Leviticus 4:34 - Labrador Inuttitut Heritage Bible

³⁴ Tikerminullo tunergutiksab ajoᴋêrutiksab aungata ilanga tigujaksarivâ pitilugolo tunergutiksat ôtaksat tunerguservingata nakjunginut, aungalo ilûnât kovijaksarivâ tunerguserviub ikkoggangata avatânut;

Leviticus 4:34 Iomraidhean Croise

Jesaiase 42:21

Idluarnine pivlugo Nâlegaᴋ kajusilerpoᴋ, perᴋojat angijôtillugit ivlernartillugillo.

Leviticus 4:18

Aublo ilanga pititaksarivâ tunerguserviub, Nâlekab sânganêtûb, ilagêktut tupinganêtûb, nakjunginut, auglo ilûnât kovijaksarivâ tunerguserviub tunergutinik ôtaksanik ikkogganganut, ilagêktut tupingata upkoangata sânganêtomut.

Leviticus 4:25

Ajoᴋertuijûblo tunergutiksab ajoᴋêrutiksab aungata ilanga tigujaksarivâ tikerminut, pitilugolo tunergutit ôtaksat tunerguservingata nakjunginut, aungalo kovijaksarivâ tunerguserviub tunergutinik ôtaksanik ikkogganganut.

Leviticus 4:30

Tikerminullo aungata ilanga tigujaksarivâ pitilugolo tunergutit ôtaksat tunerguservingata nakjunginut, aungalo ilûnât kovijaksarivâ tunerguserviub ikkoggangata avatânut.

Leviticus 4:7

Ajoᴋertuijûblo aub ilanga pititaksarivâ isserluanititsiviub tipitsiariksaumik, ilagêktut tupinganêtûb, nakjunginut, Nâlekab sângane: tuktuvaublo aunga ilûnât kovijaksarivâ tunerguserviub tunergutinik ôtaksanik ikkogganganut, ilagêktut tupingata upkoangata sânganêtomut.

Johannese 17:19

Tâpkoa pivlugit ivjornailivunga, tâpkoatauk ivjornailerᴋovlugit mikseᴋârnerme.

Rômiunut 10:4

Kristuse perᴋojat naggatigingmatsuk; ilûnatik tâpsomunga okpertut idluarsititauvut.

Rômiunut 8:1

Tagva mâna erᴋartoraksautsangilat Kristuse Jêsusemêtut, uvinik malingnago Anernerle maliklugo arvertartut.

Rômiunut 8:3

Perᴋojab ajortanga, uviningmut ajulertitaumangmat, tamanna Gûdib pivâ, Ernine tiligamiuk, uviningmut ajortolingmut adsioᴋovlugo, tunergutiksauᴋovlugolo ajornerit pivlugit, ajortorlo uviningmioᴋ erᴋartorpâ;

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Ebrêerinut 10:29

Imaᴋâ, sugaluluartoᴋsoarmik pidlartaujutiksarsiniarasugivase (inuk) tullertoᴋ Gûdib erninganik, ivsornautigilugolo Testamentib aunga ivsornaijutigilauᴋtane, mitauteᴋartorlo Anernermik saimarsautaujomik.

Ebrêerinut 2:10

Pijariaᴋalaungmat Gûdemut (tamaitaᴋsuit tâmna pivlugo ingmatta, tâpsomungalo tamaitaᴋsuit pingmatta) âniatitaunermut nâmaksititsomavlugo tâmna ᴋitornganik unuktunik ânanaunivingmut pititsijoᴋ, tâpkoalo piulijigiangat Nâlegaᴋ.

I Pêtrusib 2:24

Tâpsoma nangmineᴋ ajornivut timimine pitipait ᴋejungmut, idluitulinermit toᴋungalerᴋovluta, idluarneᴋ inôniarvigilugo. Tâpsoma ikkinginut inûlijauvose.

I Pêtrusib 3:18

Kristusetauᴋ atausiardlune âniatitaungmat ajornivut pivlugit, idluartoᴋ idluitut pivlugit, pititsomavluta Gûdemut, uviningmigullo toᴋotauvlune, anernermigulle ômartitauvoᴋ.