Leviticus 7:18 - Labrador Inuttitut Heritage Bible

¹⁸ Tunergutingatalo ᴋujaliutiksab tunergusertaujûb nerᴋingata ilanga nerrijaukpat uvlut pingajuane, nâmagijaunialungilak, tunergusertûblo idluarsijutiginialungilâ; maᴋᴋojungnautauniarpoᴋ, nerrijûblo tâpsominga idluitulinine nangmalârpâ.

Leviticus 7:18 Iomraidhean Croise

Salomob Okâl 15:8

Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.

Jesaiase 65:4

Illuverne inniksaᴋartut, ᴋairosungne siniktartômajut, kuingêngevinermik nerrijut, allupsaᴋartut maᴋojungnartomik ukkosimingne,

Jesaiase 66:3

Tuktuvangmik toᴋotsijoᴋ inuartotut-ipok; saugamik tunergusertoᴋ ᴋingmermik ᴋimitsijotut-ipoᴋ; nerᴋiksarnik tunergusertoᴋ tunergusertotut-ipok kuingêngib aunganik; tippitsiariksaumik tunergusertoᴋ nertordlertotut-ipoᴋ piungitomik (Gudingoarmik.) Sôrlo taipkoa apᴋutitik aneringmagit (issumamingnik), sôrlolo tarningita maᴋojungnartut ᴋuviagingmagit,

Jeremia 14:10

Imâk Nâlagaᴋ oᴋarpoᴋ inôᴋatigêksoarnut tamakkonunga: Taimak angitigijomik namuttuinak arvertaromadlarput; itikatik noᴋangatitsomangilait; taimaimat Nâlakab pijomangilait; mânale idluituliningit erᴋaumajomavait, nâmangituliningillo sugiaromavait.

Jeremia 14:12

Nerritailijarangata, tusaromangilanga ᴋaigarsungninginik; tunerguseruniglo ôtaksanik nerᴋiksaniglo, ilalioromangilakka; nungutsomavakkale saviksoarmut, kângnartoᴋsoarmullo, nusilingnartomullo.

Hesekiel 18:20

Tarne idluitulijoᴋ toᴋojuksauvoᴋ: ernerub atâtame idluituliningit nangmaraksaringilait, atâtablônêt ernerub idluituliningit nangmaraksaringinivait; idluartûb idluarninga tâpsomanêtuksauvoᴋ, idluitulijûblo idluininga tâpsomanêtuksauvoᴋ.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Leviticus 10:17

Suna pivlugo tunergut ajoᴋêrutiksak nerrilungikisiûk ivsornaitovingmê? Ivsornaitoksôdlarmat, ilipsingnullo ilingatilaungmago ilagêt idluituliningit erᴋsugaksarigapsigik, ulapirᴋsarlugillo Nâlekab sângane.

Leviticus 10:19

Aroniblo Mosese oᴋautivâ: Ahâk, uvlome tunergusilauᴋput tunergutimingnik ajoᴋêrutiksamik tunergutimingniglo ôtaksamik Nâlekab sângane; pijokartullo tamakkoa tikipânga; tunergullo ajoᴋêrutiksak nerrilaurupko uvlome ᴋuvianarajalauᴋâ Nâlekab takkoanê?

Leviticus 11:41

Pamgortullo nuname ilûnatik maᴋojungnarput; nerrijaujuksaungilat.

Leviticus 17:16

Annorânele ergortulungipagit, ubvalungipallo nangminerminik, nangmalârpok idluinerminik.

Leviticus 19:5

Tunerguseromagupselo tunergutiksamik ᴋujaliutiksamik Nâlekamut tunijaksarivase nâmagijauᴋovluse.

Leviticus 20:17

Angutiblo najarne, atâtame paninga, anâname paningalônêt, tigukpago, kangunarningalo takolugo, tâpsomalo tâpsoma kangunarninga takopago; kangunadlartoksôvok; pêjartaujuksauvûk tamarmik inôᴋatimik ᴋitorngangita takkoane; najarme kangunarninga ulêrpâ; nangmartuksauvok idluinerminik.

Leviticus 20:19

Ulêrsijuksaungilatillo ajavit adsavillônêt kangunarninganik; ilaluatsiarijanga ussingatingmago; idluinitik nangmaraksarivât.

Leviticus 22:16

Idluitulinermingnut pidlaraksautiᴋonagit nangminermingnik nerrigunik ivsornaitunik; Uvangaugama Nâlegak ivsornaititsijok tâpkoninga.

Leviticus 22:23

Tuktuvaglônêt saugârsuglônêt avateᴋartok piusiolungitomik kingumaklertorlônêt avatime ilanganik, taimaitok tunijungnarpat tunergutiksautilugo pijârijomik; angermaringnermigle akkiliksairutiksautilugo nâmagijauniangilak.

Leviticus 22:25

Taimaitullo nalianit tunitijijuksaungilase nerᴋiksamik Gûdipsingnut takorngartab aggangitigut; ilumiᴋarmatta nâmalungitomik, ᴋanoêtoᴋarmatta ingmingne; nâmagijauniangilat pivluse.

Leviticus 5:17

Idluitulijoᴋarpallo, piniarlune Nâlekab inerterutingita nallînik: nalogaloarlune, pasijaksauniarpok, idluitulininalo nangmaraksarivâ.

Leviticus 7:19

Nerᴋelo aktuajok ivsornartomik nerrijaujuksaungilak; ikomamut nungutaujuksauvok. Ivsornaitut ilûnatik nerrijuksauvut nerᴋemik mattominga;

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Mâlaki 1:10

Kanoᴋtôᴋ atausiublônêt akunapsingnit upkoat parngnanairsorajarpagit, sulinase ikoâlasaiᴋonase tunerguservimne! ᴋuviagilungilapse, oᴋarpoᴋ Nâlegaᴋ Zebaot, tunergutiniglo nerᴋiksanik pijomangilanga aggapsingnit.

Mâlaki 1:13

Oᴋarposetauᴋ: Merngortornadlarpoᴋ ilâ! Suglugivaselo, oᴋarpoᴋ Nâlegaᴋ Zebaot; ᴋaitsivoselo aᴋsârnigaujunik, tusiaktuniglo, ᴋanimajuniglo; tunergutiksanik taimaitunik ᴋaitsivose; ᴋuviaginiarpakkâle taimaitut aggapsingnît? Oᴋarpoᴋ Nâlegaᴋ.

Numbers 18:27

Tunergutiselo ᴋongmut isautijaksat kititaulârput ilipsingnut sôrlo senaugaksanik katjugvingmit, sôrlolo vaineliksat tullerajârtauvinganit pijut ilanganik.

Lukase 16:15

Oᴋautivaillo: Ajungitôjomagalloarpose inuit sângane Gûdible ômatise ilitarivait; inungnut nertortaujomajut Gûdib maᴋojugivait.

Rômiunut 4:11

Kipimanerle pivâ nalunaikutarilugo, naᴋitjutauᴋovlugo idluarsitisimanermut, okpernermit pijomut, okpernermit kipimalugane pigijarêrtaminit; taimailerdlune atâtaulerᴋovlugo okpertunut ilûnainut kipimangigalloartunut, tâpkoatauᴋ tamattominga idluarsititaujuteᴋarᴋovlugit.

Ebrêerinut 9:28

Taimaktauᴋ Kristuse atausiardlune tunergutautitaumavoᴋ unuktoᴋsuit idluituliningit pêjarlugit. Aipânigle saᴋᴋeromârpoᴋ ajortolionane neriuktunut tâpsominga, piulijaujutiksauvlune.

I Pêtrusib 2:24

Tâpsoma nangmineᴋ ajornivut timimine pitipait ᴋejungmut, idluitulinermit toᴋungalerᴋovluta, idluarneᴋ inôniarvigilugo. Tâpsoma ikkinginut inûlijauvose.