Leviticus 5:3 - Labrador Inuttitut Heritage Bible

³ Nalovlunelônêt aktuigune inûb ivsornarninganik, ivsornarninga ivsornautigijanga sunaugaloarpat, ᴋaujimaleruniuk pasijaksauniarpok;

Leviticus 5:3 Iomraidhean Croise

Hesekiel 44:27

Uvlormelo itervigijangane ivsornaitovingmut, avaluliorsimajomut ilordlermut, kivgartoromavlune ivsornaitovingme, tunergusertuksauvoᴋ tunergutiksaminik ajortoêrutiksamik, oᴋarpoᴋ Nâlegaᴋ Nâlegaujoᴋ.

Leviticus 13:3

Ajoᴋertuijûblo ᴋanimasek uviningata aminganêtok ulernairtoraksarivâ; merᴋullo ᴋanimaserme ᴋaᴋorsimakpatta, ᴋanimasiublo tautua itinersaukpat uviningata aminganit, tagva kalâlôvok; ajoᴋertuijûblo ulernairtoraksarivâ ivsornarnerarlugolo.

Leviticus 5:2

Aktuijoᴋarpallônêt ivsornartomik sunamik, ômajûb ivsornartûb ᴋellunganiglônêt, tuktuvaublônêt ivsornartûb ᴋellunganik, ᴋuglugiablônêt ivsornartûb ᴋellunganik, nalovlune, ivsornartitauvlunalo, tâmna pasijaksauvok;

Leviticus 5:4

Udjertorluganelônêt angermariktoᴋarpat idluitulijomavlune idluartulijomavlunelônêt, sunaugaloarpat inûb angerutigijanga udjertorlugane angerutigikpago, nalovlune, ᴋaujimaleruniuk, pasijaksaulârpok tâpkoa naliat pivlugo;

Leviticus 7:21

Aktuijokarpallo ivsornartomik, inûb ivsornarninganiglônêt, ômajomiglônêt ivsornartomik, maᴋᴋojungnartomiglônêt sumik ivsornartomik, nerrilunalo tunergutaujûb ᴋujaliutiksab nerᴋinganik, Nâlekamut tunijaujomik, tâmna avitaujuksauvok inôᴋatiminit.

Numbers 19:22

Ivsornartûblo aktortangit ilûnatik ivsornarniarput; aktoajorlo tâpkoninga ivsornarniarpoᴋ unnuk tikidlugo.