Leviticus 4:7 - Labrador Inuttitut Heritage Bible

⁷ Ajoᴋertuijûblo aub ilanga pititaksarivâ isserluanititsiviub tipitsiariksaumik, ilagêktut tupinganêtûb, nakjunginut, Nâlekab sângane: tuktuvaublo aunga ilûnât kovijaksarivâ tunerguserviub tunergutinik ôtaksanik ikkogganganut, ilagêktut tupingata upkoangata sânganêtomut.

Leviticus 4:7 Iomraidhean Croise

Imgerut 118:27

Nâlegak Gudeôvok, ᴋaumaksartivut. Uvloksiorvik pinnarnarsisiuk ᴋessertutinik milluᴋattalingnik, Altarib naksungit tikkidlugit.

Exodus 29:12

Tuktuvaublo aungata ilanga tigujaksarivat, aggangnullo tunerguserviub natjûgik mingoarlugik tâpsomunga, aublo amiakoa ilûnnane kovilugo tunerguserviub tungavinganut.

Leviticus 1:5

Tuktuvaglo toᴋotaksarivâ Nâlekab sângane; Aroniblo erningita, ajoᴋertuijut, auk âtaksarivât serᴋerautigilugolo tunerguserviub avatânut, ilagêktut tupingata upkoangata sânganêtomut.

Leviticus 16:18

Anijuksauvorlo tunerguservingmut Nâlekab sânganêtomut ulapᴋoserlugolo; tigusijuksauvorlo tuktuvâraub aungata ilanganik, tuktungajûblo aungata ilanganik, pitilugolo tunerguserviub nakjunginut avatânêtunut.

Leviticus 4:18

Aublo ilanga pititaksarivâ tunerguserviub, Nâlekab sânganêtûb, ilagêktut tupinganêtûb, nakjunginut, auglo ilûnât kovijaksarivâ tunerguserviub tunergutinik ôtaksanik ikkogganganut, ilagêktut tupingata upkoangata sânganêtomut.

Leviticus 4:25

Ajoᴋertuijûblo tunergutiksab ajoᴋêrutiksab aungata ilanga tigujaksarivâ tikerminut, pitilugolo tunergutit ôtaksat tunerguservingata nakjunginut, aungalo kovijaksarivâ tunerguserviub tunergutinik ôtaksanik ikkogganganut.

Leviticus 4:30

Tikerminullo aungata ilanga tigujaksarivâ pitilugolo tunergutit ôtaksat tunerguservingata nakjunginut, aungalo ilûnât kovijaksarivâ tunerguserviub ikkoggangata avatânut.

Leviticus 4:34

Tikerminullo tunergutiksab ajoᴋêrutiksab aungata ilanga tigujaksarivâ pitilugolo tunergutiksat ôtaksat tunerguservingata nakjunginut, aungalo ilûnât kovijaksarivâ tunerguserviub ikkoggangata avatânut;

Leviticus 5:9

Tunergutiksablo ajoᴋêrutiksab aungata ilanga serᴋerautigijaksarivâ tunerguserviub saneranganut; aublo amiakoa kovijaksarivâ tunerguserviub ikkogganganut; tunergutauvok ajoᴋêrutiksamik.

Leviticus 6:30

Tunergutiksalle naliallônêt, aungata ilanga âtaukpat ilagêktut tupinganut ulapirᴋsautiksauᴋovlugo ivsornaitovingme, nerrijaujuksaungilak: ikomamut nungutaujuksauvok.

Leviticus 8:15

Toᴋopâlo; Mosesiblo auk tiguvâ tikerminullo pitipâ tunerguserviub nakjûgingnut avatânut, tunerguservik ivsornaitilugo, auglo kovivâ tunerguserviub tungavinganut, ivsornaitilugo ulapᴋoserlugo.

Leviticus 9:9

Aroniblo erningita auk manivât tâpsomunga, tâpsomalo tikine misukpâ aungmut pitilugolo tunerguserviub nakjunginut, auglo kovivâ tunerguserviub tungavinganut;

Efêsusemiunut 2:13

Mânale ilipse Kristuse Jêsusemêtose, sivorngane ungasiktomêlauᴋtose, ᴋanilerpose Kristusib aungagut.

Ebrêerinut 9:15

Tamanna pivlugotauᴋ Testamentetâmik pijitserteovoᴋ, ᴋaiᴋojaumajut perᴋovlugit kingormgutijaksamik nunguniangitomik angerutaumajomik, toᴋonermut piulijaujutiksamut ajornernit Testamentib sivorliub neliuningane pijunit.

Ebrêerinut 9:21

Taimaktauᴋ tupeᴋ perᴋutillo tamaita atortaujut Gûde kivgartorlugo aungmut tamattomunga serparsarpait.

Takotitaunermik 6:9

Naᴋitjutillo tallimangat (Saugârsûb) angmarmago, takovunga Altârib atâne Gûdib oᴋausingit pitjutigilugit kigligiutsinitiglo tamakkoninga pitjutigilugit toᴋotaulauktut tarninginik.