Leviticus 5:11 - Labrador Inuttitut Heritage Bible

¹¹ Sapidlarpalle akᴋigeojârtûngnik maggûngnik akᴋigeojârângniglônêt maggûngnik, ᴋaitsijuksauvok idluitulinerilauktane pivlugo sanaugatsiarmik ôktûtib êfab tallimaujoanik tunergutiksautilugo ajoᴋêrutiksamik; orᴋsumik pititsivigijaksaringilâ, tipitsiariksaumiglônêt pititsiviginago: tunergutiksaungmat ajoᴋêrutiksamik.

Leviticus 5:11 Iomraidhean Croise

Exodus 16:18

Omeremullo ôktormatsuk, angijomik katersoijok simnikoᴋangilak, ikituniglo katersoijok amigaᴋsilungilak; Atunit katersoivut nerrijaluaminik.

Exodus 16:36

Omere tagva Efab tellimaujortunga.

Leviticus 1:14

Tunergutiksangalo Nâlekamut tunergutiksaukpat ôtaksamik tingmianik, tagva akᴋigiojârulangnik akᴋigiojârtuniglônêt tunergutiksaᴋartuksauvok.

Leviticus 12:8

Sapidlarpalle saugârsungmik, tigusijuksauvok aᴋigiojârtûngnik maggûngnik aᴋigiaraujarniglônêt maggûngnik; aipâ tunergutiksautilugo ôtaksamik, aipangalo tunergutiksautilugo ajoᴋêrutiksamik; ajoᴋertuijûblo ulapᴋoseraksarivâ ivsornainiarporlo.

Leviticus 14:21

Aklujokpallo, taimâglo angitigijomik pijungnarane, tigusijuksauvok saugârsungmik angutimik atautsemik tunergutiksarilugo pasijaungijutiksamik sanervaiᴋitârtitaksamik, ulapirᴋsartaujutiksaminut, sanaugatsiarmiglo ôktûtib efab tallimaujoanik, orᴋsumut akusimajomik, tunergutigilugo nerᴋiksamik, orᴋsumiglo ôktûtimik;

Leviticus 27:8

Sukkôluarpalle akkeᴋariaᴋarnerartarnit, ajoᴋertuijûb sânganut pititaujuksauvok, ajoᴋertuijûblo akkigijungnartanga oᴋautigijaksarivâ; angermariktûb akkigijungnartanga maliklugo ajoᴋertuijûb akketotigineraraksarivâ.

Leviticus 5:12

Ataksarivâlo ajoᴋertuijomut, ajoᴋertuijorlo tigusijuksauvok tigumiarᴋamik tagvangat erᴋaumajutiksauᴋovlugo, ôtitaksarivâlo tunerguservingme, tunergutit Nâlekamut ikomakut tunijaujut piniarutauᴋojangit maliklugit; tunergutiksauvok ajoᴋêrutiksamik.

Leviticus 5:6

Atsijuksauvorlo Nâlekamut tunergutiminik pasijaksaungijutiksamik idluinine piniarnerijane pivlugo saugârsungmik tuktungajomiglônêt arnarmik katimgajunit tunergutiksautilugo ajoᴋêrutiksamik; ajoᴋertuijûblo ulapirᴋsaraksarivâ idluitulinerilauktanga pivlugo.

Leviticus 5:9

Tunergutiksablo ajoᴋêrutiksab aungata ilanga serᴋerautigijaksarivâ tunerguserviub saneranganut; aublo amiakoa kovijaksarivâ tunerguserviub ikkogganganut; tunergutauvok ajoᴋêrutiksamik.

Leviticus 6:20

Tamadja tunergut Aronib erningitalo tunijaksarijangat Nâlekamut uvlorme mingoartauvigijangine; êfab tallimaujoanik sanaugatsiarmik tunergutiksauᴋovlugo nerᴋiksamik soraingitomik, abvanga uvlâkut, abvangalo unnukut.

Numbers 5:15

Tagva angutib nuliane âtaksarivâ ajoᴋertuijomut, tâpsomalo nuliame tunergutiksanganik, senaugakullungmik efab tellimaujoanik; orᴋsumik koverijaksarilungilâ, tipitsiariksautiksamiglônêt pititsiviginago; tunergutiksaungmat senaukamik idluigosungneᴋ pitjutigivlugo, tunergutiksaᴋ erᴋaumajutiksaᴋ; erᴋaititsijoᴋ idluitulinermik.

Numbers 7:13

Tâpsomalo tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

Lukase 2:24

Tunergutiksatik tunilugit, sorlo Nâlekab perᴋojangine aglaksimangmat: akigijârtûngnik aᴋigiaraujarniglônêt maggûngnik.

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Ebrêerinut 9:22

Ilûnakasatiglo epᴋêjartaulerput aungmut, perᴋojat maliklugit. Aublo kovijauninganut kissianut issumagijaujungnaineᴋarpoᴋ.