Leviticus 6:2 - Labrador Inuttitut Heritage Bible

² Idluitulijoᴋarpat, Nâlegak idluiluktomik piniarvigivlugo, inôᴋatimelo torᴋortauᴋojanga satoraksautitangalônêt nalangaijutigivlugo, aᴋsârnikpallônêt, inôᴋatinelônêt oᴋumaiksartikpago;

Leviticus 6:2 Iomraidhean Croise

Genesis 26:7

Inuillo tagvanêtut nulianga apperᴋutigijarangatsuk, oᴋarpakpoᴋ: Najagivara; nuliarivlugo oᴋariaᴋ kappiagigamiuk, (issumaᴋarlune:) Tamânemiut toᴋoniarpânga Rebekka pivlugo, kênatsiaridlarnermat.

Imgerut 51:4

Illingnut kissiane ajortullilaukpunga, idluitullilarmalo sângne, igvit idluatsainarᴋovlutit oᴋauserne ivsornaitsiarᴋovlutillo erᴋartortauguvit.

Salomob Okâl 24:28

Pitjuteᴋarnak nellonailêjôniarnak inûᴋattit akkerartorlugo, ᴋanernullo uiveriklerniarnak.

Salomob Okâl 26:19

Taimailiorpok inuk nellangaitok inûᴋattiminut, oᴋarlunelo kingorngane: Pingoarᴋauvunga.

Jesaiase 21:2

Takkotitjumik sivoranartomik takkotitauvunga: Arᴋtaijoᴋ arᴋtaivoᴋ, asserorsaijoᴋ asserorsaivoᴋ. Paungaleritse Elamiôjose, illumasiuk Mêdiamiôjose! anersaumititsiningit tamaita sorairtitsomavakka.

Jesaiase 24:16

Nertordlerutiksanik tussarpogut nunaᴋsûb kiglinganit: Idluartotôjoᴋ opigijaule! Uvangale oᴋariaᴋarpunga: Aijai, aijai! kappianarmêk uvanga! Terliarsijut terliarsivut, terliarsijut terliarsivut angiluartomik.

Jesaiase 33:1

Kappianarmek igvit asserorsaijotit, nangmineᴋ asserortaulungigalloartotit sulle; igvillo aksorôtjijotit, nangmineᴋ aksorôtijaulungigalloartotit sulle. Asserorsainit pijarêrungne, igvittauᴋ asserortaujomârpotit; aksorôtjineᴋ nãmaksigungne, igvittauᴋ aksorôtijaujomârpotit.

Jeremia 9:5

Ilûnatiglo atunit uivêrikleromavut inôᴋatimingnik, mikseᴋârtomiglo oᴋaromangilat; oᴋatik ilisavait saglonernik oᴋarᴋovlugit, merngortortipullo nangminermingnik idluitulijomavlutik.

Hesekiel 40:46

Igloarsuglo avunga sangmijoᴋ ajoᴋertuijunut tunerguserviub piksanginik udjertortunut ilingavoᴋ; tâpkoa Zâdokib kinguvârivait, tâpkoa kissimik Levib kinguvânginit najorniktuksauvut Nâlekamik, tâmna kivgartorlugo.

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Leviticus 19:11

Tigliktuksaungilase; nalangaitomiglo piniartuksaungilase, saglôtijuksaunaselo.

Leviticus 5:15

Inuit naliat tamarlune idluitulikpat Nâlekamut tunijaujut ivsornaitut pitjutigilugit, ᴋaitsijuksauvok tunergutiksaminik pasijaksaungijutiksamik Nâlekamut, angusâlormik ᴋanoêtoᴋangitomik katimgajunit, akkitutigijomik sekelenik silberenik idluarijat maliklugo, ivsornaitoviub sekelinga maliklugo, tunergutiksauᴋovlugo pasijaksaungijutiksamik:

Leviticus 5:19

Tunergutiksauvok pasijaksaungijutiksamik: pasijaksaudlalaungmat Nâlekab sângane.

Leviticus 6:1

Nâlekablo Mosese oᴋarvigiva, oᴋarlune:

Amos 8:5

Oᴋarluse: ᴋanga takᴋêlak ᴋângersimaniarᴋâ, aulaijungnarᴋovluta sanaugaksanîk? Sabbatelô, saᴋᴋijârtitsijungnarᴋovluta senaugaksanîk? Oktût efa miklilitilugo, kênaujarlo sekele akkitunersautilugo, nalâgôngitomiglo piniarluta kiktitautinut nalautsilungitunut;

Habakûb 1:13

Igvit ijeᴋartotit ivsornaitoᴋsôjûngnik idluitulinermik takonârungnangitûngnik, nelangainermiglo nâmaksarungnangitûngnik, suna pivlugo nelâgôngitulijut tâpkoa takonârᴋigît, nipangerlutillo idluitulijûb idluarᴋejane êngmago,

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Apostelit Piniarningit 5:4

Perorsêvigigangne, perᴋutigilaungipiûk? pisiarijaungmallo, akkingatauk ilingnut perᴋutiksaulaungilâᴋ? sôk ômatingne taimâk isumalauᴋêt? Inungnik sagloᴋitsingilatit Gûdemigle.

Efêsusemiunut 4:25

Taimaimat sagluneᴋ iperarlugo mikseᴋârnermik oᴋauseᴋaritse, ilûnase atunit inuᴋatipsingnut; avatauᴋatigêkapta.

Kolossamiunut 3:9

Sagloᴋitsiniarase ilapsingnik; inutoᴋak ilusingillo iperarsigik.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.