Leviticus 7:12 - Labrador Inuttitut Heritage Bible

¹² ᴋujaliutautilugo tunikpago, tunergutiksak ᴋujaliutiksak ilagellugo tunitjijuksauvok ᴋakᴋôjanik pubjusauteᴋangitunik orᴋsumut akusimajunik, ᴋakᴋôjârsungniglo sâpatânik orᴋsumut mingoartaumajunik, ᴋakᴋôjaniglo orᴋsumut akusimajunik sanaugatsiarmit kinipajomit.

Leviticus 7:12 Iomraidhean Croise

II Kronika 29:31

Hiskialo kiovlune oᴋarpok: Manna tigumiaralijarluse ikkipose Nalekamut, tamaungariartoritse, ᴋaitsiluselo tamaunga tunnergutiksanik, tunnergutiksaniglo nertordlerutiksanik Nalekab iglunganut. Illagêllo âtsivut tunnergutinik, tunnergutiniglo nertordlerutinik, illunatiglo ᴋunnutuitut tunnergutinik ôtaksanik.

II Kronika 33:16

Sattortautipâlo Nalekab Altaringa, tunnijilunelo ᴋângane tunnergutinik nertordlerutiksanik, ᴋujalijutiksaniglo, perᴋovaillo Judakut Nalegak Israelib Gudinga kivgartoraksaringmatsuk.

Nehemia 12:43

Uvlormelo taipsomane tunnergutit unnuktut tunnijauvut, ᴋuviasulaukpullo; Gûdib ᴋuviasungneᴋartilaungmagit angijomik, arnallo sorrutsillo ᴋuviasulaukputtauk, Jerusalemiullo ᴋuviasungningat tussartaulaukpok ᴋaningitomit.

Imgerut 107:8

Tâpkoa Nâlegak ᴋuviagijaksarivât, pitsiarninga, tattamnartulliningillo pinniarnerijangit Inuit ᴋittornganginut pivlugit.

Imgerut 116:17

Igvit ᴋujalinermik tunitsivigijomavagit, Nâlekablo attinga oᴋâlautigijomavara.

Imgerut 50:23

ᴋujalinermik tunnijijub, tâpsoma nakorivânga, tamanalo apᴋutauvok Gûdib piuliklerninganik saᴋᴋertitserᴋovlunga tâpsomunga.

Jeremia 33:11

Kuviasuktut nippinginik, aliasuktullo nippinginik, nulianiktûb nippinganik, uiniktûblo nippinganik, ipkoalo nippinginik oᴋartut: Nâlagaᴋ Zebaot ᴋujagisiuk, Nâlagaᴋ ajungitôngmat, nâpkiningningalo soraijuitôngmat; ipkoalo tunergutinik ᴋujalitiksanik Nâlakab iglunganut âtsijut nippinginik. Nunab aularutijaujungit utertitsomârapkit sorlo pigiarnerme, oᴋarpoᴋ Nâlagaᴋ.

Hosea 14:2

Oᴋausikka neksarsigik, uteritselo Nâlekamut, oᴋautisiuk: Ajornerit tamaita pêjalaukit, saimarsartigullo; taimaglo tunitjijomavogut ᴋangasinâpta paunganginik.

Leviticus 2:4

Tunerguseruvillo tunergumik igasimajomik kiaksautime, sanaugatsiangojuksauvok pubjusauteᴋangitomik, orᴋsumut akusimajomik, sâtuniglônêt pubjusauteᴋangitunik, orᴋsumut mingoarsimajunik.

Leviticus 2:5

Tunergutille nerᴋiksak igasimakpat igautime sâpatâme, sanaugatsiangojuksauvok pubjutitaumangitomik orᴋsumut akusimajomik.

Leviticus 22:29

Tunerguserupselo tunergutiksamik nertordlerutiksamik Nâlekamut, tunergutigijaksarivase nâmagijauᴋovluse.

Leviticus 6:16

Amiakoalo Aronib erningitalo nerrijaksarivât; pubjusauteᴋarane nerrijaujuksauvok ineme ivsornaitome; ilagêktut tupingata avatâne avaluliorsimajome nerrijaksarivât.

Leviticus 7:15

Tunergutingatalo ᴋujaliutiksab ᴋujaliutautilugo nerᴋinga nerrijaujuksauvok uvlorme tunerguserviojome; amiakoᴋartitsijuksaungilak ᴋaupat tikidlugo.

Amos 4:5

Tunitjititselo tunergutiksamik ᴋujalitiksamik puvertisimajomik, tunergutiniglo pijârijunik oᴋâlagitse ᴋaujijautilugillo: tamanna ᴋuviagigapsiuk, ilipse Israêlib ᴋitorngangit, oᴋarpok Nâlegak Nâlegaujok.

Numbers 6:15

Amargaujarmiglo niaᴋôjaᴋtalingmik pubjusauteᴋangitunik, ᴋaᴋᴋôjaniglo sâtunik, senaugatsiarmik orᴋsumut akᴋusimajomik, ᴋaᴋᴋôjârsungniglo sâpatânik pubjusauteᴋangitunik orᴋsumut mingoarsimajunik, tunergutiksaᴋ senaugaᴋ tunergutiksarlo imiksaᴋ ilagilugik.

Lukase 17:16

Itiganginullo pâmakterpok, ᴋujagilâllo. Tâmnalo Samâriamiovok.

Lukase 17:18

Assianik utertoᴋangilâk Gûde nakorilugo takorngartamit ômangât?

Rômiunut 1:21

Gûdeᴋartomik ᴋaujimagalloarlutik, nertornagolo ᴋujagilaunginamitsuk Gûdetut, issumamikut piungitoᴋsôlerput, ômatingillo silaitut tâᴋtoᴋsôlerput.

Efêsusemiunut 5:20

Tamaitalo ᴋujalijutiginiarsigik sorairase Gûdemut Atâtamullo, Nâlegapta Jêsusib Kristusib attingane.

Ebrêerinut 13:15

Sorairata tagva Gûde âtsivigilavut tunergutinik nertordleruinik tâpsomûna, tagva oᴋautsinik nertordlertunik ᴋangasinângnit pijunik, attinganik kigligiudsijunik.

I Pêtrusib 2:5

Ilipsetauᴋ ujarᴋatitut ômajutitut igloliangotitse, igloᴋsoangolerᴋovluse anernelingmik ajoᴋertuijuksaulerluselo ivsornaitunik; tunijijuksauᴋovluse tunergutinik anernilingnik, Gûdib idluarijanginik Jêsuse Kristusikut.