ, nallojut illũnamatsiatik tautuktillugit; sillaᴋsûblo issungit illũnatik Gûdipta piuliklerninganik takovut.

Lukase 2:11

Pivluse mâna piuliklerte Nâlegak Kristûse erniangongmat, Dâvidib iglugasangine.