Lukase 1:51 - Labrador Inuttitut Heritage Bible

⁵¹ Sôngogame, talerminut siamartipait ômatimingne piojorijut.

Lukase 1:51 Iomraidhean Croise

Genesis 11:8

Nâlekablo inuit tagvangat siamartipait nunanut tamainut, igloliorungnairpullo iglugasaksoarnik.

Genesis 6:5

Nalegarle takovoᴋ inuit uivêtoᴋsôninginik nuname, ômatingitalo issumangita sanajangit idluênarmatta ᴋaut tamât.

Genesis 8:21

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

Imgerut 118:15

Igiaᴋomijarnermut piulijaunek imgerutigijauvok idluartut iglunginne; Nâlekab tallerpia sâlaᴋatsainarpok.

Imgerut 33:10

Nâlekab nallojut ᴋajusimaningit asserorpait, innuᴋattigêksuillo issumangit sangutipait.

Imgerut 52:9

Issoᴋangitomut ᴋujagijomavagit, igvit pinialaurangne namaktomik; attîllo nerriugijomavara pivianadlarmat ivsornaitoᴋotivît sângine.

Imgerut 63:5

Tagva tarniga namaksinajarpok orksumut orksulingmullo sorlo, ᴋanneralo kangasinângnut ᴋuviasuktungnut nertordlerajarpok.

Imgerut 89:10

Igvit Rahabe serᴋalivat annaulertaumavlutik toᴋᴋotaumajutitut; igvit ômigijitit siamartipâttit tallernut sôngojomut.

Imgerut 89:13

Talleᴋarpotit sangijoksosoarmik; aggaktit pitsartovut, tallerpîllo poktovok.

Imgerut 98:1

Imgerusertamik Nâlegak imgervigissiuk, tâmna tattamnartullingmat. Sâlaᴋarpok tallerpingminut, tallerminullo ivsornaitomut.

Exodus 18:11

Mânna nalojungnairpunga Nâlegak anginersaungmat Gûdinit tamainit; pingijairᴋsârningine tâpsoma alliutivait.

Jesaiase 40:10

Ahâk, Nâlegaᴋ Gûde pitsartujoᴋsôvlune aggerpoᴋ, tallingalo ajugauvoᴋ. Ahâk, akkiliutiksaminik najorteᴋarpoᴋ, akkijutingalo sânganẽpoᴋ.

Jesaiase 51:9

Tupalerit, tupalerit, pitsartunermik attilaurit, Nâlekab tallinga igvit! Tupalerit sivornganetut, sôrlo itsaᴋsoaᴋ inôlauᴋtut akkornganne! Igviungilatît pingijaitomik sâlaᴋartoᴋ, ômajoâlungmik toᴋotsijoᴋ?

Jesaiase 52:10

Nâlekab talline ivlernartoᴋ saᴋᴋertipâ, nallojut illũnamatsiatik tautuktillugit; sillaᴋsûblo issungit illũnatik Gûdipta piuliklerninganik takovut.

Jesaiase 63:12

(Nanẽᴋâ) Môsesib tallerpiagut ingergatitsijoᴋ tallerminik nertornadlartomik, imaᴋsoarnik aviksijoᴋ taipkoa sânganne, erᴋaumanaromavlune issoᴋangitomut?

Jeremia 49:15

Ahâk, mikijôtilauᴋpagit inôᴋatigêksuit akorngane, naggonartilutillo inuit akorngane.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Rômiunut 1:21

Gûdeᴋartomik ᴋaujimagalloarlutik, nertornagolo ᴋujagilaunginamitsuk Gûdetut, issumamikut piungitoᴋsôlerput, ômatingillo silaitut tâᴋtoᴋsôlerput.

II Korintemiunut 10:5

Issumalungnerit asseroraptigik, ilûnaitalo piojorinerit akkerartortut Gûdemik illitarsinermut, erᴋarsautiâluillo tamaita parngnanairpavut Kristûsemik nâlektilugit;

Deuteronomy 4:34

Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.

Takotitaunermik 18:8

Tamanna pivlugo kappiagijangita uvluksame atautseme tikidlaromârpât, toᴋublo, kappianartublo, kângnartublo; otaudlarlunelo ikomamut nungutaujomârpok. Pitsartudlarmat Nâlegaᴋ Gûde tâpsominga erᴋartuiniartok.