Lukase 11:2 - Labrador Inuttitut Heritage Bible

² Oᴋautivaille: Tuksiarupse, imâk oᴋaritse: Atâtavut ᴋilangme! Atît nertortaule. Nâlegauvît ᴋailaule. Pijomajat piniartaule nuname sorlo ᴋilangme.

Lukase 11:2 Iomraidhean Croise

I Atannit 8:43

Tagva igvit tusarit ᴋillangme inneme, innigijarne, pinniarlutillo tamainik takkorngartab nipliarutigijanganik illingnut; inuᴋatigêksuit nunametut ilûnnatik illitarksilerᴋovlugit aternik, sivoraᴋovlugittauk illingnik, inuᴋotititut Israelititut, tukkisilerᴋovlugillo atit malliklugo iglo tamânna igloliolauktara taijaungmat.

II Atannit 19:19

Mannâle Nâlegak Gûdivut ikajorlauktiguttôk taipsoma agganginut, atanniovît nunamêtut ilunnamassiatik illitarksilerᴋovlugit, igvit Nâlegak Gûdetôgavit.

II Kronika 20:6

Oᴋarlunelo: Nalegak atâtagijapta Gudingat, igvit Gudeungilatît ᴋillangme, aulatsijolungilatîllo innuᴋattigêksuit illunamasiatik attanniovingine? Aggangnelo pitsartuneᴋarpok sôngoneᴋarlunelo, kialonêllo akkerartorungnangilâtit.

Imgerut 103:20

Nâlegak nertorsiuk, illipse Engeleᴋotingit, sôngojoksôjose, perᴋojanginnik pinniartose, oᴋausingita nippingat tussartauᴋovlugo.

Imgerut 108:5

Kangattarit Gûde ᴋillaub ᴋollânut, nertornarnîllo pile nunnannut illûnainut;

Imgerut 11:4

Nâlegak Tempeleᴋotiminêpok ivsornaitome; Nâlekab iksivautanga ᴋillangmêpok; ijigik tautukpuk, ijingminullo nautsertorpait Inuit ᴋittorngangit.

Imgerut 57:11

Gûde ᴋillaub ᴋollânut ᴋangattarit, opinarnîllo pile nunaksoarmut illunanut.

Okaluktok 5:2

Tuaviniarnak ᴋanernut, ômatillo tuaverᴋoniarnago, sunamik oᴋarlune Gûdib sângane; Gûde ᴋillangmêmat, igvillo nunamêpotit; tamanna pivlugo oᴋautsitit ikittôlit.

Jesaiase 63:16

Sullele igvit atâtagivaptigit; Abrahable ᴋaujimangilâtigut, Israêliblo illitaringilâtigut; igville, Nâlegaᴋ, atâtagivaptigit; piulijiptingnik — taimak atteᴋarpotit itsaᴋsoarnit.

Hesekiel 36:23

Ivsornaititsomârparalo atera angijoᴋ, inôᴋatigêksoarne ivsornartitaulauᴋtoᴋ, ilipse ivsornartilauᴋtase tâpkoa akorngane; inôᴋatigêksuillo ᴋaujijuksaulârput uvangaugama Nâlegaᴋ, oᴋarpoᴋ Nâlegaᴋ Nâlegaujoᴋ, ivsornaititauguma ilipsingne tâpkoa ijingita sângine.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Daniel 7:18

Kotsingnipângojûbli ivjornaitoᴋotingita ataniovik pigilârpât, piᴋutigitsainarlugolo, ilâ, issoᴋangitoᴋsoarmut aglât.

Daniel 7:27

Atanioviglo nâlegaunilo ataniovîllo angijôningit ᴋilaub ilûnani atâni tunijaujomârput ᴋotsingnipângojûb ivsornaitungita inunginut; tâpsoma ataniovinga atanioviovoᴋ issoᴋangitoᴋ, nâligaunirillo ilûnatik kivgartoromârpât nâlaklugolo.

Hosea 14:2

Oᴋausikka neksarsigik, uteritselo Nâlekamut, oᴋautisiuk: Ajornerit tamaita pêjalaukit, saimarsartigullo; taimaglo tunitjijomavogut ᴋangasinâpta paunganginik.

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Leviticus 22:23

Tuktuvaglônêt saugârsuglônêt avateᴋartok piusiolungitomik kingumaklertorlônêt avatime ilanganik, taimaitok tunijungnarpat tunergutiksautilugo pijârijomik; angermaringnermigle akkiliksairutiksautilugo nâmagijauniangilak.

Habakûb 2:14

Nunaᴋsoaᴋ tatatsomârmat ilitarᴋsinermik Nâlekab opinartoᴋsôninganik, sôrlo imaᴋsuit imarbik ulingmatsuk.

Mattêuse 10:32

Tamanna pivlugo, uvamnik oᴋausilik inungnut, oᴋautigijomavara Atâtamnut ᴋilangmêtomut.

Mattêuse 3:2

Oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.

Mattêuse 5:16

Taimâktauk nannergoase ᴋaumatisiuk inungnut, ajungitulinipsingnik takoᴋovlugit, Atâtase ᴋilangmêtok nakorijauᴋovlugo.

Lukase 11:1

Iniminelo tikitamine tuksiarpok. Sorairmallo, ilinniartingita ilangata oᴋautivâ: Nâlegak, tuksiarnermik ajoᴋertortigut, sorlo Johannesib ilinniartine ajoᴋertormagit.

Rômiunut 1:7

Rômamêtunut tamainut, Gûdib nagligijanginut ivjornaitunullo ᴋaiᴋojaumajunut: Gûdib Atâtapta Nâlekablo Jêsusib Kristusib saimarsautingata ulapirsautingatalo illagilisetôᴋ!

Rômiunut 8:15

Kivgaujotut anerneᴋartitaunginapse, ama sivôrariaᴋarluse, ᴋitorngaujotulle Anernermik tunitsiviovose, tapsomûna nipliavogut: Abba, Atâtak!

I Korintemiunut 1:3

Gûdib Atâtapta, Nâlekablo Jêsusib Kristûsib saimarsautingata ulapirsautingatalo illagilisetôk!

II Korintemiunut 1:2

Gûdib Atâtapta, Nâlekablo Jêsusib Kristûsib saimarsautingata ulapirsautingatalo illagilisetôᴋ!

Galâtsiamiunut 1:4

Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.

Efêsusemiunut 1:2

Gûdib Atâtapta, Nâlekablo Jêsusib Kristusib saimarsautingata ullapirsautingatalo illagilisetôᴋ!

Filippimiunut 1:2

Gûdib Atâtapta, Nâlekablo Jêsusib Kristusib saimarsautingata ullapirsautingatalo illagilisetôᴋ!

Filippimiunut 4:20

Gûdivulle Atâtavullo nâlengnarsile issoᴋangitomit issoᴋangitomut. Amen.

Kolossamiunut 1:2

Kolossamiunut ivjornaitunut, okpertunullo ᴋatangutigênut Kristûsemêtunut. Gûdib Atâtapta, Nâlekablo Jêsusib Kristûsib saimarsautingata ullapirsautingatalo ilagilisetôk!

I Tessalônikamiunut 1:1

Pauluse Silfânuselo Timôteuselo (aglakpogut) illagêktunut Tessalônikamêtunut, Gûdeme Atâtame Nâlekamelo Jêsuse Kristûseme. Gûdib Atâtapta, Nâlekablo Jêsusib Kristûsib saimarsautingata ullapirsautingatalo illagilisetôᴋ!

I Tessalônikamiunut 1:3

Issumagitsainarlugit piniarnise okpernermut, senaniselo naglingnermut, ᴋenuersârniselo nerriungnermut, Nâlegaptingne Jêsuse Kristûseme, Gûdib Atâtaptalo sângane.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 15:4

Kia kuksasugviginajangilâtît, Nâlegak, attît nakorivlugô? Kissivît hailigeojotôgavit. Nelojut ilûnatik tuksiariartorviginiarmatit, akkiniarnitit nelonairsimangmatta.

Takotitaunermik 19:6

Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.