Lukase 1:7 - Labrador Inuttitut Heritage Bible

⁷ ᴋitorngaᴋangilaglo, Elisabet ᴋitorngisuitôngmat, inutoᴋaulerdlutiglo tamarmik.

Lukase 1:7 Iomraidhean Croise

Genesis 17:17

Tagva Abraha pâmakterpoᴋ ᴋungalerlunelo, ômamigullo oᴋarpoᴋ: Angut 100nik jâreᴋartoᴋ ernertârtuksaugalloarᴋâ? Saralo 90nik jâreᴋartoᴋ ernijuksaugalloarᴋâ?

Genesis 18:11

Tamarmiglo Abraha Saralo inutoᴋaulerpuk jâreᴋadlarlutik, Saralo arnat ilusinganik atorungnairpoᴋ.

Genesis 25:21

Isaablo Nâlegaᴋ ᴋenuvigivâ nuliane pivlugo, ᴋitorngisuingmat. Nâlekablo tussarpâ, Rebekkalo nulianga singailerpoᴋ.

Genesis 30:1

Rahelele missigilerame ernilunginerminik Jakomut, angajune sinaungagivâ, Jakomullo oᴋarpoᴋ: Kitorngaᴋartinga. Pingikuvit toᴋolertuksauvunga.

I Atannit 1:1

Atannerlo Davide inutuᴋaugame, jâreᴋarlunelo unuktunik, aukanerungnarlaungilak, annorangnut ulliktaulauralloarmat.

II Atannit 4:14

Tamna (Elisa) oᴋarpok: Sunamigle pinniarviojungnarka? Gehasi oᴋarpok: Atso ila, erneᴋangilak, uingalo itôvok.

Lukase 1:5

Herodese nuname Judêame ataniotilugo, ajoᴋertuijoᴋalaukpok ajoᴋertuijôᴋatigêt ingmigolingajut Abiakut ilanganik, Zacharîasemik atilingmik; taipsoma nulinga Aronib paningita ilangat, Elisabetemik atilik.

Lukase 1:6

Tamarmigle idluarpuk Gûdib sângane, Nâlekablo perᴋojangit pijomajangillo tamaita nâletsiarpait.

Lukase 1:8

Taipsomane Zacharîasib ajoᴋertuijônine atoramiuk Gûdib sângane, (Abiakut) simêningat neliutingmat,

Rômiunut 4:19

Okpernermelo sangêlilugane timine issumagingilâ toᴋolertoᴋ, 100 inik jâreᴋakasagame, Sarablo timinga toᴋolertoᴋ (issumaginginivâ):

Ebrêerinut 11:11

Okpernermut Saratauᴋ pitsartutitaulerpoᴋ singailerdlune, ernivlunelo erniviksanga anigorsimajarêralloartilugo, okpernartônasugigamiuk tamattominga angilauᴋtoᴋ.

I Samuel 1:2

Nulliaᴋalaukporlo maggungnik, aipanga Hannamik attelik, aipanga Penninamik. Penninale ᴋittorngaᴋalaukpok, Hannalo ᴋittorngaᴋalaungilak.