Leviticus 8:3 - Labrador Inuttitut Heritage Bible

³ Ilagêllo ilûnatik katimatikit ilagêktut tupingata upkoangane.

Leviticus 8:3 Iomraidhean Croise

I Kronika 13:5

Taimâk Davidib Israelitit ilûnamasiangit katiᴋovait, Sihoremit Egiptenib (kônganit) Hemat tikkidlugo, Gûdib iklervinga ailugo Kiriat Jearimemit.

I Kronika 15:3

Davidiblo Israelitit ilûnamasiangit kattiᴋovait Jerusalemut, Nalekab iklervinga takpaungartilugo piᴋovlugit, inniksamut âkᴋiksortauᴋolauktanganut tamna pivlugo.

II Kronika 30:13

Innugasaksuillo unnuktut kattimalerput Jerusaleme uvloksiorvik ᴋaᴋᴋojanik sêrnaᴋangitunik uvloksioromavlugo, taᴋᴋib aipangane, illagêt unnuktovaksuit.

II Kronika 30:2

Attanniublo angajoᴋâᴋotine illagêllo illunaita kachimiolerᴋattigivait Passa attoromavlugo taᴋᴋib aipangane,

II Kronika 30:25

Kattimajullo Judakut, illunamasiatik ᴋuviasudlalaukput, ajochertuijut Levitillo, kattimajullo Israelitinit tikkimalauktut, tujormitjello Israelitit nunanganit tikkimalauktut Judamelo nunaᴋartut.

II Kronika 5:2

Tagva Salomob Israelitit angajoᴋangit illunaita, kinguvarêt angajoᴋaunerôjungit, atâtallo attanningit, kattiᴋovait Jerusalemut, Nalekab angerningata iklervinga âtauᴋovlugo takpaunga Davidib iglugasaksoanginit, tagva Zionemit.

II Kronika 5:6

Attannerlo Salomo, illagêllo Israelitit kattimalauktut tapsomunga, iklerviub sânganelaukput tunnijilutiglo tunergutiksanut saukanik, tuktuvangniglo, taimak unnuktigijunik, kittitaujungnarlaungimatta unnumut.

Nehemia 8:1

Takᴋillo 7ingat mânna tikkilermat, Israeliblo ᴋitorngangit iglugasaksoaᴋotimingnêmatta, inugasaksuit ilûêngarlutik katimalerput angutetut attautsetut sôrlo, apᴋosinerme silliktome immiub itterviksoangata sângane, oᴋarlutiglo Esramut, aglanik ilisimajomut, aiklerᴋovlugo Mosesib aglanginik perᴋojaktalingnik, Nâlekab Perᴋolauktanginik Israelitinut.

Imgerut 22:25

Nertordlernera illagêksoarne illingnit pivok. Angersimanikka nallautsititsomavakka, sivôrajut tapsominga sânginne.

Leviticus 14:11

Ajoᴋertuijûblo sujungaititsijûb tâmna sujungaititak, perᴋutillo tâpkoa pititaksarivait Nâlekab sânganut, ilagêktut tupingata sângane;

Leviticus 8:2

Aron erningillo ilagilugit tigukit, annorâllo, orᴋsôrlo mingoarutiksak, tuktuvâglo tunergutiksak ajoᴋêrutiksak, saugâglo angusâluk maggûk, amargaujarlo pubjusauteᴋangitomik niaᴋojaktalik;

Leviticus 8:4

Moseselo taimailiorpoᴋ sôrlo Nâlekab perᴋongmago; ilagêllo katimavut ilagêktut tupingata upkoangane.

Numbers 20:8

Ajaupiaᴋ tiguleruk, ilagêktoᴋsuillo katimatikit, igvit angajuillo Aron, oᴋarillo ᴋairtomut tâpkoa takkoane, saᴋᴋijârtitsiᴋovlugo imermik; tâpkonungalo saᴋᴋijârtitsiniarpotit imermik ᴋairtomit; taimaglo ilagêktoᴋsuit nergjuteᴋotingillo tunitjiviginiarpatit imiksamik.

Numbers 21:16

Tagvangallo aularput imeᴋtarvingmut, tamadja imeᴋtarvik Nâlekab oᴋautigijanga Mosesemut: Inugiartoᴋsuit katimatikit, tunitjivigijomavakkalo imermik.

Numbers 8:9

Levikullo saᴋᴋertitaksarivatit ilagêktut tupingata sângane; ilagêktullo Israêlikut iluengartut katimatitaksarivatit;

Apostelit Piniarningit 2:1

Penteᴋostiblo uvlunga naliutingmat, ilûnatik, adsigêktomik isumaᴋarlutik katimalaukput.